E Fia Suafa o le Atua?
Tali a le Tusi Paia
E na o le tasi lava le suafa patino o le Atua. O loo tusia i mataʻitusi Eperu יהוה ma o loo faaliliuina i le faa-Peretania o Ieova. a Na fetalai le Atua e ala i lana perofeta o Isaia e faapea: “O aʻu o Ieova. O loʻu igoa lea.” (Isaia 42:8) E pe ā ma le 7,000 taimi o loo taʻua ai lenei igoa i manusikulipi anamua o le Tusi Paia. E matuā tele atu taimi o loo taʻua ai i le Tusi Paia lenei igoa nai lo se isi lava taʻu e faaaogā mo le Atua po o se igoa foʻi o se tagata. b
Pe e iai nisi suafa mo Ieova?
E ui o loo taʻua i le Tusi Paia e na o le tasi le suafa patino o le Atua, ae e faaaogā foʻi i le Tusi Paia le tele o faalupega ma taʻu e faamatala ai o ia. O nisi nei o faalupega ma taʻu o loo faaalia mai ai le ituaiga Atua e iai Ieova po o ona uiga.
Faalupega |
Mau |
Uiga |
|---|---|---|
Allah |
(Leai se mea) |
O le upu faa-Arapi o “Allah” e uiga atu i le “Atua,” ae e lē o se igoa patino o le Atua. E faaaogā i faaliliuga o le Tusi Paia i le gagana Arapi ma isi gagana le upu “Allah” lea e tutusa ma le upu “Atua.” |
Lē e ona le malosi uma lava |
E lē mafaatusalia lona malosi. O le faaupuga Eperu ʼEl Shad·daiʹ, “o le Atua o Lē e ona le malosi uma lava,” e fitu taimi o loo taʻua ai i le Tusi Paia. |
|
Alefa ma le Omeka |
O faaupuga “o lē e muamua ma lē e mulimuli,” po “o le amataga ma le gataaga,” e uiga atu e leai se Atua e ona le malosi uma lava na muamua atu iā Ieova ma e leai foʻi se Atua e mulimuli mai iā Ieova. (Isaia 43:10) O le Alefa ma le Omeka, o le mataʻitusi muamua ma le mataʻitusi mulimuli o le alafapeta faa-Eleni. |
|
Lē e Mai Anamuā Ona Aso |
E leai sona amataga; na soifua o ia mai i le vavau a o leʻi iai mea uma lava.—Salamo 90:2. |
|
Lē na foafoaina mea |
Na ia foafoaina mea uma. |
|
Tamā |
Lē na foaʻi mai le ola. |
|
Atua |
O sē e tapuaʻi i ai; o sē e malosi. O le faaupuga Eperu ʼElo·himʹ e numera tele, ma e faailoa mai ai le silisili ese ma le mamalu o Ieova. |
|
Le Atua o atua |
E matuā lē tutusa lava le Atua silisili ese ma “atua lē aogā,” lea e tapuaʻi ai nisi tagata.—Isaia 2:8. |
|
Aʻoaʻo Sili |
E na te aumaia aʻoaʻoga ma faatonuga aogā.—Isaia 48:17, 18. |
|
Lē e Sili na Faia i tatou |
Na ia foafoaina mea uma.—Faaaliga 4:11. |
|
Le Atua fiafia |
O loo faamatalaina Ieova o ia o se Atua fiafia ma olioli.—Salamo 104:31. |
|
Le Faafofoga tatalo |
E faafofoga o ia i tatalo uma a ē faatuatua. |
|
O Aʻu o Lē ola, o loo ola lava |
Esoto 3:14, Tusi Paia Samoa 1884 |
O lenei faaupuga o loo faaliliuina i le (The Emphasised Bible, a J. B. Rotherham; New World Translation) e faapea, “E Avea Aʻu ma mea Ou te loto i ai” pe “E Avea lava Aʻu ma so o se mea Ou te loto i ai.” E avea Ieova ma so o se mea e manaʻomia ina ia faataunuu ai lona finagalo. Ua fesoasoani nei faaupuga e faamatala ai le uiga o le suafa patino o Ieova o loo i le fuaiupu 15.—Esoto 3:15. |
Fuā |
E na te lē taliaina le faatautavā i le tapuaʻiga moni. Ua faaliliuina foʻi lenei faaupuga e faapea, e “na te lē taliaina se tasi e faatautavā i le tapuaʻiga moni” po “o le igoa o Ieova o le Fuā.”—God’s Word Bible; Faaliliuga a le Lalolagi Fou. |
|
Le Tupu o le vavau |
E leai se amataga po o se gataaga o lana pulega. |
|
Alii |
O Lē e ona mea uma lava po o le matai. O upu Eperu mo nei faaupuga o le ʼA·dhohnʹ ma le ʼAdho·nimʹ. |
|
Alii o ʻAu, Alii o Sapaota |
Isaia 1:9, Tusi Paia Samoa—Lomiga 1969, Roma 9:29, Tusi Paia Samoa—Lomiga 1969 |
O le Taʻitaʻi o se aofaʻiga tele o agelu. O le faalupega “Alii o Sapaota” e mafai foʻi ona faaliliuina i le “Ieova o ʻAu” ma le “Alii o ʻau faalelagi.”—Roma 9:29, Faaliliuga a le Lalolagi Fou; NET Bible, footnote. |
Lē e Silisili Ese |
E pule silisili o ia. |
|
Lē e Sili Ona Paia |
E sili atu ona paia (mamā ma lē ponā tauamio) i lo se isi. |
|
Fai Ipu Omea |
E pule o ia i tagata uma ma atunuu e pei ona pule le fai ipu omea i le omea.—Roma 9:20, 21. |
|
Lē e toe faatauina oe |
Ua ia toe faatauina tagata mai i le agasala ma le oti e ala i le taulaga togiola a Iesu Keriso.—Ioane 3:16. |
|
Papa |
O le sulufaʻiga ma le puna o le faaolataga. |
|
Faaola |
E na te faasaoina i tatou mai i lamatiaga ma mea e faaleagaina ai. |
|
Leoleo Mamoe |
E manatu mamafa o ia i ona tagata tapuaʻi. |
|
Alii Pule Silisili Ese |
O le upu Eperu o le ʼAdho·naiʹ, e uiga atu i le silisili ese o lana pule. |
|
Lē e Pule Aoao |
O le pule aoao i mea uma. |
O ni nofoaga o loo taʻua i Tusitusiga Eperu
E iai ni nofoaga i le Tusi Paia o loo taʻua ai le suafa patino o le Atua ae lē o ni suafa na o le Atua.
