Opšta pravilija andi privatnost

•  Poštujinaja toklo pravo andi privatnost

•  Ko ćerela o lična podatkija

•  I sigurnost hem i poverljivost ando podatkija

•  Nepunoletna manuša

•  Trito lice

•  Obaveštenje ked prominena pe amare Pravilija

•  Active Scripting ili JavaScript

Dikhen hem akala dokumentija

• Opšta pravilija andi privatnost kotar e Jehovase svedokija

• Opšta pravilija sar te koristinen pe o lična podatkija

• Opšta pravilija sar te koristinen pe o kolačići hem o slična tehnologije

Amenđe tano but važno te zaštitina hem te poštujina tumari privatnost. Akala Pravilija objasninena sar ko amaro veb-sajt ka ćeren pe o podatkija kola tumendar ćedaja ja kola tumen bićhalena amenđe. Ked ka khuve ko amaro veb-sajt, amen laja disave osnovna informacije tutar hem đanaja kobor tano važno odola informacije te oven zaštitime hem tu te ove obavestimo kotar odova kuri sa odola informacije koristinena pe. Šaj te odlučine te bićhale amenđe o informacije kotar tekle lična podatkija. O lafija „lična podatkija“ sar soj tane koristime ko akala Pravilija, uključinena o informacije sar soj tane toklo anav, imejl adresa, poštansko adresa, o broj ando telefoni ja disave avera podatkija, kola ka mothoven ko hijan tu. Na ađićeri pe tutar te de bilo save lična informacije, te šaj te dikhe o javno deo kotar akava sajt. Ked pominaja o lafi „veb-sajt“ odova uključini akava veb-sajt hem o veb-sajtija kola tane povezime oleja sar soj tane: apps.pr2711.com, ba.pr2711.com, stream.pr2711.com i wol.pr2711.com.

Akava sajt tano vlasništvo ando neprofitno korporacija Watchtower Bible and Tract Society of New York Inc. (“Watchtower”), ki Njujork, kova organizujini so ka ćeren e Jehovase svedokija. Ako dobrovoljno odlučineja te ćere tuće nalog, te de dobrovoljno prilog, te rode poseta ja ko avera načinija te de tekle lična podatkija, tegani tu hijan saglasno e Pravilencar andi poverljivost, te arakhen pe tekle podatkija kola tane ko serverija ko Sjedinjena Američka Države hem te ćeden pe, te obradinen pe, te bićhalen pe hem te arakhen pe tekle lična informacije kotar Watchtower hem avera organizacije ko avera države, kola ćerena buti zajedno e Jehovase svedokonencar, te šaj te udovoljinen pe o buća kola mangljan. I buti kotar akija religiozno organizacija ćerela pe ko celo sveto prekalo razna lokalna „pravna tela“. Ked vaćeri pe kotar zaštita andi privatnost, šukar tano te ovel amen ki godi so ko odova tane uključime o lokalna skupštine, o podružnice ja avera organizacije kola ćerena zajedno buti e Jehovase svedokonencar.

Ko ka ćerel tekle lična podatkija kola bićhaleja, ka zavisini odolestar sose koristineja akava veb-sajt. Na primer, ako deja onlajn prilog e „pravno telose“ ki disavi Phuv, tegani toklo anav hem prezime hem o broj ando telefoni ka oven dende odole „pravno telose“, kolestar ka ove obavestimo đi deja prilogija. Ko aver slučaj, ako rodeja poseta, toklo anav hem prezime hem o broj ando telefoni ka oven bićhalde ki podružnica hem ki skupština ando Jehovase svedokija te šaj te udovoljinen pe o buća kola mangljan.

Ako ki Phuv ki koja živineja isi zakon te zaštitinen pe o podatkija kola šaj te primeninen pe ko akala okolnostija, o kontakt informacije tekle Phuvjaće šaj te arakhe ki stranica Zaštita ando podatkija: kontakti.

Amenđe i sigurnost hem i poverljivost andi tikli privatnost tani but važno. Koristinaja najmoderna tehnologije, te šaj te ćeden pe hem te zaštitinen pe o podatkija, te šaj te pazina tekle lična informacije ando neovlašćeno pristup, kova nane le pravo te dikhel len ja te promini len, ja te koristini len, te mothovi averenđe ja te uništini odija informacija ja slučajno te ovel našaldi. Sare kola obradinena o lična podatkija hem i trito strana kasa sarađujinaja te šaj te obradina tekle podatkija, dužna tane te pazinen tekle informacije te aćhon poverljiva. Tekle lična podatkija arakhaja samo đi valjanena amenđe te šaj te završina i buti ja odobor kobor premalo zakon hijam obavezna.

