LECȚIA 50
Sar daștil te avel-tu iech familia fericime? (Partea 2)
Le șiave si iech daro catar o Iehova. Vo ajucărel le dadendar te len sama mișto catar cado daro. Anda codoia, o Iehova del le daden sfaturi goghiaver. Lesche sfaturi ajutin vi le șiaven te anen bucuria andi familia.
1. So sfaturi del o Iehova le daden?
O Iehova camel ca le dada te iubin penghe șiaven hai te cheren penghe chichi mai but timpo anda lende. Mai but, vo camel ca le dada te ferin penghe șiaven catar le buchia nasul hai te sicaven-le cadea sar phenel i Biblia. (Proverbe 1:8) Vo phenel le dadenghe: „Bariaren-le [tumare șiaven] . . . ando sicaimos le Iehovasco”. (Citisaren Efeseni 6:4.) O Iehova bucuril-pe cana le dada bariaren penghe șiaven sar phenel vo hai ci mechen ca aver te cheren cadai buchi.
2. So sfaturi del o Iehova le șiaven?
O Iehova phenel le șiavenghe: „Așunen tumare dadendar”. (Citisaren Coloseni 3:20.) Cana le șiave sicaven pachiv penghe dadenghe hai așunen lendar, von bucurin na numai penghe daden, tha vi o ilo le Iehovasco. (Proverbe 23:22-25) O Isus mechlea iech lașio exemplo cana sas șiavorro. Chiar dacă sas perfecto, vo așundea pesche dadendar hai dea-le pachiv. (Luca 2:51, 52)
3. Sar daștin te pașion le Devlestar sar familia?
Dacă si tut șiave, cames zurales but ca von te iubin le Iehovas cadea de but sar iubis-les tu. Sar daștis te ajutis-le te cheren cadaia? Dacă cheres sar phenel i Biblia: „Te șios-le ande chire șiavenghi goghi hai te des duma anda lende cana san chăre, cana phires po drom, cana șios-tu te soves hai cana uștes”. (Deuteronomo 6:7) Le dada jianen că trebul te phenen butivar le șiavenghe iech buchi caște așel ande lenghi goghi. Anda codoia, o verseto phenel că trebul te rodes sea o timpo te des duma che șiavența anda o Iehova. Sar exemplo, si mișto te cheren tumenghe timpo ande fiesavo curco te sichion andai Biblia ande iech than, sar familia. Chiar cana ci si tumen șiave, țârden but miștimata dacă cheren tumenghe timpo ande fiesavo curco te sichion anda o Cuvânto le Devlesco.
HACHIAR MAI MIȘTO
Va avela te diches chichiva lașe sfaturi cai ajutin i familia te avel fericime hai andi siguranța.
4. Sicav che șiaven pherdo iubirea
Poiechdata si pharo te sicaves che șiaves. Sar daștil te ajutil-tu i Biblia? Citisaren Iacov 1:19, 20 hai pala codoia den duma:
-
Sar daștin le dada te sicaven iubirea cana den duma penghe șiavența?
-
Sostar le dada ci trebun te ortosaren penghe șiaves cana sile holiarde? a
5. Ferisar che șiaven
Caște feris che șiaven si zurales importanto te des duma lența anda i sexualitatea, chiar cana si tuche lajiav. Dichen o MATERIALO VIDEO hai pala codoia den duma:
-
Sostar si pharo poiechdata ca le dada te den duma penghe șiavența anda i sexualitatea?
-
Sar daisarde chichiva dada te den duma penghe șiavența anda i sexualitatea?
Cadea sar phendea de mai anglal i Biblia, i lumea le Satanoschi cărdiol sea mai nasul. Citisaren 2 Timotei 3:1, 13 hai pala codoia den duma:
-
O verseto 13 del duma anda le manușa nasul. Mașcar cadala si manușa cai încăren relații sexualo le șiavența hai cadea cheren lenghe but nasul. Cadea că, sostar si importanto ca le dada te den duma le șiavența anda o sexo hai te sicaven-le te ferin-pe codolendar cai camen te cheren lenghe nasul?
Jianglean că?
