¿Prohibinkuchu Jehová Diospa testigonkuna ima peliculatapas ima takitapas ima librotapas?
Manan. Manan noqaykuqa prohibiykuchu ima peliculatapas ima takitapas ni ima librotapas. ¿Imarayku?
Bibliaq nisqan jina sapankan yuyayninkuta allinta preparananku, chhaynapi “allin kaqta mana allin kaqtapas reparanankupaq” (Hebreos 5:14).
Bibliapiqa askha yuyaychaykunan kan, chhaynapi sapanka allin yuyaywan imatapas ajllakunanpaq. a Imataña ruwaspapas ‘allintan reparananchis ima ruwaykunachus Señorpa sonqonpaq jina chayta’ (Efesios 5:10)
Diosmi churan familiapi umalliqkunata, paykunaqa atinkumanmi familiankupi imatapas prohibiyta (1 Corintios 11:3; Efesios 6:1-4). Iñiq t’aqapin ichaqa mana pipas autorizasqachu kashan ima peliculatapas ni ima takitapas prohibinanpaq, ni allin reqsisqa runakunamanta ima programa qhawaytapas prohibinanpaq (Gálatas 6:5).
a Yachanapaq, Bibliaqa juchachanmi layqa ruwaykunata, qhelli ruwaykunata, maqanakuytapas, chhaynaqa chhayna ruwaykunamanta imata qhawaypas uyariypas manan allinchu kashanman (Deuteronomio 18:10-13; Efesios 5:3; Colosenses 3:8).
Astawan yachanaykipaq
DIBUJOKUNAWAN YACHACHIKUYKUNA
Pin ganashan, ¿qanchu icha computadorachu?
Computadorapi wakin pujllaykunaqa allinmi kanman, wakinmi ichaqa mana allinninchispaqchu kanman. ¿Imatan ruwanayki mana allin pujllaykunawan sonqoykita ama suwachikunaykipaq?
BIBLIAMANTA YACHACHIKUYKUNA
Imaynatachus Bibliamanta estudiota qoyku chayta yachay
Bibliamanta gratislla yachay.