“Diospa simin qelqapi qelqasqa kaqqa llapanmi Diospa yuyaychasqan”, nispa (2 Timoteo 3:16, Mosoq Pacha Biblia).

Bibliapiqa imakunamantachus yachayta munanchis chaykunamantan sut’ita willashan (Proverbios 2:1-5).

Bibliaqa yanapawasunmanmi sumaqta kausananchispaq (Salmos 119:105).

Chaymantapas Bibliaqa willashanmi jamuq tiempopi sumaq kausay kananmanta (Romanos 15:4).

Arí confiasunmanmi, ichaqa ¿imaraykun confiananchis?

• Llapa willasqanpas allintan tupan. Bibliaqa 1600 watakunapi jinan qelqakurqan, chaytaqa 40 runakuna jinan qelqarqanku. Chay runakuna manaña llapankuchu reqsinakurqanku chaypas, Bibliaqa juj runallapas qelqanman karqan jinan kashan.

• Cheqaqllatan imatapas willan. Librokunata qelqaqkunaqa pakankun llaqtankuq atipachikusqankuta. Bibliata qelqaqkunan ichaqa sut’illanta willarqanku kikinkuq pantasqankuta llaqtanku ima mana allin ruwasqankutapas (2 Crónicas 36:15, 16; Salmos 51:1-4).

• Llapa ima willasqanpas junt’akunpunin. Bibliaqa 200 wata ñaupaqtaraqmi willarqan Babilonia nación thunisqa kananmanta (Isaías 13:17-22). Ichaqa manan imayna thunisqa kanallanmantachu willarqan, willallarqantaqmi pichus atipanan karqan chaytapas (Isaías 45:1-3).

  Bibliapi juj profeciakunapas llapallanmi k’apajta junt’akurqan. Bibliaqa Diospa simintaq chayqa, ¿chhaynapunin kanan riki? Llapa willasqanmi junt’akunan (2 Pedro 1:21).