Tucuicunami Adán runagumanda shamupanchi. Chaimandami tucuicuna shuj jatun familia cuenda capanchi. Shuj familia ucupica tucuicunami randimanda juyarishpa respetarishpa causan. Shinapash cunanbica gentecuna shina randimanda juyarishpaca na causanllu. Chaimandami Taita Diosca gentecuna shina causachunga na munanllu.

“Ashtahuangarin cambaj cumba runagutaca, imashna can juyarinshnallata juyangui” (LEVÍTICO 19:18).

“Cangunata fiñajcunatapash, juyanami canguichi” (MATEO 5:44).

Taita Diosca 1 Corintios 13:4-7​pimi juyaita imashina ricuchinatami yachachin.

Juyaita charishpaca “llaquita apanllami, shujcunatapash llaquinmi”.

Caipi yuyapai. Pipash quiquin pandarijpi na ñapash culirajpica ¿imashinata sintiripangui?

Juyaita charishpaca “shujcuna imata charijtapash, ñucapaj cashcanman yashpaca na ricunllu”.

Caipi yuyapai. Pipash quiquinbi na confiajpi envidiashpa ricujpica ¿imashinata sintiripangui?

Juyaita charishpaca “na paipajlla alita mascanllu, na ñapash fiñarinllachu”.

Caipi yuyapai. Pipash paipa nishcahuan na yalishpa quiquinba yuyaicunatapash respetashcata ricuchishpaca ¿imashinata sintiripangui?

Juyaita charishpaca “na fiñashcalla causangapaj munanllu”.

Caipi yuyapai. Taita Diosca pipash juchacunamanda arripintirishpaca paica perdonanmi. Bibliapica Taita Diosca “fiñarishpapash, na unaicaman fiñangachu. Fiñarishcataca, na causaita causaicaman charijungallachu” ninmi (Salmo 103:9). Ñucanchicuna pitapash llaquichishpapash pai ñucanchicunata perdonajpica ninandami agradicipanchi. Shinaca pipash ñucanchita llaquichijpica perdonanami capanchi (Salmo 86:5).

Juyaita charishpaca nalita “rurajpica, na cushijunllu”.

Caipi yuyapai. Ñucanchicuna llaquipi cajpica shujcuna cushijuchunga na munapanchichu. Shinaca ñucanchita na ali tratajcuna llaquicunata charijpica na cushijupanchichu.

Taita Dios ñucanchicunata bendiciachunga gentecunata mashna edadta charishpapash, maimanda cashpapash, maijan religionda charishpapash juyanami capanchi. Shinaca shujcunata ayudashpami paicunata juyashcata ricuchinchi.