Na. I Biblija vakerela kaj valjani te molina amen samo e Devleske hem adava e Isuseske ko anav. O Isus vakergja ple učenikonge: „Molinen tumen agjaar: ,Amaro Dad so sian ko nebo, te slavinel pe tlo sveto anav‘“ (Matej 6:9). Ov nikogaš na vakergja ple sledbenikonge te molinen pe e svetconge, angelenge ili nekaske javereske osven e Devleske.

 Isto agjaar, o Isus vakergja ple učenikonge: „Me sium o drumo hem o čačipe hem o životo. Nikoj na avela ko Dad, osven preku mande“ (Jovan 14:6). Šaj te ava anglo Devel samo preku o Isus (Evreite 7:25).

So ako molinava man hem e Devleske hem e svetconge?

 Ki jekh prilika keda o Satana iskušingja le, o Isus vakergja: „E Jehova, te Devle, obožavin le hem samo leske služin“ (Matej 4:10). O Devel rodela te ova leske verna. Adava značinela kaj valjani te molina amen samo leske (Isaija 48:11).

 Ako molinaja amen e svetconge ili e angelenge, vredžinaja e Devle. Keda o apostol Jovan manglja te pokloninel pe jekhe angeleske, o angeli čhinavgja le hem vakergja leske: „Ma ker adava! Me da sium robo sar tu hem tle phralja, kolenge soj dendo te svedočinen bašo Isus. Poklonin tut e Devleske!“ (Otkrovenie 19:10).