IBIHUGU N’ABABIBAMWO
Tuje muri Irlande
IRLANDE igizwe n’ibihugu bibiri: kinini muri vyo ni Republika yigenga ya Irlande, gitoyi na co ni Irlande ya Ruguru iri mu bihugu bigize akarere kitwa Royaume-Uni.
La Chaussée des Géants
Irlande bayita “Izinga ry’akabuye ka emerode” kubera imvura nyinshi igwayo igatuma hatotahara cane ku buryo hasa n’ibuye ry’agaciro ry’urwatsi rutoto ryitwa emerode. Ibiyaga n’inzuzi biryoheye ijisho, imisozi yo ku nkengera y’ibahari be n’imirambi yaho na vyo nyene birongereza ku bwiza bwaho.
Inzu isakaje ivyatsi
Abanya-Irlande baraciye mu magume menshi. Nk’akarorero, bamwe bavuga ko kuva mu 1845 gushika mu 1851, abantu nk’umuliyoni bishwe na kigoyi be n’indwara igihe indwara y’ibiterwa yahonya ibiraya. Kugira bahunge ubwo bukene butagira izina, benshi baciye bimukira mu bindi bihugu nko mu Bwongereza, muri Kanada, muri Leta Zunze Ubumwe za Amerika no muri Ostraliya. Muri iki gihe, hari Abanyamerika nk’imiliyoni 35 bavuga ko bakomoka muri Irlande.
Abanya-Irlande barazwi ko ari abantu b’umutima mwiza kandi b’abakiranyi. Mu kwisamaza, barakunda kugendera ku mafarasi no gukina inkino z’umugwi nk’urwitwa cricket, urwitwa rugby, umupira w’amaguru usanzwe n’urundi rukino rugomba kumera nk’umupira w’amaguru rwitwa football gaélique. Abagore baho bakunda canecane urukino rumeze nka hockey rwitwa camogie.
Abantu bo muri Irlande barahimbarwa no kuyaga, bagakunda n’umuziki. Intambo yabo yitwa step dancing irazwi cane mu makungu. Mu kuyitamba, igice co haruguru c’umutumba kiguma gishinze, bakaza baratambisha ibirenge banyarutsa kandi bajana badahusha.
Umugwi w’abacuraranzi bo muri Irlande
Ivyabona vya Yehova baramaze imyaka irenga ijana muri Irlande. Ubu Ivyabona vya Yehova barenga 6.000 ni bo babayo, bakaba bakora igikorwa co kwigisha abandi Bibiliya.
Umuziki kavukire wo muri Irlande ukoresha ibicurarangisho bitandukanye nk’ivyo vyerekanywe aho haruguru, uva ibubamfu uja iburyo: inanga yitwa harpe celtique, imyironge y’isaho yo muri Irlande, indonongo y’ikizungu yitwa violon, ikinanda, ifirimbi y’intoboro zitandatu be n’ingoma
WARI UBIZI?
Inzira yitwa La Chaussée des Géants yo ku nkengera y’ibahari yo mu buraruko bwa Irlande ya Ruguru, igizwe n’ibibuye bishinze nk’inkingi vyiremaremye kera igihe urunyigimbe ruturira rw’ibirunga rwatemba rugahura n’amazi y’ibahari rugaca ruhora.
Raba kandi
BE MASO!
Tuje muri Nouvelle-Zélande
Naho umengo Nouvelle-Zélande irirebanga, ubwiza bwaho bw’agatangaza butuma ingenzi nk’imiliyoni zitatu zija kuharatira ijisho buri mwaka. Ni ibiki bituma bahahurumbira?
BE MASO!
Tuje muri Kazakistani
Aho ha mbere Abanyakazakistani babaho bimukanga, bakaba mu tuzu twitwa yourtes. Ubuzima bwabo muri iki gihe buhuriye he n’ubuzima bwa ba sekuruza babo?
BE MASO!
Tuje muri Espanye
Igihugu ca Espanye kibamwo abantu b’ubwoko butandukanye, kikagira n’intara zifise ubwiza butandukanye. Hari igifungurwa c’agaciro Espanye ihingura cane kuruta ibindi bihugu vyose kw’isi.
BE MASO!
Tuje muri Kirgistani
Abantu bo muri Kirgistani bafise ubwakiranyi n’urupfasoni. Ni imigenzo iyihe iranga ubuzima bwabo bwo mu rugo?
BE MASO!
Tuje muri Uzbekistani
Numenye vyinshi ku bijanye na Uzbekistani be n’ingene indome zaho zagiye zirahindagurika.
