Regla de Oro nishca yuyaica Bibliapica na tianllu. Achica gentecunaca Jesús yachachishcamandami cai shimicunataca utilizan. Jesús Sermón del Montepi yachachijushpaca cashnami nirca: “Imatami cangunamanda rurachun munanguichiman, chaitallatami shujcunamandapash rurana canguichi” (Mateo 7:12; Lucas 6:31). Huaquingunaca cai yuyaitaca cashnatapash nin: “Cangunata imashna tratachun munashcashnallatami shujcunatapash tratana canguichi” (Encyclopedia of Philosophy).

•  Imatami cangunamanda rurachun munanguichiman chaitallatami shujcunamandapash rurana canguichi nishca shimica ¿imatata ningapaj munan?

•  Imata cangunamanda rurachun munanguichiman chaitallami shujcunamandapash rurana canguichi nishcata pactachishpaca ¿imashinata beneficiarishun?

•  ¿Imata carashpapash ñucanchimanbash carachun nishpachu carana canchi?

•  Imata cangunamanda rurachun munanguichiman chaitallata shujcunamandapash rurana canguichi nishca shimicunataca ¿imashinata pactachita ushanchi?

 Ñucanchita ali tratachun munashpaca shujcunatapashmi ali tratana canchi. Por ejemplo, casi mayoría gentecunami respetohuan, juyaihuan tratachun munanchi. Chaimandami ñucanchicunapash shujcunataca chashnallata tratana canchi (Lucas 6:31).

 Regla de Oro nishcata pactachinaca casi ñucanchi tucui causaipami sirvin. Por ejemplo:

•   Matrimoniopi ali causangapaj (Efesios 5:28, 33).

•   Taitamamacuna paicunapa huahuacunata aliguta viñachichun (Efesios 6:4).

•   Amigocunahuan, vecinocunahuan, trabajopi compañerocunahuan ali apangapaj (Proverbios 3:27, 28; Colosenses 3:13).

 Cai Regla de Oro nishcaca Antiguo Testamento Bibliapi nishca yuyaicunashnallatami can. Jesusca cai shimicunaca “Moisesman Cushca Leypipash y Profetacunapa escribishcacunapipash yachachijun” ninmi (Mateo 7:12). Antiguo Testamentopi yachachinshnaca shujcunata juyanami canchi (Romanos 13:8-10).

 Na. Carana munaimandami carana canchi. Jesús imatami cangunamanda rurachun munanguichiman chaitallatami shujcunamandapash rurana canguichi nishpaca ñucanchi contracunatapash juyana cashcatami ningapaj munarca (Lucas 6:27-31, 35). Chaimandami tucui gentecunamanda ali cosascunata rurachun animan.

1.  1. Aliguta ricupangui. Shujcuna imata rurajta ricupai. Por ejemplo, maijanbash fundata na aisai ushajushcata ricupanguiman. Shinallata shuj vecino hospitalpi cashcata, quiquinba trabajopi compañero llaquilla cashcata yachapashcanguiman. Shina cajpica na quiquingunapa beneficiotallachu mascana capanguichi sino shujcunapa beneficiotapashmi mascana capanguichi. Shina rurashpami shujcunatapash ayudaita ushapanguichi (Filipenses 2:4).

2.  2. Shujcuna imashina sintirishcapi pensaripai. Shujcuna llaquicunata charishcashnallata quiquinba chai llaquicunata charishcata pensaripai (Romanos 12:15). Chai llaquicunahuan cashpaca ¿imashinashi sintiripanguiman? Llaquicunata charishcacuna imashna sintirishcata intindingapaj esforzarishpaca ayudangapami munapanguiman.

3.  3. Imata rurai ushashcata ricupai. Tucuicuna diferente cashcatami intindina capangui. Ñucanchipa alishnalla cashpapash shujcunapaca nalichu canga. Shujcunamanda achica cosascunata rurangapaj munashpapash shujcunapa ima ali cashcata ricushpallami rurana capangui (1 Corintios 10:24).