Η Αγία Γραφή βακερντάας ότι κο τελευταία ντιβεσά κα αβένας μπαρέ νασφαλίματα. (Λουκάς 21:11) Να ανέλα ο Ντεβέλ ανταλά νασφαλίματα για τι τιμωρίνελ-αμέν. Οκιά μπάνταρ, κάνα κα ανέλ πι Βασιλεία, ο Ντεβέλ κα νασκιαρέλ σαρέ ο νασφαλίματα.

•  Βακερντάας η Γραφή ότι κα αβένας νασφαλίματα;

•  Τιμωριντάς ποτές ο Ντεβέλ ι τζενέν νασφαλιματέντζαρ;

•  Τιμωρίνελα-αμέν αντιβές ο Ντεβέλ νασφαλιματέντζαρ;

•  Κα νασέν ποτές ο νασφαλίματα;

•  Εδάφια ι Γραφιάκε ι νασφαλιματένγκε

 Η Αγία Γραφή να κερέλα λάφι συγκεκριμέ νασφαλιματένγκε, σαρ ι Κορωνοϊόσκε, για το AIDS, για τη φυματίωση, για την ελονοσία ή για την ισπανική γρίπη. Αλλά βακερέλα ότι κα τθεράας «νασφαλίματα» ντα “πληγές σο ανένα μεριπέ”. (Λουκάς 21:11· Αποκάλυψη 6:8) Ανταλά πράγματα κα αβένας «κο τελευταία ντιβεσά» ή σαρ βακερέλα γιαβέρτουλους η Γραφή κο «τέλος ανταλέ ντουνιάσκο».—2 Τιμόθεο 3:1· Ματθαίος 24:3.

 Σαρ ντικχάσα κι Αγία Γραφή, ο Ντεβέλ χάνικ φαρ τιμωριντάς τζενέν νασφαλιματέντζαρ. Για παράδειγμας, ισί μπαγιά ότι μερικέ τζενέν πφερντάς-λεν λέπρα. (Αριθμοί 12:1-16· 2 Βασιλέων 5:20-27· 2 Χρονικών 26:16-21) Όμως, κάνα αβέλας-πες κάτι ασακό να λένας ανταβά νασφαλιπέ ο λατσσέ τζενέ-ντα. Αλλά, ο Ντεβέλ τιμωρίνελας εκχέ νασφαλιμάσαρ σάντε οντουλέν σο τζάνας κόντρα λέσαρ.

 Νάα. Μερικά τζενέ πακιάνα ότι ο Ντεβέλ ανέλα ο νασφαλίματα για τι τιμωρίνελ ι τζενέν αντιβές. Όμως, η Γραφή σικαβέλα ότι ανταβά νανέ μπαγιά. Σόσκε βακεράσα-λες ανταβά;

 Ισί μπαγιά ότι, εμ κο πουρανέ μπρεσά αλλά εμ αμαρέ ντιβεσέντε, μερικά τζενέ σο πακιάνας ι Ιεχωβάς τσσιντιντέ μπουτ κατά νασφαλίματα. Ο πιστός Τιμόθεος, για παράδειγμας, τσσίντελας μπουτ ι “νασφαλιματέντζαρ”. (1 Τιμόθεο 5:23) Αλλά η Γραφή να βακερέλα ότι ανταβά αβέλας-πες επειδή μανγκέλας τι τιμωρίνελ-λες ο Ντεβέλ. Αντικάς αντιβές-ντα, μερικά τζενέ σο πακιάνα ι Ιεχωβάς νασφάλιβενα ή λένα εκ νασφαλιπέ. Ο πιο μπουτ φαρ, ανταλά τζενέ ισινέ απλά κο λάθος τθαν κο λάθος σαάτι.—Εκκλησιαστής 9:11.

 Επίσης, η Γραφή σικλιαρέλα ότι να αβιλό ατζέκ ο βακίτι ι Ντεβλέσκο για τι τιμωρίνελ ι πφιρνέ τζενέν. Οκιά μπάνταρ, τζουβντιάσα «κο ντιβές σο σώντιβενα τζενέ»​—δηλαδή κο ντιβές σο ο Ντεβέλ βακερέλα αντράλ πι γκίσταρ σαρέ ι τζενένγκε τι τζαν πασέ λέστε ντα τι σώντιβεν. (2 Κορινθίους 6:2) Εκ τρόπος σο κερέλα-λες ανταβά, ισί αντράλ κατά έργος σο αβέλα-πες σαρό κο ντουνιάς για τι ασουνέν ο τζενέ ο «λατσσέ αμπέρια ι Βασιλειάκε».—Ματθαίος 24:14.

 Βα. Η Γραφή βακερέλα ότι ατζεχάνικ κα αβέλ ο βακίτι σο καέκ τζενό να κα αβέλ νασφαλό. Κάνα κα ανέλ πι Βασιλεία ο Ντεβέλ, κα σαστιαρέλ σαρέ ι τζενέν σο ισί νασφαλέ. (Ησαΐας 33:24· 35:5, 6) Κα νασκιαρέλ ο προβλήματα, ι ντουκχ ντα ο μεριπέ. (Αποκάλυψη 21:4) Ντα κα αναστίνελ ι μουλέν για τι τθερέν εκ σουκάρ ζωή οπράλ κι πφουβ χωρίς τι νασφάλιβεν.—Ψαλμός 37:29· Πράξεις 24:15.

 Αποκάλυψη 6:8: «Ντα ντικχλόμ εκχέ γκραστές σο τθερέλας ο χρώμας ι νασφαλένγκο ντα οντουβά σο ισινέ οπρά-λέστε τθερέλας ο ναβ Μεριπέ. Ντα ο Μεζάρι ακολουθίνελας-λες πασάλ. Ντα ντιντιλί-λεν εξουσία . . . τι μουνταρέν . . . πληγιάσαρ σο ανέλας μεριπέ».

 Σο μανγκέλα τι βακερέλ: Η προφητεία ι σταρέ τζενένγκε σο ισί οπράλ κο γκραστά σο τθάβντενα, σαρ βακερέλα κι Αποκάλυψη, σικαβέλα ότι κα αβένας νασφαλίματα αμαρέ ντιβεσέντε.