Ked bićhalaja tekle lična podatkija, amen zaštitina len ađahar so koristinaja i tehnologija Transport Layer Security (TLS). Koristinaja kompjuterska sistemija kola isi len ograničimo pristup, a kola tane ćhivde ko objektija kola isi len fizička, elektronska hem proceduralna mere te arakhen i poverljivost hem i sigurnost ando informacije kola resena đi amende. Ićeraja amen ko bare standardija andi sigurnost, te šaj te ćhinava bilo kas ko nane le pravo te ovel le pristup ko tekle informacije.

Ako hijan nepunoletno premalo zakoni ki država kaj phraveja amaro veb-sajt, tekle lična podatkija ki akaja stranica šaj te bićhalje samo ako hijan zajedno te roditeljencar ja tekle starateljeja. Ako hijen roditeljija ja starateljija hem složinena tumen tumaro nepunoletno ćhavo te bićhali pekle lična podatkija ko veb-sajt, tumen prihvatinena o uslovija kola odnosinena pe ko nepunoletna manuša, a kola tane dinde ko akala Pravilija.

Dijekhvar ko akava veb-sajt isi linkija kotar trito lice kova dela amen disave usluge (na primer, te phera o formularija onlajn). Ka haljoven so hijen ko veb-sajt kotar trito lice, sose i stranica ka dićhol averćhane hem i adresa ko tumaro internet pretraživači ka menini pe. Isto ađahar, šaj ka dobinen disavo mejl ili poruka ando trito lice premalo zahtev kova bićhalđen prekalo akava sajt, a odothe tane hem o obaveštenja ando aktivnostija aso kola rodinđen informacije. Ked birinaja o trito lice, proverinaja o pravilija andi privatnost hem i zaštita ando lična podatkija, te bi ovaja sigurna, so ićerena pe ko amare standardija ko kola hem amen ićeraja amen. Ama, okola kola pružinena o usluge te šaj te koristini pe i aplikacija hem i usluga kaso programiranje, o pravilija ando korišćenje, i izjava andi privatnost hem o opšta pravilija andi privatnost našti te kontrolišina. Sebepi odova sar ka koristinen pe o aplikacije hem o usluge ko amaro veb-sajt tano podložno aso uslovija aso korišćenje hem aso opšta pravilija andi privatnost kova odredini o trito lice. Amen nane amen informacije ando ažuriranje odola dokumentija hem odolese molinaja tumen angleder so koristinena o usluge kola nudini o trito lice najangleder dikhen olenge uslovija. Ako isi tut pućiba save tane olenge pravilija andi privatnost, molinaja tut čitin o pravilija andi privatnost kola arakhena pe ko olengo veb-sajt.

 Ako ko akava veb-sajt koristinena o usluge ando Google Maps, nek ovel tumen ki godi so đi koristinena odola usluge, on tane podložna aso trenutna pravilija andi privatnost kola važinena ko veb-sajt Google. O Google tano trito lice kase aplikacije, programiranje hem o pravilija ando korišćenje našti te kontrolišina. Odolese tano o korišćenje ando usluge Google Maps ko akava veb-sajt podložno aso trenutna važeća Dodatna uslovija aso korišćenje Google Maps/Google Earth. Amen nane amen informacije ando ažuriranje kotar odola uslovija hem odolese molinava tumen čitinen len angleder so koristinena o usluge ando Google Maps. Ako na prihvatinena odola uslovija, ma koristinen o usluge ando Google Maps.

 Amen neprestano ćeraja ko odova amaro veb-sajt te ovel pošukar, dodainaja neve buća hem ćeraja te oven pošukar olese usluge. Sebepi odola stalna promene hem promene ko zakonija hem ki tehnologija, sar đala o vreme ka promenina o način sar ćeraja odola podatkija. Ked ka ovel potrebno te promenina o Pravilija, sa o promene ka objavina ki akija stranica, te šaj te đanen kola informacije ćedaja hem sar koristinaja len.

Te šaj te ćerel pošukar buti amaro veb-sajt, koristinena pe o opcije „Active Scripting“ ja „JavaScript“. Prekalo olende o sajt šaj posig te mothovi o informacije kola mangeja. Ko akava sajt, odola opcije niked na koristinena pe te šaj ko tumaro kompjuter te instalirina o programija, ni kotar tumaro kompjuter te len pe tekle informacije bizo te de tikli saglasnost.

Te šaj disave delija kotar akava sajt ispravno te ćeren buti, ko pretraživači valjani te oven uključime o opcije „Active Scripting“ ja „JavaScript“. But pretraživačija mukhena disave stranicenđe odola opcije te oven uključime ja isključime. Te šaj te proverinen sar šaj odova te ćeren, dikhen „Pomoć“ (Help) ko tumaro pretraživači.