Sapa watanmi Diospa llaqtanpiqa askhanpi bautizakushanku, chaymi Diosta yupaychana wasikunaqa necesitakushan. Chaypaqmi mundontinpi wasikuna jatarichiymanta encargakuqkuna 2020 watapi 2.700 más juñunakuna wasikunata jatarichikunanpaq otaq allichakunanpaq decidiranku. *

Kay coronavirus onqoy kasqanwanmi ichaqa sasa karan imachus ruwanankuwan junt’ay. Chaymi qelqakuna ruwaymanta encargakuqkunaqa, gobiernokunaq kamachisqanta kasukuspa hermanonchiskunata cuidayta munaspa ima, 2020 watapi imachus ruwakunanta sayachipuranku. Manaraq coronavirus onqoy kashaqtinmi ichaqa mosoq juñunakuna wasikunata ruwaranku wakintataq allicharanku, llapanpiqa 1.700 más juñunakuna wasikunan karan. Chaymantapas sucursalkunapin 100 más jatun llank’aykuna ruwakuran, kunanqa yachasun iskay jatun llank’aykuna ruwakusqanmanta.

Camerún nacionpi sucursal ruwakusqan. Camerún nacionpi ñaupaq sucursalqa Duala llaqtapin karan, chay sucursalqa juch’uyllan karan, allichana imataqmi karanpas. Chaymi qelqakuna ruwaymanta encargakuqkunaqa piensaranku chay sucursalta allichanankupaq, ichaqa nishu qolqepaqmi karan. Chaymantapas juj allpata rantispan chaypi mosoq sucursalta jatarichiyta munaranku, ichaqa manan mayqentapas ruwarankuchu.

Duala llaqtamanta autoridadkuna juj carretera ruwanankupaq rimanakusqankutan hermanonchiskuna yacharuranku, chay carreteraqa jatun juñunakuykunata aparikunan wasiq ladollantan pasanan karan. Chay carretera ruwakuqtinqa facil-llatan carrokuna sucursalman chayanman, chaytan hermanokunapas munasharanku. Chaymi Umalliq t’aqamanta hermanokuna aprobamuranku jatun juñunakunanchis wasiq ladollanpi juj mosoq sucursalta ruwakunanpaq.

Wasikuna ruwaymanta encargakuq hermanokunan juj empresata contrataranku sucursalpa wakin partenkunata ruwanankupaq, chhaynapin mana askha qolqetachu gastakuran, aswanpas 6.800.000 más qolqeraqmi puchuran. Chaymi Betelpi llank’aq hermanokunaqa manaraq coronavirus qallarishaqtin mosoq sucursalman astakapuranku.

Camerún sucursalpi llank’aq hermanokunaqa aswan kusisqan kunanqa mosoq sucursalpi llank’ashanku, paykunaqa Jehová Diospa regalonta jinapunin chay sucursalta qhawarinku. Chaypi llank’aq juj casarasqa iñiqmasinchismi nin: “Kunanqa astawanmi Jehová Diospaq llank’ayta munashayku”, nispa.

Tojolabal simiman t’ijrakunanpaqmi juj wasita rantiranku (México). Tojolabal simiman t’ijraqkunaqa unayñan Centroamérica sucursalpi llank’asharanku, chayqa kashan México nacionpin. Tojolabal simitaqa rimanku Altamirano llaqtapi Las Margaritas llaqtapiwan, chay llaqtakunaqa kashan Centroamérica sucursalmanta 1.000 kilómetro jina karupiraqmi. Chaymi tojolabal simita rimaq hermanokunata t’ijraypipas grabacionkunapipas yanapakunankupaq sucursalman invitayqa sasa karan.

Yachachikuykuna qelqaymanta encargakuqkunan decidiranku tojolabal simiman t’ijraqkunaqa maypichus chay simita rimanku chayman astakunankupaq. Chaymi hermanokunaqa allichanapaq wasillataña rantiranku, chay allichaypiqa manan nishutañachu gastakunan karan.

Tojolabal simiman t’ijraqkunamanta jujnin hermanonchismi nin: “10 wataña sucursalpi llak’asharani tojolabal simiman t’ijraspa chaypas, manan ni jujllatapas tojolabal simipi rimaqtaqa reqsiranichu. Kunanmi ichaqa t’ijrana wasiqa tojolabal simita rimaqkunaq llaqtanpi kashan. Chaymi kunanqa sapa p’unchay tojolabal simita rimaqkunawan rimani, chaytaqmi yanapawan imayna rimasqankuman jina t’ijranaypaq”, nispa.

Sichus 2021 watapi ima ruwaypas atikunqa chayqa t’ijrana wasikunapas, Bibliamanta yachanapaq escuelakunapas, wakinmi ruwakunqa wakintaq allichakunqa, llapanpiqa 75 wasikunan ruwakunqa allichakunqa ima. Chaymantapas pusaq jatun llank’aykunan juj sucursalkunapi ruwakullanqataq, jujninmi ruwakunqa Ramapó llaqtapi, chayqa kashan Estados Unidos nacionpin, ruwakullanqataqmi Argentina nacionpi Italia nacionpipas. Chaymantapas necesitakushanmi 1.000 mosoq juñunakuna wasikuna, 6.000 alquilasqa wasikunataqmi cambiana kashan, 4.000 juñunakuna wasikunataq allichakunqa.

¿Ima qolqewanmi chaykunata ruwakunqa? Centroamérica sucursalmanta encargakuq Lázaro González hermanon chaymanta willawasun: “Tojolabal simiman t’ijrana wasita ruwakunanpaqqa sasan karan, hermanonchiskuna wajcha kasqankurayku. Ichaqa mundontinmanta hermanokunaq donación churasqankuwanmi atikuran ruwakuyta. Chaymantapas juj simikunaman t’ijrana wasikunatan ruwakullarantaq. Llapa iñiqmasinchiskunatan agradecekuyku qolqenkuwan donacionpi yanapakusqankumanta”, nispa. Rikusqanchis jina juñunakuna wasikunapas t’ijrana wasikunapas ruwakushan donación churakusqanwanmi. Chay donaciontan wakinqa churanku internetninta donate.pr2711.com nisqa paginanta.