Tucuicunata igual tratachunga ¿imata ayudanga?
Ashtaca gentecunaca Bibliapa yachachishcacunata catishpami tucuicunata igual tratanataca yachajushca. Shinapash tucuicunata igual tratanataca na ñucanchimandallaca yachajui usharinllu. Shinaca ¿imata ayudanga?
Shuj ali gobiernomi ayudanga
Shuj shuj gobiernocuna tiashpapash gentecuna igual tratarichunga na ayudaita ushashcachu. Shinaca ¿maijan gobiernopash ayudai ushangacha?
Tucui gentecuna paicunapura igual tratarichunga, ¿imatata shuj gobiernoca rurana can?
1. Shuj gentecunamanda nalita pensajushcata cambiana munaita charichunmi shuj gobiernoca ayudana can.
2. Ñucata nali tratajpica ñucapash shinallata tigrachisha nishca yuyaita cambiachunmi shuj gobiernoca ayudana can.
3. Gentecunata igual trataj mandajcunami shuj gobiernopica tiana can.
4. Tucui laya gentecuna tandanajushca cachunmi shuj gobiernoca ayudana can.
Bibliapica ‘Taita Diospa mandana’ o Taita Diospa gobiernomi cai tucui cosascunataca pactachinga nijunmi (Lucas 4:43).
Taita Diospa Reino o Gobiernoca ¿imacunatata ruranga?
1. Tucuicunatami aligutapacha yachachinga
Cai pachapi causajcunaca alita ruranatami yachajunga (ISAÍAS 26:9).
“Imatapash cashcatapacha rurashcamandaca, casilla ali causaimi tianga. Imatapash cashcatapacha rurashpa chashna causashcamandaca samanapash, imata na manllashpa causanapash, causaita causaicamanmi tianga” (ISAÍAS 32:17).
¿Imatata ningapaj munan? Taita Diospa Gobiernomi gentecunamanga imata rurana cashcata aliguta yachachinga. Ima ali cashcata, ima nali cashcata yachajushpaca tucuicunatami igual tratashun. Mundo enteropi gentecunami tucui laya gentecunata juyana cashcataca ali yachanga.
2. Taita Diospa Gobiernomi nalicunataca tucuchinga
“Taita Diosmi, paicunapaj ñavimandaca, tucuilla viquita fichanga. Huañuipash, huacaipash, llaquipash, nanaipash, na ashtahuan tiangachu. Punda ima tiashcapash illangami” nircami (APOCALIPSIS 21:4).
¿Imatata ningapaj munan? Cunanbi ashtaca gentecuna maltratai tucushcamandami culira causan. Chai gentecuna ali sintirichunga Taita Diospa Gobiernomi chai llaquicunataca tucuchinga.
3. Shuj ali mandajtami churanga
“Paica, na ñavita ricushpalla llaquichijungachu. Imata rurana cajpipash, na shujcuna nishcata uyashpalla rurajungachu. Ashtahuangarin imagutapash na charijcunataca, imatapash cashcatapacha rurashpami mandajunga. Llactapi causanajuj na jariyajcunataca, aliguta ricushpami mandajunga” (ISAÍAS 11:3, 4).
¿Imatata ningapaj munan? Taita Diospa Gobiernopica Jesusmi mandajun. Jesús cai alpata mandajushpaca tucuicunatami igual tratanga. Chaimandami paipa mandashcacunataca tucuilla gentecunapash pactachichun ayudanga.
4. Tucuicuna tandanajushca cachunmi ayudanga
Taita Diospa Gobiernomi gentecunataca tandanajushca cachun, ‘chai juyaitallata charichun, shujllashnapacha yuyachun’ ayudanga (FILIPENSES 2:2).
¿Imatata ningapaj munan? Taita Diospa Gobierno cai alpata mandajujpica tucuicuna ciertopacha juyarimandami tandanajushca canga.
Cai temacunata ashtahuan liipai
VILLAJUN REVISTA
Shujcunata ricushcandi nalicachinaca ¿ima horashi tucuringa?
Shujcunata ama nalicachishpa ricungapaj Biblia ayudai ushashcatami quimsa huauquipanicunapa experienciapi ricupanchi. Shinapash shujcunata ricushcandi nalicachinaca ¿ima horashi tucuringa?