Le Martori le Iehovasche cheren but materialea cai ajutin le daden te sicaven penghe șiaven anda o sexo hai te ferin-le codole manușendar nasul cai camen te cheren sexo lența. Ita chichiva exemplea:
6. Sicaven pachiv tumare dadenghe
Le șiave hai le tărne daștin te sicaven pachiv penghe dadenghe prin o modo sar den duma. Dichen o MATERIALO VIDEO hai pala codoia den duma:
-
Sostar si importanto ca iech tărno te sicavel pachiv pesche dadenghe cana del duma lența?
-
Sar daștil iech tărno te sicavel pachiv pesche dadenghe prin o modo sar del duma lența?
Citisaren Proverbe 1:8 hai pala codoia den duma:
-
So trebul te cherel iech tărno cana lesche dada den-les sfaturi?
7. Anen închinarea le Iehovasche sar familia
Le familii cai sile Martori le Iehovasche cheren penghe timpo ande fiesavo curco te anen închinarea le Iehovasche ande iech than. So daștin te cheren ca i închinarea andi familia? Dichen o MATERIALO VIDEO hai pala codoia den duma:
-
So daștil te cherel iech familia caște încărel i închinarea andi familia ande fiesavo curco?
-
So daștin te cheren le dada ca i închinarea andi familia te avel șucar hai te ajutil-le? (Dich i maginea catar astarel i lecția.)
-
Sostar poiechdata ci si ușoro anda tumende te sichion ande iech than andai Biblia, sar familia?
Ando purano Israelo, o Iehova camlea ca le familii te den duma andai Biblia ande fiesavo curco. Citisaren Deuteronomo 6:6, 7 hai pala codoia den duma:
-
Sar daștin te cheren vi tumen sa cadea?
Tumen so daștin te cheren ca i închinarea andi familia:
-
Pregătin tumen anda le întruniri la congregațiache.
-
Citin hai den duma anda iech relatarea biblico cai placial savorenghe.
-
Dacă si tumen țâne șiave, descărchin hai tipărin activități anda le șiave pa jw.org.
-
Dacă si tumen bare șiave, dichen ande iech than iech articolo pa jw.org cai si anda le tărne.
-
Cana citisaren iech relatarea biblico, gândisaren tumen că san le manușa de cothar hai șion tumen ande lengo than.
-
Dichen hai den duma anda iech materialo video pa jw.org.
UNII MANUȘA PHENEN: „I Biblia si prea phari anda le șiave caște hachiaren-la”.
-
So pheneias lenghe?
SO SICHILEAM
O Iehova camel ca le dada te iubin, te sicaven hai te ferin penghe șiaven; ca le șiave te den pachiv penghe dadenghe hai te așunen lendar; hai ca le familii te anen lesche închinarea ande iech than.
So dichleam
-
Sar daștin le dada te sicaven hai te ferin penghe șiaven?
-
Sar daștin le șiave te den pachiv penghe dadenghe?
-
So miștimata va avela la familia cana savore cheren penghe timpo ande fiesavo curco te încăren i închinarea andi familia?
RODE MAI BUT
So buchia daștin te ajutin che șiaves cana va bariola?
So sfaturi lașe del i Biblia codolenghe cai len sama penghe phure dadendar?
„So phenel i Biblia anda sar te las sama amare phure dadendar?” (Articolo pa amaro site-o)
Va avela te diches sar arăslea iech murș te avel iech lașio dad, chiar cana mai anglal ci jianglea sar te bariarel pesche șiaven.
Va avela te diches sar daștin le dada te aven-le iech amalimos chidino penghe șiavența.
„Sar daștin le dada te așen pașa penghe șiave?” (O Turno de veghe, 1 noiembria 2011)
a Cana i Biblia phenel că le dada trebun te „ortosaren” penghe șiaven, camel te phenel că le dada trebun te sicaven-le sar te phiraven-pe ande sea. Cana cheren cadaia, le dada ci trebun te phiraven-pe jiungales sau ratavales lența niciechdata. (Proverbe 4:1)
Poate că fal-tu
PUȘIMATA ȘIUTINE BUTIVAR
So si o studio biblico le Martorența le Iehovasche?
Ande cado studio biblico gratuime le Martorența le Iehovasche, daștis te folosis orisavi Biblia cames. Daștis te achares ca o studio sea chi familia sau oricas cames.
