Tumare osobna udaji skidas upre, rakinas len a keras lenca ča oda, pre soste amenge len diňan. A keras lenca ča do akor, sar len kampel pre oda, pre soste len diňan. Abo pre koda, pre soste len kampel. Te tumenge phenena, hoj amenge na kamen te del tumare osobna udaji, šaj pes ačhel, hoj vareso pre amari stranka tumenge na džala. A tiš šaj pes ačhel, hoj na džana tumenge o aplikaciji, save kerďa o Watchtower Bible and Tract Society of New York, Inc. A šaj pes ačhel, hoj našťi keraha oda, so amendar kamen.

O osobna udaji, save amenge pisinďan, bo amendar vareso kamen, abo andre prihlaška, dikhena ola, so kaleha keren, abo ola, so keren, kaj amari stranka mište te džal. Tumare udaji ňikaske avreske na daha. Ča akor (1) te oda kampela, kaj te keras oda, so tumen amendar kamen. Abo te tumenge pal oda sigeder daha te džanel. (2) te dikhaha, hoj kada mušinas te kerel, kaj te doľikeras o zakonos. (3) te o štatos phenela, hoj lenge kada kampel. (4) abo te kaleha avela avri o podvodos, abo kaj pes te na kerel varesavo podvodos, abo kaj pes ňikaske ňič te na ačhel, abo kaj kadi stranka te džal mište. Te tumen keren kadi strankaha, abo amare aplikacijenca, sikaven kaleha, hoj šaj das tumare osobna udaji olenge, pal saven hin upral pisimen. Ňisave osobna udaji, save tumen amenge den, amen na bikenaha, na požičinaha, aňi avrenca na vimeňinaha.

Maj caľi kadi stranka tumenge šaj predikhen bije kada, kaj tumen te registrinen abo bije kada, kaj pal peste vareso te pisinen. Ale varesave funkciji šaj použinen ča ola, so pes registrinde abo ola, save bičhade e požjadavka abo prihlaška, abo ajse džene, savengere osobna udaji thoďa pre stranka jw.org o zboros le Jehovaskere svedkengero. Tumare osobne udajenca pes kerela ča tumare suhlasoha. Te tumaro suhlasos zrušinena, varekana šaj dureder použivinas tumare osobna udaji, te oda kampel a ča akor, te oda domukhel o zakonos.

O osobna udaji, save pisinena pre kadi stranka, pes použinena ča pre oda, pre soste sas tumenge phendo akor, sar len pisinenas. Šaj en použita pre kada:

Použivaťeľska učti. Kaj tumenge te džanas te pisinel, šaj pisinas pre emailovo adresa, savi pisinďan paš oda, sar tumenge kerďan o použivaťeľsko učtos pre kadi stranka. Napriklad te bisterena tumaro prihlasovaco menos abo heslos a mangena e pomoca paš o prihlasovaňe pre stranka, pomožinaha tumenge prekal e sprava, savi bičhavaha pre emailovo adresa, savi pisinďan andre tumaro použivaťeľsko profilos.

Miro profilos. Te tumenge kerena pre amari stranka použivaťeľsko učtos, o tajomňikos andal o zboros tumenge šaj domukhel te kerel peske o profilos. Te tumen kamena te pisinel buter pal peste andro tumaro profilos pre stranka hub.pr2711.com, mušinen sigeder te odphenel pre otazka, či suhlašinen oleha, kaj te použivinas tumare osobna udaji, kaj te džanas, hoj san oda tumen a kaj tumenge te džanas te vičinel, te kampela. Te kerena vareso predal e organizacija a thovena andre peskero profilos, so savoro džanen te kerel, kada šaj dikhel vareko, ko rodel olen, so ajsi buťi džanen te kerel. Kaj te keren odi buťi, so kamen, varekana kampela, kaj tumare osobna udaji te bičhavas andre aver Betela, andro Hlavno Betel Amerikate abo olenge, so jekhetane keren buťi le Jehovaskere svedkenca andre aver phuva.

