“Problemakunapin tarikurqayku chaytan esposay taytanman willarusqa. Suegroytaq consejota qowananpaq waqyamuwarqan, chaymi mana gustawarqanchu” (Jaime) *

“Suegraymi nillawanpuni: ‘Wawaytaqa nishutan extrañani paywanqa kuskallan kaq kani’, nispa. Chayta uyarispan mal sientekuni qosaywan casarakusqaymanta” (Natalia)

¿Imatan ruwananchis suegrokunawan problemanchiskuna matrimonionchista ama afectananpaq?

Casarakuspaqa huk familiañan kapunki. Biblian nin: “Chayraykun runaqa taytantapas mamantapas saqepunqa, hinaspan warminman hukllachaykakapunqa”, nispa. Kaqllatataqmi warmipas ruwanan. Casarasqakunaqa ‘huk cuerpollan kapunku’, huk familiataq kapunkupas (Mateo 19:5).

Casado kawsayniykita imamantapas ñawpaqpiqa churanayki. Matrimoniomanta yachaq John Gottman runan nin: “Casarakuyqa huk qosa esposanwan hukllachasqa kanankupaqmi, hukllachasqa kanankupaqtaq tayta-mamankumanta t’aqakunanku”, nispa. *

Wakin tayta-mamakunapaqqa sasan wawankumanta t’aqakuy. Chayllaraq casarasqa qosan nin: “Manaraq casarakuqtiykuqa esposayqa tayta-mamantan ñawpaqta imamantapas atiendeq. Casarakusqayku qhepamantaq manaña paykunatañachu ñawpaqta atienderqan, chaytan suegray repararqan. Hinan paypaq sasa karqan chayta aceptay”, nispa.

Wakin chayllaraq casarasqakunapaqpas sasan. Jaime nin: “Amigokunataqa akllakunkin, suegroykikunatan ichaqa mana akllakunkichu. Ichaqa paykunapas familiaykikunan ‘manaña gustasunkichu chaypas’”, nispa.

Iskayniykichis rimaychis suegroykichiswan problemaykichismanta allichanaykichispaq. Biblian nin: ‘Runa-masiykikunawan thakllapipuni kawsay’, nispa (Salmo 34:14).

Thakpi kawsanaykichispaqqa ima problematapas iskayniykichismi allichanaykichis. Kay consejokunan yanapasunkichis problemaykichiskunata allichanaykichispaq.

Esposaykiqa mamanwan allinta kawsanaykitan munan. Qanpaqmi ichaqa sasa suegraykiwan allinta kawsay.

Kaytan ruwawaq: Esposaykiwan rimay chay problemamanta, ima ruwana kaqtinpas ruway. Manan suegraykita imayna qhawarisqaykipichu piensanayki, aswanpas munakusqayki esposaykipin. Piensaychis iskayniykichismanta imaynatan allichawaqchis suegraykiwan allinta kawsanaykipaq chaypi, hunt’aytaq ima rimasqaykichistapas. Esposaykiqa astawanraqmi respetasunki kallpachakusqaykita rikuspa (Bibliaq yachachikuynin: 1 Corintios 10:24).

Esposoykiqa paypi astawan interesakunaykitan munan, tayta-mamaykikunapi masta interesakushanaykimantaqa.

Kaytan ruwawaq: Qosaykiwan rimay chay problemamanta, imayna sientekusqanpitaq piensay. Qosaykiqa manan phiñakunanchu tayta-mamaykita respetasqaykirayku yanapasqaykimantaqa (Proverbios 23:22). Chaywanpas ninaykin payta munakusqaykita, rikuchinaykitaq pay aswan importante imamantapas kasqanta. Chayta ninki chayqa qosaykiqa manan phiñakunqachu tayta-mamaykikunata yanapasqaykimantaqa (Bibliaq yachachikuynin: Efesios 5:33).

Esposaykiqa tayta-mamantan yanapayta mañakun qanman ñawpaqta willanasuykitaqa.

Kaytan ruwawaq: Esposaykiwan rimay. Acuerdopi kaychis imakunatan tayta-mamaykichiswan rimawaqchis imakunatataq mana chaymanta. ¿Manapunichu allin kanman tayta-mamakunawan rimay ima problemakunamantapas? ¿Imakunamantan paykunawan rimawaqchis? Sichus iskayniykichis allinta rimankichis chayqa, manan tayta-mamaykichiswan rimaspaqa problemapichu tarikunkichis (Bibliaq yachachikuynin: Filipenses 4:5).