SIKAIMOS 6
So shinavel amenge o Del pa godola kai soven ande martia?
1. So shinavel e Biblia pa godola kai soven ande martia?
Ande iek gies, o Jesus gelo ka o Betania, iek foro tsinorho pasha o Jerusalen kai beshelas pesko amigo o Lazaro. Numa kana areslo kotse, o Lazaro gata sas mulo de 4 gies. Le phea katar o Lazaro, e Marta ai e Maria, ningerde le Jesusos ka o groposhevo, ai ande fuga kidinisaile but manush. Shai des tu gogi ando barikamos kai aliarde e Marta ai e Maria kana o Jesus zhuvindisardias lenge phrales? Chito Iovano 11:21-24, 38-44.
Ande Biblia si but lashe viesti, numa iek desia shukar si ke le manush kai soven ande martia si te zhuvindin. E Marta sikilisas ke o Jehova shinavel ke si te zhuvindil le manushen kai jaisaile te train pale pe Phuv. Chito Job 14:14, 15.
2. So si kana le manush meren?
O Del phendias le Adanoske: “Pulveria san ai kal pulveria si te amboldes” (GÉNESIS 3:19).
Le manush sam kerde anda le pulveria la phuviake (Génesis 2:7; 3:19). Chi sam iek dujo kai trail ande iek stato masesko, kana meras khanchi ande amende ashel zhuvindo. Kana merel e gogi, vi le ginduria meren. Le mule nai ando kino ai chi aliaren khanchi. Pala godia o Lazaro chi phendias khanchi pa peski martia kana zhuvindisailo, ke kana mulo chi gelo katsende Chito Psalmo 146:4 [ENV]; Iovano 11:11-14.
But zhene pakian ke o Del del po kino uni manushen ande iag polme te meren, numa godo nai chaches.Sar dikhliam zhi akana, kana o manush merel chi aliarel khanchi. O gindo te del po kino varekas ande iek iag si griatsa le Jehovaske. Atunchi kako pakiamos jojamno lo ai meliarel o anau le Devlesko. Chito Deuteronomio 12:31.
3. Shai das duma le mulentsa?
Le mule nashtin te den duma ai chi te ashunen (Salmo 115:17). Numa si angeluria bi lashe kai shai den duma le manushentsa ai gadia jojaven len te gindin ke den duma le mulentsa (2 Petri 2:4). Anda godia o Jehova chi kamel te rodas te das duma le mulentsa. Chito Deuteronomio 18:10, 11.
4. Kon si te zhuvindin?
Millonuria manush kai jaisaile si te train pale de neves pe Phuv. Si te zhuvindin uni manush kai kerde prame bi lashe ai kai chi prinzharde ka o Jehova. Chito Psalmo 37:29 [ENV]; Le Apostolengo 24:15.
Godola kai zhuvindina shai sikion o chachimos le Devlesko ai shai sikaven pengo pakiamos ando Jesus te pakiana lesko mui (Sicharimos [Apokalipsos] 20:11-13). Te kerena gadia, si te aven barikane te train siempre pe Phuv. Chito Iovano 11:25, 26.
5. So sikavel amen pa o Jehova so kerela le manushentsa kai jaisaile?
So si te kerel o Del le manushentsa kai jaisaile, sikavel ke ulil amen but ai kamel ilesa amaro mishtimos. Nais le Devleske ke tradias peske Shaves te merel pala amende, shai azhukeras godo mai angle. Ai tu, kas kames te dikhes kana zhuvindina le manush kai jaisaile? Chito Iovano 3:16; Romanuria 5:18.
