Faataoto 23:1-35
23 Afai e te nofo i lalo ina ia lua aai faatasi ma le tupu,Ia e mafaufau lelei i mea o loo i ou luma;
2 Ia e tuu se naifi i lou ua*Pe afai e te naunau tele i meaʻai.
3 Aua e te manaʻo tele i ana meaʻai lelei,Ona o meaʻai ia e taufaasesē.
4 Aua e te soona galue ina ia maua ai le tamaoaiga.+
Ia taofi ma faaalia le faautaga loloto.*
5 Pe a vaai atu i ai ou mata, ua lē toe iai i inā,+Auā e mautinoa e fai ona apaʻau e pei o le aeto ma lele atu i le lagi.+
6 Aua e te ʻai i meaʻai a se tasi e limamau;*Aua e te manaʻo tele i ana meaʻai lelei,
7 Auā e na te mātauina mea‘ai uma o loo e ‘ai ai.
Ua ia fai atu iā te oe: “Ia tausami ma inu,” ae e lē o le uiga lenā o lana faamatalaga.*
8 E te luai mai i fafo fasi meaʻai na e ʻai aiMa ua e faamaʻimau au faaupuga lelei.
9 Aua e te tautala atu i taliga o lē ua valea,+Auā e ʻinoʻino o ia i le atamai o au faaupuga.+
10 Aua e te toe sii i tua le pine o le fanua mai i aso anamua+Pe uia le fanua o lē ua leai se tamā.
11 Auā e malosi Lē e puipuia* i latou;O le a finau o ia ma oe e tusa ma la latou mataupu.+
12 Ia uaʻi mai lou loto i aʻoaʻigaMa ou taliga i upu e poto ai.
13 Aua le taofia le aʻoaʻiga i le tama.*+
Afai e te sasa iā te ia i le laau,* e lē oti o ia.
14 E te sasa iā te ia i le laau,Ina ia faaolaina ai o ia mai i le Tuugamau.*
15 Loʻu atalii e, afai e atamai lou loto,Ona fiafia lea o loʻu lava loto.+
16 E olioli loʻu tagata i totonu*Pe a tautala ou laugutu i mea ua tonu.
17 Aua neʻi matau‘a lou loto i ē e agasala,+Ae ia mataʻu iā Ieova i le aso atoa,+
18 Auā o le a maua ai sou lumana‘i manuia+Ma lē mou atu lou faamoemoe.
19 Loʻu atalii e, ia faalogo ma atamai ai,Ma faatonutonu lou loto i le ala saʻo.
20 Aua neʻi e faatasi ma ē e inu tele i le uaina,+Pe faatasi fo‘i ma ē e soona aai i aano o manu,+
21 Auā o le a mativa lē e onā ma lē e soona ʻai tele,+Ma o le a ofu i ʻieʻie o lē e matamoe pea.
22 Ia e faalogo i lou tamā o lē na māfua ai ona e fanau mai,Aua foʻi e te ʻinoʻino i lou tinā ona ua loomatua o ia.+
23 Ia faatau* mai le upu moni ma aua lava neʻi toe faatau atu,+Atoa foʻi ma le atamai, o le aʻoaʻiga, ma le malamalama.+
24 E olioli lava le tamā o lē e amiotonu;O le tamā foʻi o le atalii atamai, e olioli o ia iā te ia.
25 E olioli lou tamā ma lou tinā,E olioli foʻi o lē na fanaua oe.
26 Loʻu atalii e, ia e tuu mai lou loto iā te aʻu,Tau ina ia fiafia fo‘i ou mata i oʻu ala.+
27 Auā o le fafine talitane, o le lua maulalo lea,Ma o le fafine e amio lē mamā,* o le vaieli vāitiiti lea.+
28 E faatalitali o ia e pei o se tagata faomea;+E na te faateleina le aofaʻi o tamāloloa e lē faamaoni.
29 O ai ua iai le auega? O ai ua iai le atugalu?
O ai ua iai finauga? O ai ua iai faitioga?
O ai ua manuʻa fua? O ai ua iai mata mūmū?*
30 O i latou ia ua umi ona inu i le uaina;+O i latou ia ua saʻili* i le uaina ua suia.
31 Aua e te vaai i le lanu mūmū o le uainaPe a sesega mai i le ipu, ma pe a manaia tele le tofo,
32 Ae mulimuli ane e taufeū e pei o le gata,Ma e faamatuu atu mea oona e pei o le gata uogo.
33 E vaai ou mata i mea uigaese,Ma e tautala lou loto i mea leaga.+
34 O le a pei oe o lē ua taoto i le ogatotonu o le sami,E pei foʻi o se tasi ua taoto i le tumutumu o le fanā* o le vaa.
35 E te faapea ane: “Ua latou tā aʻu, ae ou te leʻi lagonaina.*
Ua latou fasia aʻu, ae ou te leʻi iloaina.
O afea ou te ala ai?+
Ua ou toe fia inu.”*
Faamatalaga Pito i Lalo
^ Po o le “Ia pulea oe lava.”
^ Pe atonu “Aua le gaoioi e tusa ma lou lava malamalama.”
^ Po o “se tasi e leaga ona mata.”
^ Epe., “e lē o iai lona loto iā te oe.”
^ Epe., “Lē e togiolaina.”
^ Po o “le fanau iti; talavou.”
^ Po o le “tootoo.” O lenei upu e faaata mai ai faasaʻoga po o le pule.
^ Po o “Seoli.” Tagaʻi i le Uiga o Upu.
^ Epe., “oʻu fatugaʻo.”
^ Po o le “Ia maua.”
^ Po o “mata ua lē lavā?”
^ Po o le “ua faapotopoto ina ia tofo.”
^ E faasino atu i se pou e faamau ai lā o le vaa.
^ Po o le “ou te leʻi tigā ai.”
^ Po o le “Ona ou toe saʻilia lea.”
