1. Ma sowenn! Bares ’wenn an o patsepen!

Men o tchatchepen hi, koja momli tsikerenn.

An i Dewleskri Buhti i soor tchiwenn,

o Jehowah soor men dell.

Maro rai Jesus menge penas,

mer o latcho lab hunte anass.

Leskro dad hi pash mende, te ma perass.

Job ap maro wast men lell.

2. Ma sowenn! Sorles krenn maro rakepen!

Hakenes latche laba i Dewlestar anenn.

Kanne i Jehowes, i Dewles, sharenn.

Kher-pal-kher mer ketne djah.

Te khamenn wawar, te ma rakrass,

sorles mer ap i Buhti rikrass.

Ap o lab o Dewlestar hunte shunass.

Leskro tchatchepen anah.

 3. Ma sowenn! Sig buhtrenn kanne dureda.

Buhtepangre mer ham

maro latcho Dewlestar.

Leskro ducho o drom men tsikrell, haiwah,

ha i momli an o dji.

I wawren o djiestar gamah,

Djass pash lende, o lab lenge dah.

Te wenn jon ninna bares, mer kowa krah.

I Dewleskri bacht men hi.