KU SUNGULA MABULU
DONDZRO 3
Wunene
Nsinya wa nawu: “A lizrandzru dzri ni . . . wunene.”—1 Kor. 13:4.
Leswi Yesu A Swi Yentxiki
1. Hlalela VHIDIYU, kumbe u dondzra Yohane 9:1-7, u gama u hlamula swivutiso leswi landzrelaka:
-
I yini leswi Yesu a swi yentxiki ku sungula—xana a dahe matihlo wanuna lwiyani kumbe a sungule hi ku mu byela madzrungula lamanene?—Vona Yohane 9:35-38.
-
Ha yini u yanakanya leswaku xingheniso xa Yesu xi yentxi wanuna lwiyani a djula ku yingiseta madzrungula lamanene?
Hi Dondzra Yini Ka Xikombiso Xa Yesu?
2. Vhanu va ta djula ku yingiseta dzrungula dzrezru loko va vona leswaku ha zron’weka ha vone.
Yetisela Yesu
3. Va twele. Tibeke a mbangwini wavu.
-
Tivutise: ‘A vilelisiwa ha yini? I yini leswi a swi ta mu pfuna kumbe ku mu khumba?’ Ku yanakanya hi leswo swi ta ku pfuna ku mu komba wunene hi ndlela ya ntumbuluku na swi sukela mbilwini.
-
Kombisa leswaku wa zron’weka hi leswi khumbaka mhunu lweyi u bulaka na yene. Loko a ku byela ndlela leyi a titwaka ha yone kumbe swikazratu leswi a nga na swone u nga txintxe bulu.
4. Vulavula hi ndlela leyinene ni hi xitxhavu. Loko hi ni timpswalu nakone hi djula ku pfuna vhanu, swi ta tikomba hi ndlela leyi hi vulavulaka ha yone. I swinene ku hlawula ha hombe mazritu ni ku pimela mpfumawulo wa wone. Handle ka leswo, tivonele ku vulavula mazritu lama nga va khunguvanyisaka.
5. Tibekisele ku va pfuna. Swi yentxi hi wunyaminyami, kambisisa tindlela leti u nga va pfunaka ha tone. A swiyentxo swa wunene swi nga pfula tindlela ta kuva u sungula mabulu.
