Nugaragaze urukundo
Ingorane
Ivyo kwinuba abandi ntibihera bukwi na bukwi. Kurya nyene bifata umwanya n’akigoro kugira dukire umugera, ni ko bisaba umwanya n’akigoro kugira ukwinubana kuduheremwo. None wokora iki kugira wikuremwo ukwinubana?
Ico Bibiliya ivuga
“Mwambare urukundo, kuko urukundo ari umugozi utagira akanenge wunga ubumwe.”—ABAKOLOSAYI 3:14.
Bisobanura iki? Gukorera abandi ibikorwa biranga ubuntu bituma mwunga ubumwe. Uko urushiriza gukunda abandi ni ko ugenda urareka kubinuba. Uko urwo ukunda abandi rubandanya gukomera ni ko urwanko rubura ikibanza mu mutima wawe.
Ico wokora
Niwiyumvire ibintu bitandukanye wokora kugira ugaragaze ko ukunda abo mu mugwi ushobora kuba warigeze kwishiramwo nabi. Si ngombwa ngo ukore ibintu bihanitse. Nugerageze kimwe canke ibirenga muri ibi bikurikira:
Akantu kose ukora ubitumwe n’urukundo kazotuma ugenda uraheba kwinubana
Nugaragarize imico myiza abo muri uyo murwi mu kubugururira umuryango canke mu guhebera ikibanza umwe muri bo igihe mwipakije muri bisi.
Nugerageze kubayagisha gatoyi naho nyene batoba bazi neza ururimi uvuga.
Niwihangane igihe bakoze ibintu mu buryo udatahura.
Niwerekane ko ubitayeho iyo bariko baravuga ibijanye n’ingorane zabo.
Raba kandi
BE MASO!
Ivyogufasha kubana amahoro n’abandi
Ni ingeso nziza izihe zodufasha kubana amahoro n’abandi?
