УРОКО 13
Сар о Дэл диқэл пэ веры?
1. Можэм амэ тэ ԥэнас, кай всаворэ веры лашэ?
И лашэ мануша исин андэ всаворэ веры. И сар дэ драго, кай о Дэл диқэл кацавэ манушэн и камэл тэ поможый лэнди. Но вижыля кадя, кай бут время через и веры терэласпэ найлашимос (2 Коринфянам 4:3, 4; 11:13—15). Адес амэ часто ашунас, кай дэсавэ веры подритярэн и войны и бут авэр найлашимос, саво терэн лэ манушэнди. Дэсавэ дажэ терэн билажавардимос лэ бэятонэнца. Сар жэ кадэлэстар найдраго по ди кай и мануша, савэ па чачимастэ патян андо Дэл! (Адиносар Матфея 24:3—5, 11, 12.)
И чачуни вера прославляет лэ Дэвлэс, ай и хохавни лажаварэл лэс. Вой сытярэл кодэлэсти, со нинай андэ Библия. Кадяжэ вой росԥэнэн о хохаимос пала Дэл и пала кода, со терэлпэ посли смэрть. Но о Иегова камэл, кай и мануша тэ ӷанэн о чачимос пала лэстэ. (Адиносар Иезекииль 18:4; 1 Тимофею 2:3—5.)
2. Сар о Дэл диқэл пэ веры?
Драго, кай нико нэ можэт тэ обдилярэл лэ Дэвлэс. Во диқэл, кала и мануша притерэнпэ, кай любин лэс, но па чачимастэ любин лэ Сатанастири люма (Иакова 4:4). Андэ Библия пэ всаворэ хохавнэ веры ԥэнэнпэ «Вавилоно Велико». О Вавилоно, када сас дэлмутно форо, анда саво посли Потопо жыля и хохавни вера. Йто о Дэл, кала нико на аштярэл, сындоя всаворэ веры, савэ хохавэн и тасавэн пэ мануша. (Адиносар Откровение 17:1, 2, 5, 16, 17; 18:8).
Исин инке ек лащи новость. О Иегова на бистэрдя пала лашэ мануша, савэ андэ хохавнэ веры. Во ақарэл кацавэ манушэн тэ пашон каринг лэстэ и сытярэл лэн лэ чачимасти. (Адиносар Михей 4:2, 5.)
3. Со трэбуй тэ терэн и мануша, савэндэ лашо ди?
И чачуни вера стидэл лэ манушэн сар еқэ ерес
О Иегова цэний лэ манушэн, савэ любин о чачимос и о лашимос. Во ԥэнэн лэнди тэ ашавэн и хохавнэ веры. Кодэла, ко любин лэ Дэвлэс, камэн тэ парудён, кай лэс тэ радуин. (Адиносар Откровение 18:4.)
Андэ пэрво вико и мануша, савэндэ лашо ди, ашундэ и лащи новость, сави росԥэнэнас лэ Иисусостирэ апостолоря, и всаворэ одеса ла прилинэ. Вонэ линэ тэ жувэн кадя, сар чалёл лэ Дэвлэсти. Кадяжэ вонэ полинэ васо жувэн и линэ тэ аштярэн о лашимос англэ. Амэ можэм бутэсти тэ сытювас кай кадэла христианоря. Вонэ линэ тэ терэн кадя, сар ԥэндя о Иисусо, и о Иегова ашэля лэндэ пэ пэрво ҭан андэ жызня. (Адиносар 1 Фессалоникийцам 1:8, 9; 2:13.)
О Иегова ақарэл андэ пэско ери кодэлэн, ко ашавэл и хохавни вера. Если ту лэса тэ кандэс лэс, тоди ту сможэш тэ ашэс лэстирэ друӷоса, тэ виарақэс бутэ друӷонэн машкар лэско народо и англэ тутэ авэла вечно жызня. (Адиносар Марка 10:29, 30; 2 Коринфянам 6:17, 18.)
4. Со стерэла о Дэл, кай лэ манушэнди тэ авэл драго по ди?
Йто о Дэл сындоя и хохавнэ веры. Кадэлэстар всаворэ манушэнди авэла драго по ди, важ кода кай нико на тасавэла пэр лэндэ. И хохавнэ веры будэр никала на лэна тэ дилярэн и тэ розделин лэ манушэн. Всаворэ мануша лэна тэ тэлён еқэ чачунэ Дэвлэсти, сар ек ери. (Адиносар Откровение 18:20, 21; 21:3, 4.)
