2024 huatapimi shuj huatacunatapash yali shuj gobiernota agllangapaj ashtaca campañacuna tianga. Shinapash cunan punllacunapica gentecunaca politicocunapica ñana confianllu.

•   Estados Unidospi causaj gentecunaca politicapica shujcunata sirvina o ayudana munaihuanga na yaicunllu sino más bien “culquimandallami politicapi chapurin” nircami (centro de investigación Pew Research Center, 19 de septiembre de 2023). a

 Jovengunapashmi politicocunapi, gobiernocunapica ñana confian.

•   “Cunan punllacunapica jovengunaca cai mundopi tiashca problemacunamandami ninanda preocuparin. Shinapash paicunaca gobiernocunaca chai problemacunataca na arreglai ushashcachu” ninmi (The New York Times, 29 de enero de 2024).

•   “Jovengunata tapujpica paicunaca videocunata ruraj gentecunapimi ashtahuan confian” (The Korea Times, 22 de enero de 2024).

 Shinaca politicocuna o gobiernocunaca ¿ima horapash cushilla ali causaiguta carai ushangacha? ¿Maijan gobiernopita confiai ushapanchi?

 Picunapi confianataca ali alimi ricuna capanchi. Bibliapica “na yachajushca runaca, imata nijpipash tucuita crinllami. Ashtahuangarin ali yachajushca runaca, imata rurangapajpash aliguta yarinrami” ninmi (Proverbios 14:15).

•   Llulla información o na llulla información cashcata imashina yachai ushashcata yachangapaj munashpaca “Llulla informaciongunamandaca ¿imashinata cuidarita ushanchi?” nishca temata liipangui.

 Cai mundopi tiashca tucui problemacunataca alita rurangapaj munaj gobiernocunapash na tucuchita ushanllu. Chaimandami Bibliapica cai consejota cun:

•   “Mandajcunatapash, huañuna aichayu runatapash, na yariashpa causanachu canguichi. Paicunaca, na quishpichi ushanllu” (Salmo 146:3).

 Bibliapica Taita Diosca paipa gobiernota mandachunga Jesustami agllashca ninmi paica ali mandajmi canga (Lucas 1:32, 33). Jesusca jahua cielopi Taita Diospa Gobiernopa reymi can (Mateo 6:10).

•   Imamanda Jesuspi confiai ushashcata cai alpapi tiashca tucui problemacunata tucuchingapaj imata ruragrijushcata yachangapaj munashpaca “Taita Diospa Gobiernopica ¿pita mandajun?” y “Taita Diospa Gobiernoca ¿imacunatallata ruranga?” nishca temacunata liipangui.