O prihlaški. Te kamen te kerel vareso buter ko Jehovaskere svedki, mušinen te doľikerel savoro, so paťan le Jehovaskere svedki the oda, so kamel e organizacija. Paľis šaj peske keren pre kadi stranka tumaro učtos a šaj bičhaven e prihlaška. Abo la šaj bičhavel o zboros. Pre dojekh prihlaška hin pisimen pre soste hiňi a savi buťi paľis šaj keren predal organizacija. Abo šaj pisines pre prihlaška, hoj tuke kampel varekaj te presovel, sar hin o zjazdi, o zhromažďeňa abo aver. Abo šaj pisines pre prihlaška, hoj tu šaj les varekas ke peste, te leske kampela te presovel. O udaji, so pisinena pre prihlaška tumen, tumare phuredera abo krajsko služobňikos, šaj aven igen osobna. Ala udaji dikhena ola, so predikhen tumari prihlaška, či šaj el schvaľimen. Tiš len dikhena ola, so keren amara strankaha, kaj tumen te el pre stranka o učtos. Sar keras tumara prihlaškaha, šaj kampel tumare udaji te bičhavel the aver pobočkenge abo olenge, so ľidžan amari organizacija, abo aver pravne subjektenge, save le Jehovaskere svedki použivinen andro krajini. Sako jekh prihlaška pes predikhel korkori a na jekhetane aver prihlaškenca. Nane amen varesave tabuľki kas te lel a kas na.

Špecijalna the medzinarodna bare zjazdi. Te tut hin pre oda, kaj te džas pre špecijalno abo medzinarodno baro zjazdos („baro zjazdos“), prekal amari stranka peske šaj pisines avri e prihlaška. Te kames te džanel, sar keras le prihlaškenca, dikh tuke upreder andro kotor „O prihlaški“.

Ola, so džana pro baro zjazdos. Pro baro zjazdos kampela te kerel tire osobne udajenca, sar hin kontaktna udaji, kana uľiľal, kaha odoj džaha, kaj bešeha, kana aveha, kana džaha khere the aver osobna udaji, save tu pisineha andre prihlaška pro baro zjazdos. Te tut kidena avri, kaj te džas pro baro zjazdos, tire osobna udaji pes bičhavena andro Betel, savo dodikhel pre phuv, kaj pes kerela baro zjazdos a the ajse phralenge, save pomožinen la buťaha paš o zjazdos abo save dothoven oda, kaj bešeha. Lenge kampel tire osobne udaji, kaj te džanen te plaňinel, so tuke kampela pro baro zjazdos, kaj tuke te pomožinen te dochudel pes odoj, kaj te džanen te plaňinel oda, so dikheha a zadživeha anglo abo pal o baro zjazdos. Tire osobna udaji pes bičhavena the andro hoteli, andre save bešeha, the olenge, so pomožinen varesava buťaha le hotelenge. Sar peske kidľal avri, so kames te dikhel abo te zadživel, bičhavaha tire osobna udaji olenge, so tuke andre oda pomožinena. Te na kames te del tire osobna udaji, abo mangeha, kaj len te khosas tele, šaj el, hoj našti aveha dureder pro baro zjazdos. Akor tire osobna udaji khosaha tele takoj, sar len imar na kampela.

Špecijalno kampaň, kaj te zvestines andre aver phuv. Te tut hin pre oda, kaj te džas pre špecijalno kampaň („kampaň“), prekal amari stranka peske šaj pisines avri e prihlaška. Te kames te džanel, sar keras le prihlaškenca, dikh tuke upreder andro kotor „O prihlaški“. Te tut kidena avri, kaj te džas pre kampaň, tire osobna udaji pes bičhavena andro Betel, savo dodikhel pre phuv, kaj pes kerela e kampaň. Bičhavena pes ajse udaji: kontaktna udaji, kaha odoj džaha, kaj bešeha, kana aveha, kana džaha het, save čhibenca vakeres the aver udaji, save pisines andre prihlaška, a save kampel pre kampaň. O phrala, so dodikhen pre kampaň andre phuv, kaj džas, kerena tire udajenca, kaj te džanen tut te bičhavel te zvestinel andre varesavo zboros a kaj tuke te arakhen than, kaj bešeha. Paľis o phral, savo hino kidlo avri, the o zborova phuredera andre oda zboros, kerena tire udajenca, kaj tut te bičhaven te zvestinel andre lengero obvodos. Te na kames te del tire osobna udaji, abo mangeha, kaj len te khosas tele, šaj el, hoj našti aveha dureder pre kampaň.

