Le Devleski lashi vorba kodo si, ke o Del shinadas, ke le manusha butaig trajina pe phuv, thaj chi merena (Salmongi [Zsoltárok] 37:29). E Biblia ande 66 ginadyi tordyol. O Del tele iskiravadas la 40 chache manushenca. O Mozesh iskirindas tele 5 ginadyi angladi 3500 bershenca, o agor o Janosh aposhtoli iskirindas majbut sar 1900 bershenca. Kaske gindura si ande Biblia? O Del pesko duxo das kadale manushenge, te del perdal peski vorba (2Shamueleski 23:2). Le Devleske gindura iskirinde tele, na penge. Anda kado shaj phenas, ke o Del kerdas e Biblia. Dikh: 2Timoteusheske 3:16; 2Peteresko 1:20, 21.

Dikh o filmo: Kon kerdas e Biblia?

Anda kodo, ke sakofelo phenel amenge pe kodola, so avna ande luma. Naj manush, kon kado zhanel te kerel (Jozhueski 23:14). Numa o Del zhanel kodo, so avla le manushenca majdur. Dikh: Izajasheski 42:9; 46:10.

Kadi ginadyi kathar o Del si, anda kado o legmajlasho trubul te avel, thaj e Biblia kasavi si. Pe but shela shiba dine la avri, thaj but milliardura bikinde anda late. Anda kodo ke dulmutanij, nashtig phenas, ke gelastar pashal leste e luma. Kon iskirinde e Biblia, anda vorbate jekh sas. * Andar e Biblia le Devlesko kamipe avel avri. Zhanel te lasharel le manushengo trajo. Ande kadi but milliovura manusha patyande kodo, ke e Biblia le Devleski Vorba si. Dikh: 1Tessalonicko 2:13.

Dikh o filmo: Kathar zhanas, ke ande Biblia chachimo si?

La Bibliaki majbari vorba kodo si, ke o Del lasho kamel le intregi manushenge. Phenel amenge, anda soste xasarde le manusha ando paradichomo kodo, te na trubul te meren. Vi kodo phenel, sar shaj avel pale paradichomo e phuv. Dikh: Viziovongi (Jelenések) 21:4, 5.

Ande le Devleski Vorba krisa, thaj godyaver vorbi si. Ande Biblia shaj dikhas, o Del sar shindas le krisa mashkar le manusha. Kado sikavel, soskoj o chacho Del. Andar e Biblia majfeder pinzharas le Devles. Vi kodo phenel, sar shaj kerdyuvas leske amala. Dikh: Salmongi 19:7, 11; Jakabesko 2:23; 4:8.

Kadala irkasa kade shaj hatyaras e Biblia, sar o Jezush sityardas. Pala soste phendas jekh vorba ande Biblia, vi zhutindas te hatyaren la. Dikh: Lukachesko 24:27, 45.

Naj majlasho kathar kodo, so o Del phenel amenge lashi vorba, andar e Biblia. Si kasave, kon chi kamen te shunen so phenel e Biblia, thaj inke vi opre xolyarel len. Te na mukhas, ke kado te lel amari voja. Lungo trajo te kamas te trajinas, atunchi trubul te pinzharas le Devles. Dikh: Janoshesko 17:3.