О Создателё на шол сама пэ кода, сави кай о мануш нацыя, во камэл, кай всаворэ мануша тэ авэн бахталэ.

О Дэл дя алав лэ Авраамости: «Через тутэ блаӷословинапэ всаворэ еря пэ ԥув» (Бытие 12:3).

Сости амэ сытювас? О Дэл фартэ любий всаворэн, и лэ муршэн, и лэ жувлян, и лэ бэятонэн. И во камэл тэ блаӷословий всаворэ ерен, кай вонэ тэ жувэн бахталэс. Ай важ када трэбуй лэс тэ кандас.

О Создателё полэл и жалуий амэн, и во поможый кодэлэнди, ко камэл май бут тэ уӷанэн пала лэстэ.

О Всемоӷущё дя зор лэ Моисеёсти, кай во тэ терэл барэ чудеса. Но всаек о Моисеё мангэлас лэс: «Мангав тут... дэ манди тэ ӷанав тирэ дрома, важ кода кай мэ камав тэ ӷанав тут» (Исход 33:13). Лэ Дэвлэсти чалеля кода, со мангля о Моисеё, и во поможысардя лэсти май драго тэ уӷанэн и тэ полэл лэс и кода, со во камэл. Например, о Моисеё уӷангля, кай о Дэл «жалуий анда вся оди» (Исход 34:6, 7).

Сости амэ сытювас? О Дэл камэл тэ поможый всаворэнди, и лэ муршэнди, и лэ жувлянди, и лэ бэятонэнди, и всаворэнди, ко камэл май бут тэ уӷанэн пала лэстэ. Андэ Свынто Писания во росԥэнэн, сар амэ трэбуй лэс тэ полас и тэ тэлювас лэсти. Кадяжэ котэ пистромэ, скати лашимос во камэл тэ стерэл важ амэндэ.

Амэ можэм вся и вечность тэ диқас па пэстири жызня, кай о Создателё любий амэн, если ужэ адес ласа тэ уӷанас пала Иисусо и пала кода, со во терэлас и сости сытярэлас.

Анда Свынто Писания можно бут тэ уӷанас пала кода, сар жувэлас о Иисусо и сости сытярэлас. О Дэл дя лэ Иисусости зор тэ терэл чудеса, например тэ исцэлий кодэлэн, ко на диқэл, ко на ашунэл и ко лангал. О Иисусо дажэ рияс каринг и жызня кодэлэн, ко муля. Кадэлэса во сыкадя, со о Дэл стерэла важ всаворэ мануша. О Иисусо росԥэндя, со трэбуй тэ терэл кажно андар мэндэ, кай тэ диқэл, сар о Дэл зритярэла пэско алав: «Кай тэ авэл вечно жызня, трэбуй тэ уӷанэн тут, еқэ чачунэ Дэвлэс, и лэ Иисусос Христос, савэс ту бишалдян» (Иоанна 17:3).

О Иисусо любияс, полэлас и жалуияс лэ манушэн, ай кадяжэ терэлас лэнди лашимос. Каринг лэстэ авэнас разни мануша, мурша и жувля, ԥурэ и тэрнэ. Вонэ приашундёнас каринг лэ Иисусостирэ алава, важ кода кай во ԥэнэнас: «Сытён мандар, важ кода кай мэ на заваздав о шэро и мандэ ковло ди, и тумэнди авэла май вушэро по ди» (Матфея 11:29). Андэ кодэя время и мурша на стонас патив пэ жувля и обжанаспэ лэнца найдраго. Но о Иисусо на андярэлас пэс кадя.

Сости амэ сытювас? О Иисусо фартэ любияс лэ манушэн. Во драго сыкадя амэнди, сар амэ трэбуй тэ андярас пэс ек еқэса.

Андэ Свынто Писания ԥэнэнпэ, кай исин кати ек Дэл, саво создал и люма, ай о Иисус Христос, када лэско сэжо служытелё (1 Коринфянам 8:6). О Иисусо прижанэлас, кай о Дэл май баро лэстар и кай именно о Дэл бишалдя лэс пэ ԥув (Иоанна 11:41, 42; 14:28) *.