2020​pi Cuerpo Gobernantemanda mushuj villaicuna número 6 nishca informepica huauqui Geoffrey Jackson cashnami nirca: “Celularpi o tabletpi ashtaca micuna espiritualta chasquinataca nunca na yuyashcanchichu”. Shinallata cashnami nin: “Cai pandemiapica JW Library aplicacionda na charishca cashpaca ¿imatashi ruranchiman carcanchi? Jehová Diosmi cashna llaquicuna tiajpica imata rurana cashcata pundamandapacha yachachijushca”.

 Jehová Diosca ¿imashinata ñucanchitaca yachachijushca? JW Library programata rurangapaca ¿imata minishtirirca? JW Library aligu cachun o ashtahuan mejorangapaca ¿imata minishtirin?

 Mayo de 2013 huatapimi, Cuerpo Gobernantepi sirvij huauquicunaca progamación MEPSpi sirvij huauquicunataca Traducción del Nuevo Mundo Bibliata charij shuj aplicacionda rurachun mingarca. Chai departamentopi sirvij huauqui Paul Williesca cashnami nin: “Aplicaciongunata descargangapaj programapica ñucanchi organizacionba aplicaciongunataca nunca na churashcanchichu”. JW Library programata rurangapaca huaquin proyectocunatami ruranata saquina carcanchi. Shinallata cai programata rurangapaca huaquin huauquipanicunatami agllana carcanchi . Shuj departamentocunapi sirvij huauquicunapa ayudatapashmi minishtircanchi. Cai programata rurai ushangapaca ninandami Jehová Diostaca mañarcanchi, 5 quillacuna jipallami huata tandanajuipica cai programa ña tiajtaca villarca.

 JW Library programapi ashtaca publicacionguna llujshichun, shinallata shuj shuj shimicunapi ruranaca asha shinllimi ricurirca. Enero de 2015 huatapica ashtaca publicaciongunami ingles shimipica ña llujshishca carca. 6 quillacuna jipallami ashtaca shimicunapi llujshishca publicaciongunata descargaita usharirca.

 Huauquicunaca JW Library aplicacionda mejorangapami esforzarishca. Por ejemplo videocuna tiachun, tandanajuicunapa ashtahuan aliguta prepararichunmi mejorashca. Shinallata Bibliamandallatami Guía de estudiomanga yaicuita usharin.

 Cada quillami 15 millón yali gentecunaca JW Library programamanga yaicun. Chai gentecunamandaca 8 millón gentecunaca cada punllami yaicun. JW Library aplicacionda ashtaca ashtaca celularcunapi, tabletcunapi aliguta funcionachunga ¿imata ashtahuan faltan? Willies huauquica cashnami nin: “JW Librarytaca siempremi mejorashpa catishun. Ashtahuan programacuna tiachun, ashtahuan fácil utilizaita ushangapapashmi mejorashpa catishun. Celularpi, tabletpi tiashca programacunaca siempremi actualizarinajun. Actualizashca programacunahuan JW Library aplicacionbash aliguta funcionachunmi ñucanchipash actualizashpa catina canchi. JW Library programapi ashtahuan grabacionguna, publicacionguna llujshimandami software nishca programata actualizana canchi”. Cunanbica JW Library aplicacionbica más o menos 200​mil publicaciongunata, shinallata 600​mil yali grabashcacunata videocunatami shuj shuj shimicunapi charinchi.

 JW Library programata actualizashpalla charinallaca na minishtirinllu. Shinallata software nishca programapa ashtaca permisocunata randinapashmi minishtirin. Shujlla permisomi huatapaca $1.500 dolarcuna valin. Shinallata programación MEPSpi sirvij huauquicunaca JW Library aplicación chairalla llujshishca computadoracunapi, tabletpi, telefonopi funcionajta ricungapami cada huata $10.000 dolarcunata gashtan.

