Faamanatuga o le Maliu o Iesu
Aso Toonaʻi, Aperila 12, 2025
E faatasi i tausaga taʻitasi ona faamanatuina e Molimau a Ieova le maliu o Iesu, e pei ona ia faatonu mai: “Ia faia pea lenei mea e fai ma faamanatuga iā te aʻu.”—Luka 22:19.
E matou te valaaulia oe i lenei sauniga faapitoa.
Fesili e Masani Ona Lāgā
O le ā le umi o le polokalame?
E pe tusa ma le itula le umi.
O fea o le a faia ai?
Faafesootaʻi Molimau a Ieova i se maota e faia ai le Faamanatuga i lou vaipanoa.
Pe e totogi se tupe ina ia auai ai?
Leai.
Pe e aoina ni peleti?
Leai.
O ā laʻei e tatau ona fai?
E ui e leai se tulafono patino i laʻei e tatau ona fai, ae e taumafai Molimau a Ieova e mulimuli i fautuaga a le Tusi Paia ina ia onomea ma talafeagai o latou laʻei. (1 Timoteo 2:9) E lē tau manaʻomia ona sasalu pe fai ni ofu taugatā.
O le ā e faia i le Faamanatuga?
E amata ma faaiʻu le sauniga i le usuina o se pese, ma se tatalo e faia e se Molimau a Ieova. O le a faia ai se lauga faale-Tusi Paia e faamatala ai le tāua o le maliu o Iesu, ma aogā e mafai ona tatou maua mai i le gaoioiga na faia e le Atua ma Keriso mo i tatou.
Mo nisi faamatalaga, tagaʻi i le mataupu “Aiseā e Ese ai le Auala e Faamanatu ai e Molimau a Ieova le Talisuaga a le Alii Mai i Isi Lotu?”
O ā aso o isi Faamanatuga i le lumanaʻi?
2025: Aso Toonaʻi, Aperila 12
2026: Aso Tofi, Aperila 2
E te Ono Fiafia Foʻi
FAAMANATUGA
Faamanatuga o le Maliu o Iesu
E matou te valaaulia ma le māfana oe ina ia e auai faatasi ma i matou i lenei sauniga faapitoa. O le a e aʻoaʻoina ai pe e faapefea i le soifuaga ma le maliu o Iesu ona e maua ai aogā.
A'OA'OGA FAALE-TUSI PAIA
Aiseā na Maliu ai Iesu?
O loo faamamafa mai i le Tusi Paia le tāua tele o le maliu o Iesu. Pe na iai se fuafuaga o lona maliu?