ΜΑΘΗΜΑΣ 6
Καγιά Ελπίδα Τθερένα ο Μουλέ;
1. Καλά λατσσέ αμπέρια ισί ι μουλένγκε;
Όταν ο Ιησούς ισινέ κι πφουβ, μουλόας λέσκο φίλος, ο Λάζαρος. Βοβ μπεσέλας κι Βηθανία, εκχέ γκαβέστε πασέ κι Ιερουσαλήμ, ντα όταν ερεσλό οτθέ ο Ιησούς, ο Λάζαρος ισινέ ήδη σταρ ντιβεσά μουλό. Γκιλό κο μεζάρι λέσκε πφενίντζαρ, με τη Μάρθα ντα με τη Μαρία, ντα σοράν γκιντισάλε μπουτ τζενέ. Μπορίνενα τι σκεφτίνεν καμπόρ χαρά λιντάς η Μάρθα ντα η Μαρία όταν ο Ιησούς τζουβντιαρντάς ι Λαζαρός;—Διαβάνεν Ιωάννης 11:21-24, 38-44.
Η Μάρθα τζανέλας σο κα κερέλ ο Ντεβέλ ι μουλένγκε. Πακιάλας ότι ο Ιεχωβά κα ανέλ-λεν πάλι κι ζωή για τι τζουβντιόν κι πφουβ.—Διαβάνεν Ιώβ 14:14, 15.
2. Αγαβένα τίποτα ο μουλέ;
Ο Ντεβέλ βακερντάς κο Αδάμ: «Πράχος ισινάν ντα κο πράχος κα τζας».—ΓΕΝΕΣΗ 3:19.
Ο τζενέ ισί κερντέ κατά πράχος. (Γένεση 2:7· 3:19) Να ισινάμ πνεύματα σο τθερένα τζενένγκε σώματα. Γι’ αυτό, όταν μεράσα τίποτα να τζουβντιόλα αμένταρ. Ισινάμ τζενέ, ντα όταν μεράσα, μερέλα αμαρό εγκέφαλος ντα οντουλέσκε να μπορίνασα τι σκεφτίνας. Οτθάρ ο Λάζαρος, όταν τζουβντιαρντάς-λες ο Ιησούς, να βακερντάς ότι συνεχίνελας τι τζουβντιόλ κάπου γιαβερτθέ—επειδή ο μουλέ να αγαβένα τίποτα.—Διαβάνεν Εκκλησιαστής 9:5, 6, 10.
Μπουτ τζενέ πακιάνα ότι ο Ντεβέλ βασανίνελα ι τζενέν με γιακ κι κόλαση όταν μερένα. Αφού η Αγία Γραφή σικαβέλα ότι ο μουλέ να αγαβένα τίποτα, οντουβά σο βακερένα μπουτ τζενέ για τι κόλαση ισί ψέματα ντα προσβαλίνελα ι Ντεβλές. Η ιδέα ότι ο Ντεβέλ βασανίνελα ι τζενέν με γιακ ισί μπουτ μπέτι λέσκε.—Διαβάνεν Ιερεμίας 7:31.
Ντικχ ο βίντεος Αγαβένα Τίποτα ο Μουλέ;
3. Κερένα αμέντζαρ λάφι ο μουλέ;
Ο μουλέ να κερένα λάφι ούτε ασουνένα. (Ψαλμός 115:17) Κάποιοι πφιρνέ άγγελοι κερένα-πες ότι ισί ο μουλέ ντα ότι κερένα λάφι ι τζενέντζαρ. (2 Πέτρου 2:4) Οτθάρ, ο Ιεχωβά βακερέλα μα τι λας ποτές πληροφορίες κατά μουλέ.—Διαβάνεν Δευτερονόμιο 18:10, 11.
4. Καλά τζενέ κα αβέν πάλι κι ζωή;
Μπουτ τζενέ σο ισί μουλέ κα αβέν πάλι κι ζωή ατθέ κι πφουβ. Οντουλένταρ κα τζουβντιόν τζενέ-ντα σο να τζανένας ι Ντεβλέσκε ντα κερένας μπέτι πράγματα.—Διαβάνεν Λουκάς 23:43· Πράξεις 24:15.
Οντουλά σο κα αναστίντιβεν κα μπορίνεν τι σικλιόν ι αλήθεια ι Ντεβλέσκε, τι τθερέν πίστη κο Ιησούς ντα τι ασουνέν-λες. (Αποκάλυψη 20:11-13) Σαρέ οντουλά σο κα αβέν πάλι κι ζωή ντα κα κερέν λατσσέ πράγματα κα τθερέν εκ λατσσί ζωή ατθέ κι πφουβ για πάντα.—Διαβάνεν Ιωάννης 5:28, 29.
5. Ανάσταση—σο σικαβέλα αμένγκε ι Ιεχωβάσκε;
Ο μουλέ κα τζουβντιόν πάλι επειδή ο Ντεβέλ μπουτσσαντάς πι τσσαβές τι μερέλ αμένγκε. Άρα, η ανάσταση σικαβέλα αμένγκε ι αγάπη ντα ι καλοσύνη ι Ντεβλέσκι σο να αξίνασα-λα. Όταν ο μουλέ κα τζουβντιόν πάλι, τουμέν κας μανγκένα τι ντικχέν;—Διαβάνεν Ιωάννης 3:16· Ρωμαίους 6:23.
