Sar chraňinas tumare osobna udaje
Sar chraňinas tumare osobna udaje
Dikh tiš
SAR PES CHRAŇINEL O SUKROMJE
Le Jehovaskere svedki den lav, hoj chraňinena a rešpektinena tumaro sukromje. Kada dokumentos presňe phenel, sar the so pes pre kadi stranka abo andre varesavi aplikacija, savi kerďa Watchtower Bible and Tract Society Of New York, Inc. (dureder ča „e spoločnosť Watchtower“), kerela tumare osobne udajenca, save tumendar chudaha abo tumen amenge dena. Amari spoločnosť peske mukhel varesave zakladna informaciji pal ola, so phiren pre amare stranki. Džanas, hoj kala informaciji kampel te garuvel, kaj lenca vareko te na kerel vareso nalačho. Tiš džanas, hoj kampel, kaj ola, so phiren pre amare stranki te džanen, sar the so ale informacijenca keras. Možno amenge dena pal peste varesave informaciji, pre save pes dikhel sar pre osobna udaji. O lav „osobna udaji“ andre kada dokumentos znameňinel o udaji sar hin napriklad o menos, emailovo adresa, poštovo adresa, o čislos pro telefonos abo aver udaji, so šaj sikaven, ko san. O lav „webovo lokalita“ znameňinel kadi stranka pro internetos, the o stranki apps.pr2711.com, ba.pr2711.com, stream.pr2711.com a wol.pr2711.com.
KO KEREL LE OSOBNE UDAJENCA
Kadi stranka pro internetos the amare aplikaciji patrinen amara organizacijake „e spoločnosť Watchtower“ a organizacijake andro New York, so na zarodel o love, a savi podporinel e buťi, so keren le Jehovaskere svedki the lengero biblicko sikaviben. Te tumen korkore pestar rozhodňinena te kerel peske pre kadi stranka o učtos, te bičhavel o love, te mangel, kaj te avas ke tumende, abo te kerel vareso aver, kaj kampel te pisinel peskere osobna udaji, sikaven kaleha, hoj suhlasinen kale dokumentoha the kaleha, hoj tumare udaji pes uložinena pro serveri andro Spojena štati americke. Tiš kaleha suhlasinen, hoj e spoločnosť Watchtower the aver organizacije, save laha jekhetane keren buťi, kaj pes te podporinel e buťi le Jehovaskere svedkengeri andre aver krajini, šaj predikhen oda, so pisinďan, šaj skiden, mukhen peske, preanen abo inakšones keren tumare osobne udajenca. E nabožensko organizacija le Jehovaskere svedkengeri kerel buťi pal calo svetos prekal všelijaka miestna pravna subjekti. Šaj oda en napriklad o zbori, pobočki the aver podobna organizaciji le Jehovaskere svedkengeri.
Oda, ko kerela tumare osobne udajenca, zavisinel kalestar, so pre amari stranka keren. Napriklad te bičhaďan o love varesave pravne subjektoske andre varesavi krajina, kale pravne subjektoske pes bičhavela tumaro menos the o kontaktna udaji, save pisinďan paš kada, sar bičhaďan. Te mangľan, kaj te avas ke tumende, tumare udaji pes bičhavena la pobočkake le Jehovaskere svedken the le zboroske, savo bičhavel varekas ke tumende.
Te andre krajina, kaj bešen, hin o zakonos pal e ochrana le osobne udajen, šaj phučen vareso avka, hoj bičhavena o e-mail pre e-mailovo adresa, so hiňi pre stranka Kontakti – e ochrana le osobne udajen.
SO KERAS, KAJ TUMARE UDAJI TE EN PRO BEZPEČNO THAN
Keras sa predal oda, kaj tumare udaji te en pro bezpečno than a kaj len te na dochudel vareko, kaske na kampel. Amen hin nekneveder technologiji, sar te uložinel o osobna udaji a sar len te chraňinel, kaj len te na dochudel vareko, kaske na kampel, kaj len ňiko te na del avri aňi lenca te na kerel vareso nalačho, kaj len ňiko te na prekerel aňi na khosel, kavka sar zakazinel o zakonos abo ňiko len ča avka te na našavel. Savore, so kerena kale osobne udajenca a savore pravna subjekti, save kerena tumare osobne udajenca, mušinen lenca te kerel avka, kaj ňič olestar pes te na rozširinel odoj, kaj na kampel. Tumare osobna udaji amenge mukhas ča ajci but časos, keci kampela pre oda, pre soste sas skidle upre, abo ajci but, keci kampela te doľikerel e zakonno oznamovaco povinnosť abo o predpisi pal oda, sar kampel te garuvel o dokumenti.
Sar tumare udaji džan tumendar ke amende, chraňinas len le šifrovace protokolenca Transport Layer Security (TLS). Použivinas o počitačova sistemi, saven hin obmedzimen počtos le pristupove protokolen, save hine thode andro khera, kaj pes e bezpečnosť le informacijen chraňinel avka, hoj pes keren fizicka, elektronicka the proceduralna opatreňa. Hin amen zorale bezpečnostna normi, save na domukhen, kaj pes vareko, kaske na kampel, te dochudel paš o osobna udaje.
