Ashtaca estudiantecunami paicunapa huasipillata estudiana tucushca, chaimandami paipa huasicunaca paicunapa escuelashna, colegioshna tucushca. ¿Quiquinbashchu huasipillata estudiajupangui? Shina cashpaca yacharingapaj tiempota ali aprovenchangapaca ¿imatata rurai ushapangui? Huaquin yuyaicunata ricupashun. a

•  Cai picha yuyaicunata catita ushapangui

•  Huaquin jovengunaca ninmi

•   Shuj horariota rurapangui. Estudiangapaj rijuj cuendami cada punllapa shuj ali horariota charina capangui. Ashtahuanbash huasipi ruranata rurangapaj, deberescunata rurangapaj, shuj importante ruraicunata rurangapaj cada punlla imata ruranata ricushpami shuj ali horariota rurana capangui.

   Bibliapica ninmi: “Imata rurana cajpipash, na huaglitara rurashpami, imashna rurana cashcashnallata rurana canguichi” (1 Corintios 14:40).

   Katie jovenga ninmi: “Ñucanchi horarioca estudiangapaj rij cuendami cana can. Chaipica cada materiapami shuj horario tian, chashnallatami ñucanchi huasipipash ali organizado cana can”.

   Caipi yuyapai: Shuj ali horariota rurashpa, maipi ricunallapi churanaca ¿imamandata ali canman?

•   Imagutapash aliguta rurapangui. Imaguta rurashpapash chai ratomi rurana cangui, na jipallami rurasha nishpaca saquinachu capangui.

   Bibliapica ninmi: “Imata cashpapash ucha ruranataca, na quillanayachinachu canguichi.” (Romanos 12:11).

   Alexandra jovenga ninmi: “Imatapash nij tucushpalla, jipamanmi rurasha nishpa, na pactashcamanda chaipi saquina facilmi can. Pero imagutapash ali ruranami difícil can”.

   Caipi yuyapai: Deberescunata chai pushtupillata, chai horasllata ruranaca ¿imamandata imagutapash aliguta rurachun ayudan?

•   Maipi estudianata mascai. Estudiangapaj tucui minishtirishcacunatami japinalla pushtupi churana cangui. Ashtahuanbash maipi aliguta tiarinatami mascana cangui. Shinapash puñuchunga na munanchichu, chaimandami na ali ali tiarinapi o siririnallapi na estudiana cangui. Quiquinba huasigupi maipi estudianata na charishpaca, cocina ladogupi, cama ladogupimi estudiana capangui.

   Bibliapica ninmi: “Imatapash ucha rurajcuna aliguta yarishcahuanga, ashtacatapachami charinga.” (Proverbios 21:5).

   Elizabeth jovenga ninmi: “Aliguta concentrarichun na saquij cosascunataca ladomanmi churana cangui. Por ejemplo, shuj pelota, videojuegocuna, o imapash musicata tocana cosascunataca shuj ladogumanmi saquina canchi. Shinallata celulartapashmi upallagupi churana canchi. Chashna rurashpallami estudiaita ushashun”.

   Caipi yuyapai: Ñucanchi estudiana pushtugupi concentraringapaca ¿Ima cambiocunatata rurana capangui?

•   Ama imahuanbash yangata tiempota perdinguichu. Estudiajushpaca na pujllajunachu capanchi. Chai ratollata shuj cosascunatapash na rurajunachu canchi. Chashna na rurashpaca deberescunata malta rurashun. Tucuchitapash na tucuchi ushashunllu.

   Bibliapica ninmi: “Cunan punllacunapillata, aliguta yarishpa causaichi. Nali punllacunapimi causanajunchi” (Efesios 5:16).

   Olivia jovenga ninmi: “Celularta ladopi charishpami concentraritaca na ushan carcani. Shuj cosascunatara rurashpami tiempotaca yangata perdin carcani”.

   Caipi yuyapai: Huasipi ruranacunapi, shuj importante cosascunapi, deberesta rurana tiempopi asha asha tiempota mirachita ushapangui.

•   Ashaguta samapangui. Samangapaca, puringapaj bicicletapi paseangapaj o ejerciciota rurangapaj llujshita ushapangui. O imatapash ruranata gushtashpaca, chaitapashmi ruraita ushapangui. Shinapash, School Power libropi nishcashnaca deberestarami tucuchina capangui. Chai libropica cashnatapashmi nin: “Imatapash ama chaupi chaupilla ruranguichu, rurashpaca ashtahuan aliguta samaita ushapangui” nishpa.

   Bibliapica ninmi: “Ishcai maqui jundata ninanda trabajashpa, yuyaita shaijuchingapaj randica, shuj maqui jundatalla trabajashpa, ashaguta samanami ashtahuan ali” (Eclesiastés 4:6).

   Taylor jovenga ninmi: “Escuelapica dibujanata, guitarrata tocanata, flautata tocanata, o shuj cosascunata tocanatapashmi yachachin. Chai cosascunata ninanda gushtashcataca na cuenta japircanichu, na chariashparami ninanda falta rurarca. Chaimandami imatapash ruranata gushtashpaca ruranalla cangui.

   Caipi yuyapai: Cutin estudiangapaj ñucanchi yuyai punchanshna cachunga samana horaspi ¿imatata rurai ushapangui?