ISRAELITACUNAPA causaipica, musicata ruranaca importantepachami carca. Bibliapica tauca viajecunatami huaquin gentecuna instrumentocunata tocashcata o candashcata parlan. Por ejemplo Bibliapica Salmos, Cantar de los Cantares y Lamentaciones nishca librocunaca candangapaj escribishcacunami can. La música en la vida bíblica nishca libropica “israelitacuna paicunapa causaipi musicata utilizashcatami Bibliapica ricuchin” nin.

Israelitacunaca ¿ima situaciongunapita musicataca utilizan carca? Israelitacuna imashina sintirishcata ricuchingapami, musicataca utilizan carca (Is. 30:29). Israelita huarmigucunaca shuj reyta agllajpi shinallata contracunata mishashpa shamujpimi bailashpa, panderetacuna tocashpa, cushijushpa candan carca (Juec. 11:34; 1 Sam 18:​6, 7; 1 Rey. 1:​39, 40). Israelitacunaca pipash huañujpica llaquilla cashcata ricuchingapaca llaquilla canciongunatami candan carca (2 Crón. 35:25). McClintock y Strong nishca libropica israelitacunataca musicata ninanda gushtashcatami nin.

Reypa huasipimi musicataca tocan carca. Israel llactamanda reycunataca musicataca ninandami gushtarca. Rey Saulca paipa huasipi David arpata tocachunmi agllarca (1 Sam 16:​18, 23). David rey tucushpaca instrumentocunata, cancionba letracunatami rurai callarirca. Shinallata Jehovapa templo huasipi tocachunbashmi shuj orquestata organizarca (2 Crón. 7:6; Amós 6:5). Rey Salomonga cancionda candaj jaricunata, huarmicunatami charirca (Ecl. 2:8).

Jehová Diosta adorangapami musicata utilizan carca. Jerusalén templopica 4 mil alipacha musicata yachajcunaca címbalo nishcata, arpata, trompetata y shuj instrumentocunatapashmi tocan carca (1 Crón. 23:5; 2 Crón. 5:12). Ashtaca israelitacunaca Jehová Diosta adorangapaj Jerusalenman rishpaca siempremi candashpa rin carca (Sal. 120-134). Huaquin judío librocunapica, israelitacunaca Pascua punllapica Hallel a nishca musicacunatami candan cashca nin.

Cunan punllacunapipashmi Jehová Diosta sirvijcunapaca musicaca importantepacha can (Sant. 5:13). Jehová Diosta alabangapami canciongunata candapanchi (Efes. 5:19). Shinallata llaquicunata aguantachunmi ninanda ayudan. (Hech. 16:25; Col. 3:16). Canciongunata candanaca shinlli feta charishcata, shinallata Jehová Diosta ninanda juyashcata ricuchichunmi ayudan.