Na bonpé domoun ké soidizan nou pé fé konfians, sof ké banna sé bann sarzèr dlo. Sé pou sa, bonpé i kroi pu…

•    bann domoun la politik k’i pans rienk ranpli zot poch avan pans lo pèp.

•    bann zinformasion néna dann laktualité, parské souvandéfoi lé pa tro vré é i di pa nou tout.

•    bann domoun i travay dan la sians ké lé pa la èk lo pèp.

•    bann chèf la rolijion k’i soidizan i doi roprézant Bondié mé k’i may rienk èk la politik.

 É domoun na rézon pa fé konfians tro fasilman. La Bib té fine di anou :

•    « Fé pa konfians bann prins, ni in not moun, ké lé pa kapab sov azot ! » (Psom 146:3).

  La Bib i di ké na in moun i mérit nout konfians, sé Jézu Kris. Jézu lé pa jus in bonom la viv na lontan d’sa, non, Jézu lé Roi, sé Bondié la choizi ali é « son roiyom va jamé fini » (Luk 1:32, 33). Jordi li lé lo Roi dan lo roiyom Bondié, in gouvèrnman dann sièl (Matié 6:10).

•    Pou èt sur ké Jézu i mérit nout konfians, lir bann lartik-la « Kisa i lé le Roi dann roiyom Bondieu ? » èk « Kosa le roiyom Bondieu va fé ? ».