SIEMPRE CHAPARIANSHNA CAUSASHUNCHI
2023 huatapica ashtaca gentecunami ansiedad unguita charishca | Bibliapica ¿imatata nin?
Bibliapi nishcashnami 2023 huatapi pasashca cosascunaca ‘último punllacunapi’ causanajushcata ricuchin (2 Timoteo 3:1). Bibliapica ñucanchi tiempopi ima cosascuna pasana cashcataca ñami villashcarca. Bibliapa nishcacuna imashina pactarinajushcata ricupai:
Mundo enteropi ima cosascuna pasana cashcataca Bibliapica ñami villashcarca
“Shuj shuj pushtucunapi guerracuna tiajtami uyanguichi” (Mateo 24:6).
“Guerracuna, macanajuicunaca mundo enteropimi miranajun”. a
“Gentecunataca ¿pita salvagrin?” y “Mundo enteropica más de 2 billones de dolarcunatami armacunapi gashtan” nishca temacunata ricupangui.
“Terremotocunapash shuj shuj pushtucunapimi tianga” (Marcos 13:8).
“2023 huata callarishcamanda mundo enteropica shinlli shinlli 13 terremotocunami tiashca. Shuj huatapilla chashna ashtaca shinlli terremotocunaca cazi na tiashcachu”. b
“Turquía y Siria llactacunapi jatun terremotocuna” nishca temata ricupangui.
“Gentecunapash manllanai cosascunata ricushpami ninanda manllarinajunga” (Lucas 21:11).
“Calentamiento global nishca punllacunaca ñami tucurishca. Cunanmanda vichaica climaca ashtahuan rupa rupami canga” (António Guterres, secretario general de la ONU). c
“2023 huatapa verano tiempopica mundo enteropimi yapa rupa rupa cashca” nishca temata ricupangui
“Ninan yarjaipashmi tianga” (Mateo 24:7).
“Familiaman carangapaj suficiente micunagu tianata o na tianata na yachaimandami familiata mantinijcunapaca 2023 huataca dificilpachami cashca”. d
“Guerracuna tiashcamanda, climapash cambiashpa catijuimandami mundo enteropica micunapash tucurishpa catijun” nishca temata ricupangui.
“Shinlli, na aguantai ushanalla tiempocunami chayamunga” (2 Timoteo 3:1).
“Mundo enteropi 8 gentecunamandaca shuj personami salud mentalmanda imapash llaquicunata, problemacunata o imapash unguitami charin”. e
“Jovengunaca ashtahuanmi problema mentalcunata charinajun” nishca temata ricupangui.
2024 huatapica ¿imata pasanga?
2024 huatapi imacunalla pasanataca na yachai ushapanchichu. Shinapash cai mundopi imacunalla pasajushcata ricushpaca Taita Diospa Gobierno cai mundopi tucui gobiernocunata tucuchishpa ñalla mandana cashcataca seguromi caita ushapanchi. Cunangunapica ashtaca cosascunamandami sufrinchi o ansiedadta charinchi. Shinapash Taita Diospa Gobiernoca chai tucui cosascunatami tucuchigrin (Daniel 2:44; Apocalipsis 21:4).
Chai punlla chayamungacamanga ansiedadhuan na tranquilo sintirijushpaca Diospa ayudatami mascaita ushapanchi. Bibliapica ninmi:
“Manllaihuan cashpaca canbimi confiani” (Salmo 56:3, TNM).
Shinaca Diospi confiashcataca ¿imashinata ricuchi ushapanchi? Bibliapica shamuj punllacunapica gentecunaca ñana sufrishpa causangachu nishca promesami tian. Chai promesamanda ashtahuan yachajuchunmi invitapanchi. Bibliapa promesacunamanda quiquinbash y quiquinba familiapash imashina beneficiari ushashcata yachangapaca Bibliata imashina gratis yachajui callarinata ricupai.
a Emma Beals y Peter Salisbury, Foreign Affairs, “A World at War: What Is Behind the Global Explosion of Violent Conflict?” [“Un mundo en guerra: ¿Qué hay detrás del estallido global de conflictos violentos?”], 30 de octubre de 2023.
b Earthquake News, “Year 2023: Number of Major Earthquakes on Course for Record” [“Año 2023: Número de terremotos importantes en camino de alcanzar un récord”], mayo de 2023.
c Naciones Unidas, “Palabras de apertura del secretario general en la conferencia de prensa sobre el clima”, 27 de julio de 2023.
d Programa Mundial de Alimentos, “A Global Food Crisis” [“Una crisis alimentaria mundial”].
e Organización Mundial de la Salud, “World Mental Health Day 2023” [“Día Mundial de la Salud Mental 2023”] 10 de octubre de 2023.
Cai temacunata ashtahuan liipai
SHUJ SHUJ TEMACUNA
Shamuj punllacunapica ali causaigutami charishun
Bibliapa promesacunaca gentecunapa nishcacunahuanga ¿imamandata na igual can?
BIBLIAMANDA HUAQUIN YACHACHISHCACUNACA
Taita Diospa Reinoca ¿imata can?
Jesús cai Alpapi cashpaca ashtahuanbachaca Diospa Reinomandami gentecunamanga parlarca. Ashtaca tiempotami gentecunaca Taita Diospa Reino shamuchun mañanajun.
BIBLIAPA TAPUICUNA
¿Bibliapi consuelota tari ushanichu?
Ashtaca gentecunaca shinlli causaitami charin, chaimi causangapapash na munan. Shinapash Bibliapimi ali causaita tarishca.
RIJCHARIPAICHI REVISTA
Estresado cashpaca caita rurapai
Huaquin consejocunata yachajui ushapangui ama yapata estresarichun o ama estresado sintirichunmi ayudaita ushan.
ÑUCANCHIMANDA
Quiquinda cayachun o visitachun mañapailla
Bibliapi imacunamandalla parlajta yachajupai. O testigo de Jehovacuna imashina cashcata yachajupai.