Školeňe. Te tumen hin pre oda, kaj te keren vareso predal e organizacija, šaj tumen vičinen pro školeňe. Te kamen, šaj džan, aľe tiš šaj phenen, hoj na kamen. Aľe kampel oda te kerel sigeder, sar zachudela o školeňe. Te džana pre varesavo školeňe, ola, so tumen sikhľarena, peske pisinena, hoj odoj phiren, pisinena, save san, so tumen sikhľiľan, so džanen a tiš vareso aver pal tumende. Ola, so dodikhen pre ajso školeňe the ola, so tumen sikhľarena, šaj dikhen tumaro profilos pre stranka hub.pr2711.com. Varekana kampel, kaj tumare osobna udaji te bičhavas andre aver Betela, andro Hlavno Betel Amerikate abo olenge, so jekhetane keren buťi le Jehovaskere svedkenca andre aver phuva.

O dari. Te amenge bičhavena o love sar daros prekal o internetos, mukhaha amenge tumaro menos the o kontaktna udaji. Te prijminas o dari prekal e platobno karta, použivinas o internetova platobna sistemi, savenge šaj paťas a save džanen nekfeder te zabezpečinel e ochrana le osobne udajen. Kaj oda, so diňan, amen te prilas a kaj dureder oleha te keras, kampela te chudel o informacije pal oda, savo čislos hin pre tumari platobno karta abo savo čislos hin pre tumaro učtos. Kaj tumare daroha te keras sa, so kampel a tiš bezpečňe, keras oda avka, sar phenen o zakoni pre oda, sar pes majinel te kerel le udajenca olenge, saven hin o platobna karti (Payment Card Industry Data Security Standard). Koda, ko chudňa o daros peske mukhela o zaznami pal o finančna transakciji ajso časos, keci leske oda kampela abo ajci, keci domukhela o zakonos. Maškar kala zaznami patrinel o datumos, kana sas o daros dino, keci sas dino a sar sas dino. Vaš kada šaj doľikeras o zakoni pal o love a tiš šaj odphenas pre chočsave otazki, so andre oda časos kamena te phučel. Na mangaha tumendar aver nevo daros.

Te tumen kamena, kaj te avas ke tumende. Prekal amari stranka šaj mangen, kaj ke tumende te avel varesavo Jehovaskero svedkos, kaj tumenge te phenel vareso buter pal e Biblija abo pal o Jehovaskere svedki. Tumare osobna udaji použinaha ča pre oda, so kampela, kaj te džanas te kerel oda, so mangenas. Kaj te džanen: oleha, hoj vareso mangena a bičhavena oda amenge, šaj pes ačhel, hoj kampela te bičhavel tumare osobna udaji avre pobočkenge abo le organizacijenge, so jekhetane keren buťi le Jehovaskere svedkenca.

Pre vareso aver. Tumare osobna udaji (napriklad o menos, poštovo adresa a čislos pro telefonos) šaj kampela te pisinel na ča pre oda, kaj tumenge te keren o použivaťelsko učtos, kaj te bičhaven e prihlaška abo o love sar daros, aľe the pre varesoste aver. Te pes ada ačhela, daha tumenge te džanel, pre soste kala informaciji den. Tumare osobna udaji na použinaha pre vareso aver, ča pre koda, so tumenge phenďam akor, sar len diňan.

Pal oda, so keras tumare osobna udajenca andre aplikacija JW Library, pes pisinel pre stranka So kerel JW Library tumare osobna udajenca.

Pre kodi stranka pes pisinel, hoj kampel te scirdel o data andal e stranka jw.org, kaj e aplikacija JW Library te džal mište. Sar e aplikacija JW Library vareso scirdel la strankatar jw.org, e stranka džanel tumari IP adresa. Tumare osobna udaji skidas upre, kaj te dochuden la aplikacijatar oda, so tumenge kampel. Tiš kaj te džanas, so andre late te kerel feder. A tiš kaj te el chraňimen. Tumare osobna udaji hin pre kada: kaj pes del tumenge te mukhel e aplikacija, kaj pes laha tumenge del te kerel, kaj mište te džal, kaj pes tumenge mište te sikavel, kaj pes andre late te na dochudel ňič nalačho a kaj te zaačhavel o programi, so la šaj mosaren, abo o programi, save tumen šaj klaminen, abo občoren. Tiš ala osobna udaji pomožinen te džanel, te pes vareso nalačho ačhela.

