3 ӶЛАВА

Можно тэ патяс кодэлэсти, со пистромэ андэ Библия?

ВОСПРОИЗВЕСТИ

Андэ Библия запистромэ пала лашимос, саво авэла англэ и советоря важ и жызня. Фартэ бут мануша патян кодэлэсти, со пистромэ андэ Библия и лати исин васо тэ патяс. Можэт и ту камэс тэ уӷанэс, со ԥэнэнпэ андэ Библия. Но важ кода кай вой фартэ дэлмутни на ӷанэс, можно тэ патяс лати чи най. Уӷанам пала Библия май бут.

1. Кода, со запистромэ андэ Библия, када чачимос или када вигиндосардэ и мануша?

Андэ Библия запистромэ «чачунэ алава» (Экклезиаст 12:10). Андэр латэ росԥэнэнпэ, со сас па чачимастэ дэсавэ манушэнца, савэ варикала жувэнас. (Адиносар Луки 1:3; 3:1, 2.) Бут учони и археолоӷоря (када и мануша, савэ родэн, со дэлмут пашлёл андэ ԥув) ԥэнэн, кай кода, со запистромэ андэ Библия пала варисави время, или кода, со сас лэ манушэнца, или пала варисавэ ҭана, када найхохаимос, када сас па чачимастэ.

2. И Библия пистросардэ дэлмут, тоди васо лати можно тэ патяс?

Кала пистронас и Библия, и мануша гиндонас, кай кода, со андэр латэ пистромэ пала наука, када нэправильно. Но прожыля время и учони мануша полинэ, кай кода, со пистромэ андэ Библия сжалпэ кодэлэса, со ԥэнэн и наука. Андэ Библия сас запистромэ пала кода, пала со и мануша инке на ӷанэнас. Андэ Библия пистромэ, кай всаворэ латирэ алава «пэ вся и время» (Псалом 111:8).

3. Васо можно тэ патяс кодэлэсти, со запистромэ андэ Библия пала кода, со авэла англэ?

Андэ Библия запистромэ пророчества a «пала кода, со [о Дэл] инке» стерэла (Исаия 46:10). Андэр латэ дэлмут сас запистромэ кода, со авэла англэ. Андэ амари время вся жал кадяжэ, сар сас запистромэ андэ Библия. Анда кадэя ӷлава амэ уӷанаса пала дэсавэ пророчества. Вонэ исполняюца кадя, сар и ԥэнэнаспэ андэ Библия.

УӶАНАМ МАЙ БУТ

Андэ кадэя ӷлава амэ подаса дума, васо кода, со акана ԥэнэн и учони сжалпэ кодэлэса, со пистромэ андэ Библия. Кадяжэ уӷанам пала дэсавэ пророчества анда Библия.

4. Кода, со ԥэнэн и учони мануша сжалпэ кодэлэса, со ԥэнэнпэ андэ Библия

Андэ дэлмутни время гиндонас, кай и ԥув пэ варисо ритярдёлпэ. Диқам о ВИДЕО.

ВИДЕО: «И ԥув ни пэр со на ритярдёлпэ» (1:13)

Диқам, со сас пистромэ андэ книӷа Иов 3500 бэрш палпалэ. Адиносарам Иов 26:7 и подам дума пала кадэва вопросо.

Васо дэлмут лэ манушэнди на патяласпэ, кай и ԥув ни пэр со на амбладёлпэ?

Варикай 200 бэрш палпалэ и мануша полинэ, васо никала пэ ԥув на кончийпэ о паи. Ԥабарэл о қам и о паи татёл андэ моря. Ваздэлпэ паро и через када терэлпэ туча, тоди жал брышын и о паи рийпэ палпалэ андэ моря. Но со сас пистромэ пала када андэ Библия 3500 бэрш палпалэ? Адиносарам Иов 36:27, 28 и подам дума пала кадэла вопросоря.

Со тути чалёл андэ кадэва стихо?
Лян ту май фартэ тэ патяс ла Библияти посли кода, сар проадиносардян кадэла стихоря?

5. Андэ Библия сас пистромэ пала кода, со авэла англэ

Адиносарам Исаия 44:27—45:2 и подам дума пала кадэва вопросо.

Со сас запистромэ 200 бэрш палпалэ жы каринг кода, сар тэ захутилэн о форо Вавилоно?

Диқам о ВИДЕО.

ВИДЕО: «Андэ Библия дэлмут сас пистромэ, кай захутилэна о Вавилоно» (0:58)

Кода, со ашэля анда Вавилоно, доԥэнэн, кай о персицко царё Киро пэстирэ воинонэнца захутилдя о форо. Када сас андо 539 бэрш жы кай о Иисус Христос b. Вонэ стердэ кадя, кай о паи, саво фэрияс о форо, тэ жал андэ авэр риг. Тоди вонэ зажылэ через и вороты, савэ сас ԥэрнадэ, и захутилдэ о форо би ла войнако. Посли кода ужэ прожыля 2500 бэрш, ай о Вавилоно идоси розвалимэ. Диқэн, со пала када сас пистромэ андэ Библия.

Адиносарам Исаия 13:19, 20 и подам дума пала када.

Сар исполнисайля кадэва пророчество?

Андэ страна Ирако находийпэ о розвалимэ форо Вавилоно

6. Андэ Библия дэлмут сас пистромэ пала кода, со терэлпэ акана

Андэ Библия пистромэ, кай и время, андэ сави амэ жувас, када «послидни деса» (2 Тимофею 3:1). Дик, со пала лэндэ пистромэ андэ Библия.

Адиносарам Матфея 24:6, 7 и подам дума пала кадэва вопросо.

Со пистромэ андэ Библия пала послидни деса?

Адиносарам 2 Тимофею 3:1—5 и подам дума пала кадэла вопросоря.

Со пистромэ андэ Библия пала кода, савэ ашэна и мануша андэ послидни деса?
Со анда када па тирятэ исин кай и мануша адес?

ТУТИ ВАРИКО МОЖЭТ ТЭ ԤЭНЭН: «Кода, со пистромэ андэ Библия, када найчачимос».

Со анда Библия доԥэнэн, кай ту лати можэш тэ патяс?

ПАЛА СО АМЭ ДЯМ ДУМА?

Андэ кадэя ӷлава амэ уӷанглям, кай кода, со ԥэнэн и учони кода, со сас дэлмут, ай кадяжэ и пророчества, савэ исполнисайлэ, доԥэнэн, кай кодэлэсти, со пистромэ андэ Библия, можно тэ патяс.