Βα, υπαρχίντιβελα. Η Αγία Γραφή τθερέλα μπαρέ αποδείξεις ανταλέσκε. Βακερέλα αμένγκε τι πακιάς ότι υπαρχίντιβελα, όχι επειδή δεχτίνασα πφαντέ γιακχίντζαρ οντουλά σο βακερένα ο θρησκείες, αλλά επειδή τσσουβάσα αμαρί γκοντί τι κχελέλ. (Ρωμαίους 12:1· 1 Ιωάννη 5:20) Ντικχέν πο τελέ ο λογικές σκέψεις σο βοηθίνελα-αμέν τι κεράς η Αγία Γραφή:

•   Ο πράγματα σο ισί κερντέ σουκάρ σειράσαρ ντα η ζωή κο σύμπαν σικαβένα ότι υπαρχίντιβελα Δημιουργός. Η Γραφή βακερέλα: «Σαρ τζανάσα, σαρέ ο κχερά κερντιόνα τζενένταρ, αλλά οντουβά σο κερντάς σαρέ ο πράγματα ισί ο Ντεβέλ». (Εβραίους 3:4) Παρόλο σο ανταγιά σκέψη ισί μπουτ απλή, μπουτ μορφωμέ τζενέ συμφωνίνενα ότι τθερέλα μπαρί σημασία. a

•   Αμέν ο τζενέ τθεράσα αντρ’ αμέντε ι επιθυμία τι τζανάς σόσκε τζουβντιάσα, ντα ανταγιά επιθυμία ισί σαρ μποκχ σο να νασέλα ατζέ-ντα κάνα τθεράσα ο αναγκαία αμαρέ ζωγιάτε. Σαρ βακερέλα η Αγία Γραφή, ισί εκ “ανάγκη σο τθεράσα ι πνευματικέ πραγματένγκε”, τι τζανάς ντα τι ντας λατρεία κο Ντεβέλ. (Ματθαίος 5:3· Αποκάλυψη 4:11) Ανταγιά ανάγκη σικαβέλα ότι υπαρχίντιβελα Ντεβέλ. Σικαβέλα ατζέκ ότι βοβ ισί εκ λατσσό Δημιουργός σο μανγκέλα τι πφεράς ανταγιά ανάγκη.—Ματθαίος 4:4.

•   Η Αγία Γραφή τθερέλα μπουτ προφητείες σο γραφισάλε μπουτ μπρεσά πριν τι αβέν-πες, ντα νικίστιλε ντιπ αντικάς σαρ ισινέ γραμμέ—μέχρι ο τελευταίος λάφι. Ανταβά σικαβέλα ότι σαρέ ο προφητείες νανέ τζενένγκε λάφια.—2 Πέτρου 1:21.

•   Ο τζενέ σο γραφιντέ ι Αγία Γραφή βακερντέ λάφια ι επιστημονικέ πραγματένγκε, μπουτ μπρεσά πριν τι αγαβέν-λεν ο επιστήμονες. Για παράδειγμας, κο πουρανέ μπρεσά μπουτ λαοί πακιάνας ότι η πφουβ ισινέ οπράλ σε εκ ζώος—σαρ για παράδειγμας εκχέ ελεφαντάστε, εκχέ γουρουνίστε ή εκχέ γκουρουβέστε. Γιαβερά πακιάνας ότι ασταρέλας-λα πι πλατιέντε εκ μπατάλι τζενό. Οκιά μπάνταρ, η Αγία Γραφή βακερέλα ότι ο Ντεβέλ «ιμπλαντάς . . . ι πφουβ κο πουθενά». (Ιώβ 26:7) Επίσης, σικαβέλα μπαγιά σαρ ισί η πφουβ κάνα βακερέλα ότι ισί “κύκλος”. (Ησαΐας 40:22) Ισί μπουτ ο τζενέ σο πακιάνα ότι οντουλά τζενέ σο γραφιντέ ι Γραφή λιντέ ανταλά σκέψεις κατά Ντεβέλ.

•   H Αγία Γραφή ντέλα απαντήσεις μπουτέ δύσκολε ερωτησιέντε—ερωτησιέντε σο άμα εκ τζενό να κα λελ σωστές απαντήσεις μπέκιμ τι κερένας-λες τι πακιάλ ότι να υπαρχίντιβελα Ντεβέλ. Για παράδειγμας: Άμα ο Ντεβέλ ισί αζόμ λατσσό ντα ο πο ζουρανό, σόσκε μουκχέλα τι υπαρχίντιβεν αζόμ μπουτ βάσανα ντα πφιρνιπέ; Σόσκε η θρησκεία τσσίντελα ι τζενέν κο γκεραλιπέ ντα όχι κο λατσσιπέ;—Τίτο 1:16.