Iopu 12:1-25
12 Ona tali atu lea o Iopu e faapea:
2 “E moni lava o outou o le nuu ua iloaina,*Ma e mavae atu le atamai faatasi ma outou!
3 Ae e iā te aʻu foʻi le malamalama.*
Ou te lē faatauvaa iā te outou.
O ai ea e lē iloa nei mea?
4 Ua avea aʻu ma mea e ula ai a‘u aumea,+O lē ua valaau atu i le Atua mo se tali.+
Ua avea lē e amiotonu ma e lē taʻuleagaina ma mea e ula ai isi.
5 O lē e nofo fifilemu e ʻinoʻino o ia i mala,E manatu e mo na o i latou e tautevateva o latou vae.
6 E filemu faleʻie o ē e faomea,+E saogalemu foʻi o ē e faaita i le Atua,+O ē ua iai o latou atua i o latou lima.
7 Peitaʻi, ia fesili atu faamolemole i manu, ona latou faatonu mai lea o oe;E faapea foʻi manufelelei o le lagi, ona latou taʻu mai lea iā te oe.
8 Pe ia manatunatu* i le laueleele, ona ia faatonu mai lea o oe;E faailoa mai foʻi e iʻa o le sami iā te oe.
9 O ai o nei mea uma e lē iloaO le aao o Ieova na faia nei mea?
10 Ua i lona aao le ola o meaola umaMa le mānava a* tagata uma lava.+
11 Pe e lē tofotofo ea e le taliga upuE pei ona tofo e le laulaufaiva* o meaʻai?+
12 Po ua lē iai ea le atamai i ē ua toeaina,+Ma le malamalama i ē ua faafualoa o latou soifua?
13 O loo iā te ia le atamai ma le malosi;+O loo iā te ia foʻi le fautuaga ma le malamalama.+
14 Pe a ia lepetia se mea, e lē mafai ona toe fausia;+O le mea ua ia tapunia, e lē mafai e se tagata ona toe tatalaina.
15 Pe a ia taofia vai, ona pepē ai lea o mea uma;+Pe a ia aauina atu foʻi i latou, e latou te lofia le lalolagi.+
16 O loo iā te ia le malosi ma le atamai e aogā;+O loo iā te ia foʻi lē ua taʻitaʻisesēina, ma lē e taʻitaʻisesēina isi;
17 Ua ia lē faaseevaeina vae o* le ʻaufaufautua,Ua ia faavaleaina foʻi faamasino.+
18 Ua ia tatalaina noanoataga ua faamalosia e tupu,+Ua ia fusia foʻi i se fusipaʻu o latou puimanava.
19 Ua ia tuu atu ositaulaga e savavali e leai ni seevae,+Ua ia lafotūina foʻi o ē ua mausalī la latou pule;+
20 Ua ia aveesea upu a le ‘aufaufautua faamoemoeina,Ma ua ia aveesea foʻi le mafaufau lelei o toeaina;
21 Ua ia ‘ino‘ino i tamālii,+Ua ia faavaivaia foʻi ē e malolosi;*
22 Ua ia faaalia mea loloto mai i le pōuliuli,+Ua ia faasusulu atu foʻi le malamalama i mea e matuā pogisa;
23 Ua ia faateleina le malosi o atunuu ina ia faaumatia ai i latou;Ua ia faalauteleina atu foʻi tuaoi o atunuu, ina ia ona taʻitaʻiina atu ai i latou e ave faapagota.
24 Ua ia aveesea le malamalama* o taʻitaʻi o le nuuMa tuu atu i latou e feoaʻi solo i mea tuufua e lē o iai se auala.+
25 Ua latou tautagotago i le pōuliuli+ e lē o iai se malamalama;Ua ia tuu atu i latou e feoaʻi solo e pei o ni tagata onanā.+
Faamatalaga Pito i Lalo
^ Epe., “o outou o le nuu.”
^ Epe., “le loto.”
^ Pe atonu “ia tautala atu.”
^ Po o “le agaga o.”
^ Epe., “gutu.”
^ Po o le “Ua ia aveesea mea uma a.”
^ Epe., “faavaivaia le fusi o ē e malolosi.”
^ Epe., “loto.”
