Пророчество 1. Землетрясения

«Авэла фартэ тэ тинойпэ и ԥув» (ЛУКИ 21:11).

● И журналисторя, савэ росԥэнэнас пала землетрясения, сави тердяпэ пэ Гаити, ашундэ, кай варико ровэл. Када сас бэята, савяти полтора ӷода и савя ақарэн Винни. Ла вилинэ тала розмардо цэр, вой ашэляпэ жунди, ай латирэ родителя най.

ПАЛА СО ԤЭНЭН КОДА, СО САС? Андо январё андо 2010 бэрш андэ Гаити сас землетрясения 7 баллов. Помулинэ май бут чем триста тысяч мануша. Варикай май набут чем милионо епашэса мануша ашэлэпэ би цэрэнго. Но кацави бари землетрясения сас най ек. Лэ апрелёстар лэ 2009 бэршэстар жы кай о апрелё 2010 бэрш, сас май бут чем восемнацать барэ землетрясении.

СО ԤЭНЭН И МАНУША? Землетрясения на ашэлэ май бут, просто через о интэрнэто и телевидения и радио амэ ашунас пала лэндэ май бут, чем и мануша ашунэнас дэлмут.

КАДА КАДЯ? Погиндон акэ пала со. Андэ Библия на ԥэнэнпэ, скати разоря авэна землетрясении андэ послидни деса. Но андэр латэ пистромэ, кай «андэ ек ҭан и андэ авэр ҭана лэла [фартэ] тэ тинойпэ и ԥув», и када сыкавэла, кай амэ жувас андэ ԥари время (Марка 13:8; Луки 21:11).

СО ГИНДОС ТУ? Исин адес барэ землетрясении, пала савэ ԥэнэнаспэ андэ Библия?

И землетрясении, када най ек, со доԥэнэн, кай амэ жувас андэ послидни деса. Вонэ сыкавэн, кай исполнисайля кати ек пророчество. Шон сама инке пэ авэр пророчество.

[Вставка, страница 4]

«Амэ, и мануша, савэ изучаем и ԥув, ԥэнас кай кацавэ землетрясении фартэ барэ. Ай авэр мануша ԥэнэн пэ када страшнимос». (КЕНО ХАДНАТО, ГЕОЛОГИЧЕСКО СЛУЖБА АНДЭ США).

[Сведения важ и картинка, страница 4]

© William Daniels/Panos Pictures