17 añosta charij Jonathanga ninmi: “Huaquin huatacuna huashamanga ansiedad unguitami charircani. Ñuca cuerpo ucupica imapash nina rupajuj cuendami carcani. Huaquinbica suicidaringapami munarcani. Aunque na huañungapaj munashpapash, sufrinata saquingapallami munarcani”.

 Colegiomanda 14.000 estudiantecunata entrevistajpica, casi cada 5 estudiantecunamanda shuj estudiantemi último huatapica ciertopacha suicidaringapaj munashcata nin. a ¿Quiquinbashchu suicidaringapaj munapashcangui? Shina cashpaca ¿imatata rurai ushapangui?

•   Shuyanarami capangui. Na imatapash yangataca ruranallachu cangui. Aunque problemacunahuan ñana ushajushpapash, huaquin cosascunatami rurai ushapangui.

 ¿Huaquinbica imapash cuartopi vichariajunshnachu sintiringui? Problemacunapilla pensarijuimandami, huaquinbica imatapacha ruranataca na yachangui. Minishtijushca ayudata chasquishpaca problemacunapa solución tiajtaca cuenta japi ushanguimi.

•  Bibliapica ninmi: “Ñucanchica shuj shuj llaquicunatami charipanchi. Pero, imatapash na rurai ushashpa na cuyurinshnaca na quidapanchichu. Imata ruranata na atinashpapash, siempremi ñaupaman catinchi” (2 Corintios 4:8).

   ¿Imatata rurana capangui? Suicidarinapi pensarijushpa y chaipilla ashtahuan ashtahuan pensarijushpaca ayudata mascanami capangui. Ama suicidarichun ayudanata yachaj numeromanmi cayana capangui o por emergencia hospitalman ripangui. Chaipica ayudangapaj munaj y ayudaita ushaj gentecunatami taripangui.

•   Pihuanbashmi parlana capangui. Ashtaca gentecunami quiquinmanda preocuparin y quiquinda ayudangapaj munan. Por ejemplo, quiquinba amigocuna y familiacunaca ayudangapami munanga. Pero quiquin ima pasajujta parlajpillami, paicunaca quiquin ima pasajujtaca yachanga.

 Huaquin gentecunaca lentesta churajushpami imagutapash claroguta ricuita ushan. Shuj amigoca shuj lentes cuendami can. Problemacunamanda ama yapata preocuparijuchun y causana munaita cutin charichunbashmi ayudaita ushan.

•  Bibliapica ninmi: ‘Ali cumbaguca llaqui punllacunapipash huauqui’ propiotashnami llaquin (Proverbios 17:17).

   ¿Imatata rurana capangui? Cashna parlai callaripai: “Cai punllacunapica llaquilla pensamientocunatami charipashcani ¿nachu quiquinhuan parlaita ushapani?”. O talvez cashnami nita ushapangui: “Huaquin problemacunatami charini y na ñucalla solucionaita ushapanichu. Ayudahuai”.

•   Doctorpamanmi rina capangui. Ansiedad o depresión unguimandami gentecunaca causana munaitapash na charin. Pero tratamientota catishpaca chai unguicunataca mishaita ushapanguimi.

 Imashinami gripemandaca micuna ganastapash chingachinchi, shinallatami depresión unguimandaca causana munaitapash chingachinchi. Shinapash ishcandi unguicunapami tratamientoca tian.

•  Bibliapica ninmi: “Sano gentecunaca doctortaca na minishtinllu. Pero ungushca gentecunaca minishtinmi” (Mateo 9:12).

   ¿Imatata rurana capangui? Aligutami puñuna capangui, ejerciciota rurana capangui y sano cosascunatami micuna capangui. Sano cashpaca ali cosascunapimi pensarita ushapangui y alillatami sintiripangui.

•   Taita Dioshuanmi parlana capangui. Bibliapica ‘ñucanchi shungu llaquichijujpipash, Taita Diosca ñucanchi shungutapash yalimi’ can ninmi (1 Juan 3:20). Taita Diostaca cunanllata mañai. Taita Diospa shuti Jehovata utilizashpa mañai. Tucui imashina sintirijushcata paimanga parlai.

 Huaquin problemacunaca llashaj quipishnami can y na canllaca ushanguichu. Quiquinda Ruraj Jehová Dios quiquinda ayudachunmi saquina cangui.

•  Bibliapica ninmi: ‘Taita Diosta mañashpa Taita Diosmanmi villana capanguichi. Chaimi Taita Diosca gentecuna na intindi ushanalla tranquilo, ali canata quiquingunamanga caranga. Shinami Taita Diosca quiquingunapa shunguta y quiquingunapa pensamientocunatapash cuidariajunga’ (Filipenses 4:6, 7).

   ¿Imatata rurana capangui? Jehová Diosman tucuita villashpapash cai punlla imagutapash carashcata agradicinataca na cunganachu capangui (Colosenses 3:15). Agradicishpaca ashtahuan cushillami sintiripangui.

 Ñana causana munaita charishpaca, ayudata mascanami capangui. Callari parrafopi parlashca Jonathanga ninmi: “Tauca viajecunatami ñuca taitamamacunahuan parlarcani y doctorpamanbashmi rircani. Y ñami alillata sintiripani. Huaquin punllacunataca todaviami llaquilla sintirini pero suicidarina pensamientocunataca ñana charipanichu”.