Сар те овел тут целосно корист таро акава библиско курси
Роде некој те проучинел туја: Шај те роде библиско курси таро мануш со денѓа тут акаја брошура или те роде библиско курси преку амари интернет-страница jw.org.
ПРВО ДЕЛО
Читин секова пасус, о пучиба (1) хем о библиска стихија (2) кола со истакнинена о главна мисле. Приметин кај несаве стихија тане посебно обележиме те читинен пе.
СРЕДНО ДЕЛО
О почетно тексти (3) ко дело Дознајн повише објаснинела башо со ка керел пе лафи ко акава дело. О поднасловија (4) сикавена о главна мисле. Читин о библиска стихија, одговорин ко пучиба хем дикх о видеоклипија (5).
Размислин башо слике (6) хем сар би одговоринеа ко пучибе таро дело Несаве шај вакерена (7).
ПОСЛЕДНО ДЕЛО
И лекција завршинела е делонцар Со сиклилем хем Сар ка одговорине? (8). Пишин о датум кеда завршинѓан и лекција. Ко дело Цел (9) пишинела ко со ваљани те кере бути. Ко дело Истражин (10) иси додатно материјали со шај ка манге те читине или те дикхе.
Сар те аракхе о библиска стихија
Ко библиска стихија тано пишимо о библиско лил (1)‚ о поглавје (2) хем о стихо или о стихија (3). На пример, ко Откровение 21:3 мислинела пе ко лил Откровение, 21 поглавје, 3 стихо.
Шај исто ка интересинел тут
НАЈЧЕСТА ПУЧИБА
Сар изглединела о библиско курси со нудинена е Јеховаскере сведокија?
Џикоте икерела пе о бесплатно библиско курси, шај те користине било кова превод тари Библија. Ко курси шај те канине некас тари тли фамилија или несаве амале.
