01 YACHANA PARTI

Bibliaga imasata yanapan

REPRODUCIR EN

Tucuigunami causaimanda, turmintumanda, huañuimanda, shamuc punzhagunai ima tucungaraushcamanda yachanata munanchi. Ailluhuan cushilla causangahua, minishtishcata randingahua, yapacta yuyarinchi. Ashca runagunaga Biblia cai tapuigunamanda yachachishcata musiarishcauna. Bibliaga huingunata alita causangahua yanapanata ushan.

1. Bibliaga ima tapuigunamandata yachachin

Causaiga imasata tiai callarira. Imaraicuta cai Allpai causaunchi. Ali runaguna imahuata turmintarinaun. Runa huañushca huasha imata tucun. Tucuiguna cungailla causanata munanaun. Chasna acpihuas, imahuata guerraguna tian. Shamuc punzhaibiga, cai Allpa imashi tucunga. Cai tapuigunamandaga Bibliaibi yachanata ushanchi. Ashca runagunami, Bibliamanda yachashaga cushi sintirishcauna.

2. Bibliaga imasata ali causanata yachachin

Bibliaga ali cunaigunatami charin. Aillugunata sirtu cushi causanata yachachin. Yapa sambayasha aushcai, ima ranata nin. Chasnallata, tarabanamanda, imasa cushi anata yachachin. Cai quillcata pariulla estudiashaga, cai temamanda shuc temagunamandas Biblia ima nishcata yachangui. Canga caitami yachangui: tucui Dios quillcachishcaga [tucui Biblia nishca] balinmi (2 Timoteo 3:16).

Cai quillcashcaga mana Biblia shina chan. Randi, Biblia ima nishcata yachangahua yanapan. Chiraicu, caran yachana partigunai, tucui Bibliamanda textogunata leisha, masta Bibliamanda yachachun nisha munanchi.

CAIMANDA MASTA YACHAI

Biblia imashina shuc runagunata yanapashcata yachashun. Chasnallata, Bibliata leina gustu achun ima rana ashcata, shuc runa ñucanchita yachachicpi imaraicu ali ashcata ricushun.

3. Bibliaga ali ñambita ricuchin

Bibliaga shuc linterna shina man. Ñucanchi purina ñambita pagllai ricuchin. Alita causangahua, shamuc punzhaibi ima tucungaraushcata yachangahua yanapan.

Salmo 119:105ta leichi, huasha cai tapuigunamanda cuintanacuichi:

Cai salmota quillcac runaga Bibliamanda imatata yuyara.
Canga Bibliamanda imatata yuyangui.

4. Bibliaga ñucanchi tapuigunamandami yachachin

Shuc huarmi ashca huatagunata causaimanda tapuric ara. Chasna ashahuas, Biblia nishcata yachasha tucuita intindira. VIDEOTA ricuichi, huasha cai tapuigunamanda cuintanacuichi:

VIDEO: Sirtu Shimita mascasha cati (1:48)

Videoibi ricuric huarmiga ima sami tapuigunatata charira.
Bibliata estudiana paitaga imasata yanapara.

Bibliaga ñucanchi tapuigunamandami yachachin. Mateo 7:7ta leichi, huasha cai tapuigunamanda cuintanacuichi:

Bibliaga can tapuigunata cutichinata ushanzhu. Ima tapuigunatata charingui.

5. Bibliata gustuta leina ushanchi

Ashcagunami Bibliata leinata gustanaun. Chiraicu, Biblia yanapashcata musianaun. VIDEOTA ricuichi, huasha cai tapuigunamanda cuintanacuichi:

VIDEO: Bibliata leina (2:05)

Videoibi ricuric maltagunaga leinamanda imatata yuyanaun.
Imahuata paigunaraicu Bibliata leina balic an.

Bibliaga mana saquisha, chapana yuyaita cun. Romanos 15:4ta leichi, huasha cai tapuimanda cuintanacuichi:

Biblia nishca shina, mana saquisha, chapana yuyaimanda masta yachanata munanguimachu.

6. Maican Bibliamanda yachachicpiga intindinata ushanchi

Bibliata sapalla leishahuas, ashca runagunami shuc yachac runahuan estudiacpi yanapan ninaun. Hechos 8:26-31ta leichi, huasha cai tapuimanda cuintanacuichi:

Imata Bibliamanda intindingahua yanapan (Versiculo 30, 31ta ricuichi).

Bibliata intindingahua Etiopiamanda runaga maican yachachinata minishtira. Cunan punzhai, maicangunaga Bibliamanda yachangahua shuc yachachic yanapaita minishtinaun.

MAICANGUNAGA CASNAMI NINAUN: “Bibliata estudiana yanga man”.