O Jehova dias amen e Phuv te trais sa le manush pe late. Kana kerdias ka o Adan ai kai Eva, le pervo manush, chi kerdias len te train ando cheri. O Del gata kerdiasas angeluria te train kotse (Job 38:4, 7). O Jehova thodias ka o pervo mursh ande iek shukar paraiso kai busholas o sado anda o Eden (Génesis 2:15-17). Chito Le Apostolengo 17:26; 1 Iovano 2:17.

 Godo paraiso, o Eden, ferdi sas pe iek kotororho la Phuviako. O Adan ai e Eva trobunas te aven len shave te pheren e Phuv. Gadia sas te bariaren o paraiso ai sas te avel sa e Phuv tela lengo vast (Génesis 1:28). Chi iek manush nashtil te rimol ai chi te parhavel e Phuv, siempre si te avel o kher le manushengo. Chito Mate 5:5.

 O Adan ai e Eva chi pakiaie o mui le Devlesko ai vo gunisardias len anda o Eden. Gadia, godo shukar sado jasailo ai khonik nashtisardias te anel les pale. Pala godia e Biblia phenel ke e Phuv sas dini andel vast katar le zhene bi lashe (2 Timote 3:13). Chito Génesis 3:23, 24.

 Apo so? Chi mai si te kerel o Del godo so kamelas la lumiake? Ei, si te kerel les, ke leste si sa e putiaria ai shai kerel sa so vo kamel (Isaías 45:18). Andel giesa kai avena o Del si te kerel te avel o traio le manushengo sar vo kamelas de mai anglal. Chito Romanuria 8:21.

 O Jesus, o Amperato anda e Amperetsia le Devleski si te kerel te avel sa e Phuv iek paraiso. Vo ai peske angeluria si te mundaren kal dushmaia le Devleske ande iek mundarimos kai bushol Armagedon. Atunchi o Jesus si te phandavel pe 1.000  borsh le Benges, o angel bi lasho kai phendias le Adanoske ai la Evake te na pakian o mui le Devlesko. O Jesus si te skepil ai si te lel sama le manushen kai si chachimasa le Devlesa. Si te ningerel len te train barikane o traio kai chi mai getol ando Paraiso. Chito Sicharimos (Apokalipsos) 20:1-3; 21:3 4.

 Kana si te ankalavel o Del pa e lumia sa o kino? O Jesus phendias so sas te avel te das po gor kana pashola godia vriama. Sa so si agies pe Phuv shai anel e martia le manushenge ai godo sikavel ke trais andel palune giesa. Chito Mate 24:3, 7-14, 21, 22.

 Andel 1.000 borsh kai amperetsila o Jesus e Phuv anda o cheri, si te lel anda amaro traio sa so kerel amenge te avas po kino (Isaías 9:6, 7; 11:9). Vo chi avela numa Amperato, vi si te avel Baro Rashai ke si te ankalavel le bezeja le manushenge kai kamen le Devles. Gadia o Del, peske Shavesa o Jesus, si te kerel te na mai avel o nasualimos, o phurimos ai e martia. Chito Isaías 33:24; 1 Korintiana 15:26.

 Le manush kai pakian o mui le Devlesko si te train ando Paraiso (1 Iovano 2:17). O Jesus tradias ka peske disipluria te roden manushen kai sas len iek lasho ilo, te sikaven len sar te aven vorta angla le iakha le Devleske. Agies o Jehova sikavel millonuria manushen te shai train ando Paraiso (Mate 5:5). Le manush ai le famili kai zhan andel Khangeria katar le marturia le Jehovaske te luvudin le Devles, sikion sar te aven mai lashe dada, rhom ai rhomnia, ai len o mishtimos katar le lashe viesti kai del e Biblia. Chito Sicharimos (Apokalipsos) 15:4.