2 de marzo de 2024​taca, Australiapa Brisbane llactapi Salón del Reinopimi shuj programa especial tiarca. Chai programapica, Australasia Comité de Sucursalpi sirvijuj, huauqui Hideyuki Motoimi, Australia llactamanda señas shimipica ñami Mateo librota charipanchi nishpa villarca. Chai programataca 159 personacunami Salón del Reinopi uyanajurca. Cutin 377 huauquipanicunaca, Australia llacta shuj partecunamanda, Nueva Zelandamanda y Samoa islacunamandami por video conectarirca. Chai programaman rishca y conectarishca huauquipanicunaca, chai ratomi Mateo librotaca jw.org paginamanda y JW Library Sign Language nishcamandapash descargai usharca.

Australia llactapica, más o menos 20 mil gentecunami chai llactamanda señas shimita y chai señasman parecido señas shimicunata ocupan. Testigo de Jehovacunaca, año 2001​pimi Australia señas shimipi por primera vez shuj folletota traducishpa llujchirca. Chai folletoca Cuando muere un ser querido nishcami carca. Cutin año 2023​pica, Oficina Remota de Traduccionmi Brisbane llactapi funcionai callarirca. Cunanbica casi 350 huauquipanicunami Australia llactamanda señas congregaciongunapi y 18 grupocunapi sirvinajun.

Bibliapa Mateo librotami, por primera vez completota chai shimipica traducishca. Mateo librota chasquishca jipaca, shuj paniguca nircami: “Sermón del Montepi cashpa Jesús imashina juyashpa, llaquishpa parlashcatami por fin cuenta japi ushapashcani. Australia llactamanda señas shimipi ricushpaca, Jesuspacha ñucahuan parlajujpishnami sintirircani” nircami.

Brisbane señas congregacionbi sirvijuj sorda paniguca nircami: “Ñami Mateo librota ñuca shimipi charipani. Cunanga Jesuspa ejemplota ashtahuan aliguta catishpami, predicangapaj rishpaca ashtahuan aliguta gentecunataca ayudai ushapasha. Pagui Jehová Dioslla” nircami.

Australia llactamanda señas shimipi Mateo libro llujshishcamandaca, cushijushcapachami capanchi. Cai Mateo librohuanmi gentecunataca, ‘quichiji punguta’ yaicunshna causaiman apaj ñanda tarichun ayudai ushapashun (Mateo 7:13, 14).