E nabožensko organizacija kerel buťi pal calo svetos prekal všelijaka mjestna pravna subjekti. Varesave serveri, save viuživinel kadi internetovo stranka abo aplikaciji, hine tiš andro Spojena štati americke (USA). Tumare osobna udaji šaj preanas the andre aver phuv, sar hin kodi, kaj tumen bešen, abo andro ajse krajini, kaj o zakoni na den ajsi zoraľi ochrana pro osobna udaji, sar e krajina, kaj akana bešen. Paš kada, sar keras tumare osobna udajenca abo sar len preanas avrether, keras sa, kaj pes lenca ňič te na ačhel. Savore organizacijendar, so amenca jekhetane keren buťi a so podporinen amari buťi, užaras, kaj le osobne udajenca te keren avka, sar amen, a tiš sar phenen o zakoni the narjaďeňa pal e ochrana le osobne udajen.

Te predikhen amari internetovo stranka a vakeren amenca elektronicki, sikaven kaleha, hoj suhlasinen oleha, hoj pes tumare osobna udaji te preanen andre cudzina. Buterval pre kada použivinas dohodi, sar hine dodatki ke zmluva.

Te keras tumare osobne udajenca, furt keras oda, so kampel, kaj tumare osobna udaji te en presna, aktualna a hoj pes použivinena pre oda, pre soste len diňan. Pal kada, andre savi krajina dživen, a pal kada, save zakoni pal e ochrana le osobne udajen andre late plaťinen, hin tumen kala prava:

• Šaj pomangen e informacija, save osobna udaji hin amen pal tumende a či len použivinas kavka, sar phenen o zakoni andre krajina, kaj dživen.

• Šaj pomangen, kaj tumenge te dikhen kala udaji, hoj len šaj vimazinen abo zablokinen, abo len šaj prikeren, te nane presna.

• Te hin tumen legitimna dvovodi, šaj phenen, kaj tumare osobne udajenca dureder te na keras, a šaj amen mangen, hoj lenca ňič te na keras aňi andre buducnosť.

Te dživen andre krajina, kaj hin o zakoni pal e ochrana le osobne udajenge, a te tumenge kamen te dikhel tumare osobna udaji abo len kamen te prikerel abo te vimazinel, šaj amenge pisinen pre adresa, savi arakhena pre stranka Kontakti – e ochrana le osobne udajenge.

Te amendar prekal o ľil mangena, hoj kamen tumenge te dikhel o osobna udaji, hoj len kamen te prikerel abo te vimazinel a te sikavena tumari totožnosť, hoj čačes oda san tumen a te amenge dena dos informaciji pre ada, kaj tumare udaji te arakhas avri, tumari žjadosť ela bičhaďi oleske, so kerel le osobne udajenca, savo la predikhela. Ov dikhela upre a phenela, či hin dvovodi andre tumari žjadosť avka zavažna a či nane proťi legitimna zaujmi la organizacijakere abo či oda našťi ohrozinel la organizacijakere prava pre sloboda te ucťjevinel a te paťal.

Kaj te džanen, hoj tumare osobna udaji na mušinen te el vimazimen, te o zakonos phenel, kaj len te na vimazinas abo kaj len te mukhas pro aver pravna dvovodi. Napriklad amenge kampel o zaznamos pal o stavos varesave dženes ke amari nabožensko organizacija. Te vimazinel ajse udaji bi avľahas (uľahas) o zasahos andre amaro nabožensko sikaviben a andre oda, so kerel amari organizacija. Pal kajsi žjadosť, kaj pes mangel te vimazinel o udaji, šaj keras ča akor, te oda nane proci o  zakoni pal e oznamovaco povinnosť abo proci o zakoni so phenen, hoj varesave dokumenti peske kampel te mukhel. Te kamen te podel e sťažnosť pre oda, so the sar sas tumare osobne udajenca kerdo pre kadi stranka, visaren tumen pro manuša, save andre tumari krajina dodikhen pre ochrana le osobne udajenge.