Mapisarema 67:1-7
Kumutungamiriri; runofanira kuimbwa pamwe nezviridzwa zvine tambo. Pisarema. Rwiyo.
67 Mwari achatinzwira nyasha, otikomborera;Achaita kuti chiso chake chipenye patiri+ (Sera)
2 Kuti nzira yenyu izivikanwe munyika yese,+Mabasa enyu ekuponesa azivikanwe pakati pemarudzi ese.+
3 Marudzi ngaakurumbidzei, haiwa Mwari;Marudzi ese ngaakurumbidzei.
4 Marudzi ngaafare apembere nemufaro,+Nekuti muchatonga marudzi zvakarurama.+
Muchatungamirira marudzi epanyika. (Sera)
5 Marudzi ngaakurumbidzei, haiwa Mwari;Marudzi ese ngaakurumbidzei.
6 Nyika ichabereka zvibereko zvayo;+Mwari, iye Mwari wedu, achatikomborera.+
7 Mwari achatikomborera,Uye nyika yese ichamutya.*+
Mashoko Emuzasi
^ Kana kuti “ichamukudza.”
