Zaburi 31:1-24
Ku mukuru w’abaririmvyi. Ni zaburi ya Dawidi.
31 Ewe Yehova, ni wewe nahungiyeko+.
Ese ntokwigera maramara+!
Nundokore kubera ubugororotsi bwawe+.
2 Nuntege ugutwi*.
Nunyaruke untabare+.
Numbere umusozi mpungirako,ikibanza gikomeye co kunkingira+.
3 Kuko uri urutare rwanje n’igihome canje gikomeye+.Uzonja imbere unyobore ku bw’izina ryawe+.
4 Uzonkura mu rusenga banteze mu mpisho+,kuko uri igihome canje gikomeye+.
5 Impwemu yanje ndayishize mu maboko yawe+.
Warancunguye, ewe Yehova Mana y’ubwizigirwa*+.
6 Ndanka abasenga ibigirwamana bitagira akamaro, bitagira mvura.Ariko jewe nizigira Yehova.
7 Nzohimbarwa cane n’urukundo* rwawe,kuko wabonye amagorwa yanje+.Urazi intuntu ikomeye mfise.
8 Ntiwantanze mu kuboko kw’umwansi,ahubwo umpagarika ahantu hatagira inkomanzi*.
9 Ewe Yehova, nungirire ubuntu kuko ngeze habi.
Amaso yanje yaregeye kubera intuntu+, mbere n’umubiri wanje wose+.
10 Ubuzima bwanje burangiriye mu mubabaro+,kandi imyaka yanje ndayimariye mu miniho+.
Utuguvu twaheze kubera ikosa ryanje.Amagufa yanje yareganutse+.
11 Abansi banje bose baransuzugura+,na canecane ababanyi banje.
Abo twari tuzinanye barantinya.Iyo bambonye hanze baca bampunga+.
12 Narafuditse mu mitima* yabo, baranyibagiye nk’aho umengo narapfuye.Meze nk’umubindi umenetse.
13 Narumvise ibibi vyinshi abantu bamvugako.Nkikujwe n’ibintu biteye ubwoba+.
Bakoranira hamwe kugira bandwanye,bagategura imigambi yo kunyica+.
14 Ariko ni wewe nizigiye, ewe Yehova+!
Nguma mvuga nti: «Uri Imana yanje+.»
15 Ubuzima bwanje buri mu maboko yawe.
Nundokore mu maboko y’abansi banje n’abampama+.
16 Nundabe ryiza* jewe umusavyi wawe+,
unkize kubera urukundo* rwawe.
17 Ewe Yehova, ese ntomaramara igihe ndagutabaje+.
Ahubwo ababisha nibamaramare+,bamanuke mu kuzimu ntibasubire gukurako umunwa+.
18 Iminwa ivuga ikinyoma nizibe+,iminwa ivuga nabi umugororotsi ibigiranye amanyama, ubwibone n’akagaye.
19 Ese ingene ubuntu* bwawe ari bwinshi+!
Ivyiza ubikiye abagutinya ni vyinshi+,kandi warerekanye imbere y’abantu bose ko ugirira neza abaguhungirako+.
20 Uzobanyegeza hafi yawe+,ubarinde abantu bafise imigambi mibi.Uzobahisha mw’ihema ryawe,kure y’abantu babavuga nabi*+.
21 Yehova nashemezwe,kuko yanyeretse urukundo* rwiwe mu buryo butangaje+ mu gisagara cugarijwe n’abansi+.
22 Igihe nari nataye umutwe, navuze nti:
«Ngira mpfire mu maso yawe+.»
Ariko warumvise amaborogo yanje igihe nagutabaza+.
23 Nimukunde Yehova, mwese intahemuka ziwe+!
Yehova akingira abizigirwa+,ariko abishira hejuru bose arabahana akabahasha+.
24 Nimugire umutima rugabo kandi mukomere+,mwese abarindiriye Yehova+!
Utujambo tw'epfo
^ Canke «niwuname unyumvirize.»
^ Canke «Mana y’ukuri.»
^ Canke «urukundo rudahemuka (rudahera).»
^ Canke «ahantu hagutse.»
^ Canke «mu bwenge.»
^ Mu giheburayo havuga ngo «nutume mu maso hawe hamurikira.»
^ Canke «urukundo rudahemuka (rudahera).»
^ Canke «ukumera neza.»
^ Mu giheburayo havuga ngo «kure yo gutongana kw’indimi.»
^ Canke «urukundo rudahemuka (rudahera).»
