Βα, υπαρχίντιβενα. Ο δαίμονες ισί “άγγελοι σο αμαρτιντέ” ντα γκιλέ κόντρα κο Ντεβέλ. (2 Πέτρου 2:4) Ο πρώτος άγγελος σο αβιλό δαίμονας ισινέ ο Σατανάς ο Διάβολος, οντουβά σο κι Αγία Γραφή βακέρντιβελα «άρχοντας ι δαιμονένγκο».—Ματθαίος 12:24, 26.

Γκιλέ κόντρα κο Ντεβέλ κο ντιβεσά κι Νωέσκε

 Η Αγία Γραφή βακερέλα ότι, πριν κατά Κατακλυσμός κο ντιβεσά κι Νωέσκε, ισινέ άγγελοι σο γκιλέ κόντρα κο Ντεβέλ: «Ο τσσαβέ ι αληθινέ Ντεβλέσκε αρχισάλε τι ντικχέν ι τζενένγκε τσσαΐν, ότι ισινέ σουκάρ· ντα αρχισάλε τι λεν ρομνίν—σαρέ οντουλέν σο τραμπιντέας». (Γένεση 6:2) Οντουλά πφιρνέ άγγελοι «μουκχλέ ο τθαν σο μπεσένας» κο ουρανός, γουλίστιλε κι πφουβ ντα λιντέ τζενένγκε σώματα για τι τθερέν σεξουαλικές σχέσεις ι τζουβλίντζαρ.—Ιούδα 6.

 Κάνα αβιλό ο Κατακλυσμός, ο άγγελοι σο γκιλέ κόντρα κο Ντεβέλ μουκχλέ πουμαρέ τζενένγκε σώματα ντα βουρτισάλε κο ουρανός. Όμως ο Ντεβέλ παλντιντάς-λεν πι φαμιλιάταρ. Ο Ντεβέλ τιμωριντάς-λεν ντα αντικάς ναστί λένα πάλι τζενένγκε σώματα.—Εφεσίους 6:11, 12.