 JW Library nishcata charimandami publicaciongunata rurana, impriminapash ñana yapata minishtirin. 2013 huatapica Cada punlla Diospa Shimita intindingapaj nishca folletotaca 12​millonescunami imprimirca. Pero 2020 huatapaca mundo enteropi 700​mil yali publicadorcuna aumentarishca cajpipash 5​millón folletocunallami imprimirirca. Huauquipanicuna JW Library aplicacionbi Cada punlla Diospa shimita intindingapaj nishca folletota charimandami ñana yapata imprimina minishtirirca. a

 JW Libraryta charinaca tucuipami minishtirin. Canadá llactamanda Genevieve paniguca JW library aplicación paita ninanda ayudashcatami crin. Paica ninmi: “Cada tutamanda tauca tauca librocunata llujchina cajpica na yachajuimanllu pero JW library aplicacionda charimandami ñuca munashcataca celularpilla yachajuni. Cada punlla Taita Diospa Shimimanda yachajunami shinlli feta charichun, Jehová Diospaman ashtahuan quimirichunbash ayudahuashca”.

 COVID-19 pandemiapica JW Libraryta charinaca alipachami cashca. Estados Unidosmanda Charlyn huauquica cashnami nin: “Mundo enteropi COVID-19 ungui tiaimandami imprimishca publicaciongunataca casi huata yalitami na charishcani. Pero JW Library aplicacionbi ñucanchi espiritualmente shinlli cangapa ashtaca publicaciongunata charishcamandaca Jehová Diostaca ninandami agradicinchi”.

 Ashtaca huauquipanicunaca Filipinas llactamanda Faye panigushnallatami yuyan. Paica cashnami nin: “Jehová Diosman ashtahuan quimirichunmi JW Library aplicacionga tucuita charin. Cai aplicaciondaca tutamanda imagutapash liingapaj, rurashpandi imagutapash uyangapaj, shinallata tandanajuipa prepararingapaj Bibliata liingapapashmi utilizani. Imagutapash na ruranata charishpaca videocunata ricungapami utilizani. Shinallata filapi shayajushpaca Bibliata liingapaj publicaciongunata liingapami utilizani. JW Library aplicacionga ninan valishcami can”.

 JW Library aplicacionga villachingapapash alipachami can. Camerún llactamanda shuj paniguca predicacionbi shuj ñañagu shuj textota utilizashcatami ninandami gushtarca. Chai panigu utilizashca textotami paipash semana jipallami utilizangapa munarca shinapash na yuyarircachu. Pero paica ninmi: Antsicarinmi textotapa shuj parteguta yuyarircani. Chaimi JW Library aplicacionman yaicushpa Bibliaman yaicurcani, mascana nishpa partepica yuyarishca partegutami escribircani. JW Library aplicación tiaimandami na yuyarishca textocunataca fácil tarita ushani”.

 Donate.pr2711.com paginaman yaicushpa quiquinguna contribuciongunata carashcamandami JW Library aplicación imapash ama tucuchun ricurianajushcanchi shinallata ashtahuan mejoraitapash ushapashcanchi. Shinami mundo enteromanda huauquipanigucunaca JW Library aplicaciondaca aliguta utilizaita ushan. Tucui shunguhuan contribuciongunata carashpa ayudashcamandaca ninandami agradicipanchi.

1. Octubre de 2013 huatapimi JW Library Traducción del Nuevo Mundo Bibliahuan llujshishcataca villarca.

2. Enero de 2015 huatapimi JW Library aplicacionbica ashtaca publicacionguna inglés shimipi llujchirca, jipaca ashtaca shimicunapipashmi llujshirca.

3. Noviembre de 2015 huatapica textocunata señalangapami tiai callarirca

4. Mayo de 2016 huatapica reuniones nishca partemi tiai callarirca

5. Mayo de 2017 huatapica notacunata churangapami tiai callarirca

6. Diciembre de 2017 huatapica inglés shimipi Biblia de estudio nishcami tiai callarirca

7. Marzo de 2019 huatapica grabashca audiocunatami descargai usharcanchi shinallata videocunatapashmi ricui usharcanchi, Guía de estudio nishca partetapashmi charircanchi

8. Enero de 2021huatapica Bibliamanda yachachi ushangapami Cushilla Causapashunchi nishca publicación tiai callarirca.