MUBVUNZO 7
Bhaibheri Rakagara Ratii Nezvemazuva Atiri Kurarama?
“Rudzi ruchamukira rudzi uye umambo huchamukira umambo . . . Zvese izvi zvichava kutanga kwemarwadzo anotambudza.”
“Vaprofita venhema vazhinji vachamuka votsausa vanhu vazhinji; uye kuwedzera kwekusateerera mutemo kuchaita kuti rudo rwevazhinji rutonhore.”
“Pamunonzwa nezvehondo nemashoko ezvehondo, musavhunduka; zvinhu izvi zvinofanira kuitika, asi mugumo unenge usati wasvika.”
“Kuchava nekudengenyeka kwenyika kukuru, uye munzvimbo dzakawanda muchava nenzara nematenda; kuchaonekwa zvinhu zvinotyisa, uye zviratidzo zvikuru zvichabva kudenga.”
“Mumazuva ekupedzisira, nguva dzakaoma, dzinonetsa kurarama madziri dzichasvika. Nekuti vanhu vachava vanozvida, vanoda mari, vanozvirumbidza, vanozvikudza, vanomhura, vasingateereri vabereki, vasingaongi, vasina kuvimbika, vasina rudo runongobva rwega mumwoyo, vasingatombodi kubvumirana, vanotaura zvenhema nezvevamwe, vasingazvidzori, vanotyisa, vasingadi zvakanaka, vatengesi, vakaoma musoro, vanozvitutumadza, vanoda mafaro panzvimbo pekuda Mwari, vanoita sekunge vanonamata Mwari asi vasingaiti zvinoenderana nekunamata kwacho.”
