Im-him. Bibele dzri hlaya leswaku hi fanela ku khongota ka Xikwembu Nkulukumba ntsena, hi vito dzra Yesu. Yesu a va byele leswi vadondzrisiwa vake: ‘Hi leswo ke n’wi fanela ku khongotisa xileswi: Tatana wezru lweyi a nga matilweni, a vito dzra a dzri hlawuliwe.’ (Matewu 6:9, Bibele Dra Kuxwenga) Yesu a nga zanga a byela vadondzrisiwa vake ku khongota ka vasantu, ka tintsrumi kumbe ka ntxhumu wun’wana, loko ku nge ka Xikwembu Nkulukumba.

Yesu a tlhele a va byela leswi valandzreli vake: ‘Hi mi ndlela, ni xihlayelamfuzri ni vutomi. A ku na mhunu lwa taka ku Tatana loko ku nge ha mine.’ (Yohan 14:6) Ko va Yesu ntsena lweyi a pfumeleliwiki ku va ndlela ya ku va hi ya ka Xikwembu Nkulukumba.—Ba-Heberu 7:25.

Xana swi li yini loko ni khongota ka Xikwembu Nkulukumba ni ka vasantu?

Nawu wun’we ka leya 10, wu li: “Mine HOSI, Xikwembu Nkulukumba waku, ni Xikwembu Nkulukumba wa xikwele.” (Eksoda 20:5, New American Bible, Revised Edition) Xana Xikwembu Nkulukumba a ni “xikwele” hi ndlela yini? Ntlhamuxelo wa le hansi wa Bibele dzra New American Bible, wu hlaya leswaku a “djula kuva ku gandzreliwa yene ntsena.” Xikwembu Nkulukumba a djula leswaku hinkwaswu leswi fambisanaka ni wugandzreli—ku patsra ni xikhongoto—swi ya kwake ntsena.—Ezaya 48:11.

Hi va na hi khunguvanyisa Xikwembu Nkulukumba loko hi khongota ka mhunu mumbeni, nambi ka vasantu kumbe tintsrumi. Loko mupostola Yohan a dzringise ku gandzrela ntsrumi ya kukazri, yone yi mu sivelile yi ku: ‘Tivone, u nga swi yentxe; ndzri nandzrakuloni, ni wa vamakwenu lava nga ni vumboni bya Yesu. Khinsamela Xikwembu Nkulukumba, hikusa a vumboni bya Yesu hi moya wa vuprofeta.’—Apfuletelo 19:10.