Mèm si la Bib i di rien de spésial su bann jeu ki raport larjan, kan nou regard bann vérité biblik ki gid anou, nou pe konprann par la, ke pou Bondieu le jeu lé in péché  a (Éfézien 5:17).

•   Sak i pous domoun pou joué, sé lanvi gingn toujour plus, é sa, sé in nafèr ke Bondieu i détès (1 Korintien 6:9, 10 ; Éfézien 5:3, 5). Sak i joué bann jeu, i éspèr gingn larjan ke dot moun i pèrd, alor ke la Bib i kondann le moun ki ral le keur su sak lé zot néna (Égzod 20:17 ; Romin 7:7 ; 13:9, 10).

•   Joué bann jeu, mèm kan nou mèt inn ti pe larjan dedan, i pe fé nèt dan nout keur lamour pou larjan é sa i amèn problèm dan nout vi (1 Timoté 6:9, 10).

•   Souvandéfoi, sak i joué bann jeu lé pousé par la supèrstision é zot i kont su la chans. Mé seulman, pou Bondieu, bann kroiyans komsala lé kom ador bann léstatu, é sa, i akord pa dutou avèk ladorasion ke nou néna pou Bondieu (Izai 65:11).

•   Olèrk pous anou pou gingn kékchoz san transpiré, la Bib i ankouraj anou travay dur (Éklézias 2:24 ; Éfézien 4:28). Sak i suiv konsèy la « i manj le manjé ke zot la travay pou ganié par zot mèm » (2 Tésalonisien 3:10, 12).

•   Bann jeu larjan, i pous domoun pou ésèy la oteur avèk inn é lot, é sa lé mové parske sa lé kondané par la Bib (Galat 5:26).