E malamalama Iesu i faalogona mafatia o tagata ona o soligatulafono ma faiga lē tonu. Aiseā? Auā na tuuaʻia sesē o ia, sasaina e aunoa ma se solitulafono, faamasinoina ma le lē tonu, molia sesē, ma fasiotia i se auala e sili ona tigā. E ui e leai sana sala, ae na lotomalie e faataulaga “lona ola e fai ma togiola e sui aʻi tagata e toʻatele.” (Mataio 20:28; Ioane 15:13) Talu ai ua avea o ia ma Tupu o le Malo o le Atua, ua toeitiiti ona ia faia lea o le faamasinotonu i le lalolagi aoao, ma faamuta e faavavau le solitulafono.—Isaia 42:3.

 O loo faamatala i le Tusi Paia le tulaga o le a iai le lalolagi pe a gaoioi Iesu e faamuta soligatulafono:

•   “[O le a] lē toe iai . . . le tagata amioleaga; e te vaai atu i le mea sa iai o ia, ae ua leai lava. A o ē e agamalu, e fai mo i latou le lalolagi, e matuā faafiafiaina foʻi i latou ona o le tele o le filemu.”—Salamo 37:10, 11.

 E faapefea ona faaalia lo tatou talisapaia o mea ua faia ma mea o le a faia e Iesu mo i tatou? Na fetalai atu Iesu i ona soo i le Luka 22:19 ina ia latou faamanatu lona maliu. O le māfuaaga lenā e potopoto faatasi ai Molimau a Ieova i le aso e faamanatu ai lona maliu i tausaga taʻitasi. O lea, e matou te valaaulia ma le faaaloalo oe ina ia tatou auai faatasi i le Faamanatuga o le maliu o Iesu i le Aso Sa, Mati 24, 2024.

Saʻili se Faamanatuga