OLA, SO MEK HINE MALOLETA
Te e krajina, kaj san pre amari stranka, pre tumende dikhel sar pro maloleto, šaj tumare osobna udaje pisinen pre stranka ča akor, te tumenge domukhela aspoň jekh tumare roďičendar abo opatrovňikendar. Te san o roďičos abo opatrovňikos oleske, so mek hino maloleto a domukhena leske, kaj te pisinel peskere osobna udaji pre kadi stranka, sikaven kaleha, hoj suhlasinen, kaj pes leskere osobna udajenca te kerel vareso, kavka, sar hin pisimen andre kada dokumentos.
TE TUMEN DOCHUDENA PRE INTERNETOVO STRANKA, SO NANE AMARI
Varekana pre kadi stranka, abo andre amare aplikaciji šaj ena o odkazi pro internetova stranki, save nane amare. Tiš šaj oda en o odkazi pro internetova stranki, save nane amare, aľe keren vareso predal tumende andre amaro menos (napriklad sar pisinas avri varesavo internetovo formularis). Oda, hoj tumen san pre internetovo stranka, so nane amari, dikhena pal kada, hoj e stranka dičhola avres, sar amari a andro adresno rjadkos andre tumaro internetovo prehľadačis ela pisimen vareso aver. Tiš šaj chuden o emailos abo SMS varesave eksterne poskitovaťeľendar, bo pisinďan avri e žjadosť pre adi stranka, kaj te chuden o informaciji, so mangľan the informaciji pal o aktiviti, so mangľan. Sar amenge kidas avri, save stranki, so nane amare, daha pre amari stranka, kamas te džanel, sar on keren le osobne udajenca. Furt dikhas pre oda, sar on chraňinen osobna udaji. Amen igen kamas te džanel, hoj on chraňinen osobna udaji avka sar amen. No na džanas te prekerel sar on keren peskere aplikaciji, aňi o službi, so keren vaš tumenge, aňi oda sar chraňinen tumaro sukromje abo save všeobecna zmluvna podmjenki peske dena. Te kerel kajse aplikacijenca abo te kerel vareso prekal lengere službi, o podmjenki peske na das amen, aľe ola, so den kajse aplikaciji abo službi save tumen kamen. Te avľa vareso nevo andre aplikacija abo vareso aver, ola, so ada keren, amenge na mušinen te phenel, hoj hin neve podmjenki. Vašoda te tumen kamen te kerel aplikacijenca abo te použivinel varesavi lengeri služba, dikhen či na avľa varesavi nevi podmjenka sar the so šaj keren. Te pes kamen vareso te dodžanel pal oda, sar chraňinen o osobna udaji ola aver stranki, so nane amare, aľe použivinas len, pregenen tumenge o dokumentos pal e ochrana le osobne udajen pre lengeri internetovo stranka.
Te tumen keren pro Mapy Google, o Pokini sar chraňinen tumare udaji placinen ola, so hin andre firma Google. E firma Google hin jekh le firmendar, so nane amare, aľe pre amari stranka hine, aľe na džanas, kaj on te prekeren peskere aplikaciji, aňi na džanas te zmeňinel sar šaj on chraňinen tumare osobna udaji aňi oda save pokini on kamen, kaj te doľikeren sar použivinen lengere veci pre amari stranka. Te pre amari stranka keren tumen pro Mapy Google, mangav tumen, keren avka, sar hin pisimen andre lengeri firma Dodatočna zmluvna podmienki Mapy Google the Google Earth. Kana on keren zmeni andre ala pokini, on amenge na mušinen te phenel. Te na suhlasinena lengere podmjenkenca, paľis Mapy Google na použivinen.
SAR DAS TE DŽANEL, HOJ PES VARESO ZMEŇINĎA ANDRE KADA DOKUMENTOS
Amara internetovo stranka the amare aplikaciji kamas furt te prekerel ko feder a te prithovel o neve funkciji. Vašoda, hoj pes furt meňinel o zakoni a oda, sar pes majinen te použivinel o technicka prostrjedki, pes oda, sar chraňinas o osobna udaje šaj pal varesavo časos meňinel. Te kampela te zmeňinel oda, sar keras le osobne udajenca, daha oda te džanel pre kadi stranka. Kavka furt džanena, save udaji amenge mukhľan a tiš so a sar lenca keras.
AKTIVNO SKRIPTOVAŇE ABO O JAVASCRIPT
Kaj amari stranka abo amare aplikaciji te džan feder, použivinel pes o skriptovaňe. Kala skriptovace techniki pomožinen amenge, kaj pes o informaciji tumenge te sikaven sigeder. Amari stranka the aplikaciji o skriptovaňe ňigda na použinel pre oda, kaj andre tumaro počitačis te inštalinel varesavo softveris, aňi pre oda, kaj tumendar počoral te lel o informaciji.
Te kamen, kaj varesave kotora pre amari stranka te džan mište, kampel andro tumaro internetovo prehľjadačis te mukhel o aktivno skriptovaňe abo o JavaScript. Butere prehľjadačen hin e možnosť te mukhel abo te zakazinel o skriptovaňe prekal konkretna internetova stranki. Te tumen kamen te dodžanel, sar te mukhel o skriptovaňe pro stranki, so kidľan avri, dikhen andro navodos abo pomocňikos ke tumaro prehľjadačis.