RESÖN 3
Teka iạ Rog Heg Aier ‘on ‘Ạitu?
1. Sei ta ‘On‘on Puk Ha‘ Heta?
Rog heg ta hün se famori ‘oris la poag ne maür se ‘es gata‘aga ‘e rȧnte‘ fȧ‘ ‘e laloag ne Puk Ha‘ heta. (Salamo 37:29) Puk Ha‘ heta reem ‘e puk mea‘mea‘ 66. ‘Ạitu a‘esav‘ȧk fa 40 ne huạg aire la fạ‘ia. Mosese ta fạ‘ia puk liạm mumuạ ‘e fạu 3,500 ne ofiofua. Ka apostol ta Jone ta fạ‘ia puk fakmür ta, sir ‘e fau 1,900 ne ofiofua. Ka iris ne fạ‘ia Puk Ha‘ heta rak‘ạkia a‘hae ‘on sei? ‘Ạitu a‘esav‘ạkia ‘on ‘at ha‘a la haisok‘ạkigen ‘on a‘häe se iris ne fạ‘ia Puk Ha‘ heta. (2 Samuela 23:2) Iris fạ‘ia a‘häe ‘on ‘Ạitu, ka ‘eake ‘oris a‘häe. Ma Jihova iạ ta ‘on‘on Puk Ha‘ heta.—Hat 2 Timoti 3:16; 2 Pita 1:20, 21.
2. ‘Is la ‘inea tapen ne Puk Ha‘ heta ia aier?
‘Is ‘inea ne Puk Ha‘ heta iạ puk aier ‘on ‘Ạitu po ‘e iạ rak‘ȧk noj pạu te ne täla sok ‘e avat ‘ut‘utum ‘og. Kat ‘es ra ta famorit la pola re te ta‘ag. (Josua 23:14) ‘Ạit Purer ta iạ ‘esea ta pola ‘inea a‘nonojoa tē ne täla sok se famori ‘e avat ‘ut‘utum ‘og.—Hat Aisea 42:9; 46:10.
‘Is ‘inea ne puk het ne leum ‘e ‘Ạitu kat ‘es a‘tatạu‘ạkiget ra, ma iạ fak ma sin. Piliön his ‘atakoa ‘e Puk Ha‘ heta fuạp‘ȧk vạhia ‘e fäeag tarạu his ‘atakoa. Puk Ha‘ heta puk ne roa pạu het ka ‘amn‘ȧk ‘eseat ma, ma te fak saintisi aier‘ạki. Tape‘ma tē ne fa 40 fạ‘i ‘amnȧk ‘esea ma. * Hoi‘ȧk, Puk Ha‘ heta rak‘ạkia hanis fumou aier ‘on ‘Ạitu ma iạ ‘es ne‘ne‘ ma kikia la jenea ma a‘leleia mȧür ‘on famori. Famör miliön his aier‘ȧk te ne fạ‘i, ne Puk Ha‘ heta iạ Faeag aier ‘on ‘Ạitu.—Hat 1 Tesalonaika 2:13.
3. Tes ta ‘e Puk Ha‘ heta?
Puk Ha‘a fäeag a‘ti‘ se rog heg ‘on ‘Ạitu ‘e reko ‘on ‘amnạki se ‘is famori. Ut ne Puku kel‘ȧk ạlạlum‘ạkiạg ‘on famori ‘e ‘oris la noh mạurit ‘e parataisit te rante‘, ne mao ‘e kamatag ‘on famori ‘e rogrog ne ava, ma ‘on la hö‘ȧk hoi‘ạkim ne paratạiạs ta.—Hat Kel‘ȧk Tē 21:4, 5.
Puk Ha‘ heta ma ‘on foh, puer‘ȧk te, ka ma ‘on fäeag muạ‘ạkiạg. Ma hoi‘ȧk, Puk Ha‘ heta fȧ‘ te ne ‘Ạitu re se famör ‘e ‘on mumua—rogrog ne ava kel‘ạkia ag hanis ‘on ‘Ạitu. Tape‘ma, Puk ha‘ heta po sema la hạiasoagan ‘äe la ‘inea ‘Ạitu. Iạ sui‘ạkia ‘ou la pola kạumane‘agat ma iạ.—Hat Salamo 19:7, 11; Jemesa 2:23; 4:8.
4. ‘Äe la ‘inea tapen Puk Ha‘ heta?
Puk hete‘ la hạiasoag ‘äe la ‘inea Puk Ha‘ heta ‘e ‘ou a‘esav‘ạkiạg ne sal ‘eseat ne Jisu garue‘ạki. Iạ kel‘ạkia ut ne pukut ma ut ne pukut ma “sui‘ạkia ‘on fuạga.”—Hat Luke 24:27, 45.
Te he his, helav la fakse rog heg ‘on ‘Ạitu. Ka, famör ‘e ‘on rerege ‘oris räe kat fakra sin, ma iris ne tore kat ‘oaf ra la a‘fại. ‘Se huạg ‘af‘af. ‘Ou ‘airöt‘ạkiget se mȧür se ‘es a‘ofiget, täe kikia ‘e ‘ou la ‘ineag ne ‘Ạitu.—Hat Jone 17:3.
^ ‘Io se puk hete‘ A Book for All People.