Igoa o nofoaga |
Mau |
Uiga |
|---|---|---|
Ieova-Irae |
“E saunia mea e Ieova.” |
|
Ieova-nese |
“O Ieova o loʻu faailoilo.” O Ieova o le Atua e sulufaʻi ai ona tagata mo le puipuiga ma le fesoasoani.—Esoto 17:13-16. Faaliliuga a le Lalolagi Fou, Faaopoopoga pito i lalo |
|
Ieova-saloma |
O Ieova o le Filemu, New World Translation, footnote |
O māfuaaga e tatau ai ona iloa ma faaaogā le suafa o le Atua
E tāua i le Atua lona suafa patino o Ieova, ona e faitau afe taimi o loo taʻua ai i le Tusi Paia.—Malaki 1:11.
E tele taimi na faamatilatila ai e Iesu, le Alo o le Atua, le tāua o le suafa o lona Tamā. O se faaaʻoaʻoga na tatalo Iesu: “Ia faapaiaina lou suafa.”—Mataio 6:9; Ioane 17:6.
O i latou e aʻoaʻoina ina ia iloa lelei le suafa o le Atua ma faaaogā, ua latou uia le laasaga muamua i le atiaʻeina o se faauōga ma Ieova. (Salamo 9:10; Malaki 3:16) O lenā faauōga e mafai ai ona latou maua aogā mai i le folafolaga a le Atua: “Ona ua ia alofa mai iā te aʻu, Ou te saunia ai se mea e sao ai o ia. Ou te puipuia foʻi o ia ona ua ia iloa loʻu igoa.”—Salamo 91:14.
Ua faailoa mai e le Tusi Paia: “Auā e ui ina iai o ē ua taʻua o “atua” i le lagi ma le lalolagi, e pei ona iai ʻatua’ e toʻatele ma ʻalii.’ ” (1 Korinito 8:5, 6) Ae o loo faailoa manino mai e le Tusi Paia le Atua moni e toʻatasi i lona suafa o Ieova.—Salamo 83:18.
a E fiafia nisi tagata Eperu e suʻesuʻeina le Tusi Paia, e faaaogā le suafa “Yahweh” mo le Atua.
b E pe ā ma le 50 taimi o loo taʻua ai le faapuupuuga o le suafa Ieova o “Ioa” i le Tusi Paia, e aofia ai ma le faaaogāina o le faaupuga “Alleluia lea e uiga atu i le “vivii atu iā Ioa!”—Faaaliga 19:1; Tusi Paia Samoa 1884; Tusi Paia Samoa—Lomiga 1969
E te Ono Fiafia Foʻi
TALIINA O FESILI FAALE-TUSI PAIA
O ai Ieova?
Po o ia o se Atua mo na o se tagata se toʻatasi e pei o le nuu o Isaraelu?
A'OA'OGA FAALE-TUSI PAIA
Pe e Iai se Suafa o le Atua?
E tele faalupega e ave i le Atua, e pei o le Silisili Ese, Alii, ma le Tupu o le vavau. Peitaʻi, e pe ā ma le 7,000 taimi o loo faaaogā ai le suafa patino o le Atua i le Tusi Paia.
TALIINA O FESILI FAALE-TUSI PAIA
Po o Iesu o le Suafa Lea o le Atua?
E leʻi taʻua lava e Iesu o ia o le Atua e ona le malosi uma lava. Aiseā?
UIGA O MAU
Le Uiga o le Isaia 42:8—“O Aʻu o le ALII”
O le ā le suafa na finagalo le Atua e taʻua ai o ia?
TALIINA O FESILI FAALE-TUSI PAIA
O Ai po o le ā “le Alefa ma le Omeka”?
Aiseā e talafeagai ai lenei faalupega?
MOLIMAU A IEOVA
Talosaga mo se Asiasiga
Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.