Mapisarema 86:1-17
Munyengetero waDhavhidhi.
86 Rerekai nzeve yenyu,* haiwa Jehovha, mundipindure,Nekuti ndinotambudzika uye ndiri murombo.+
2 Chengetedzai upenyu hwangu,* nekuti ndakavimbika.+
Ponesai mushumiri wenyu anovimba nemi,Nekuti muri Mwari wangu.+
3 Ndinzwirei nyasha, haiwa Jehovha,+Nekuti ndinodana kwamuri zuva rese.+
4 Itai kuti mushumiri wenyu afare,*Nekuti ndinotendeukira kwamuri, haiwa Jehovha.
5 Nekuti makanaka+ uye makagadzirira kukanganwira,+ haiwa Jehovha;Rudo rwenyu rusingachinji kune vese vanodana kwamuri rwakakura.+
6 Inzwai munyengetero wangu haiwa Jehovha;Uye teererai kuchemera kwangu kubatsirwa.+
7 Ndinodana kwamuri pazuva rekutambudzika kwangu,+Nekuti muchandipindura.+
8 Pakati pavanamwari hakuna akaita semi, haiwa Jehovha,+Hapana mamwe mabasa akafanana neenyu.+
9 Marudzi ese amakasikaAchauya okotama pamberi penyu, haiwa Jehovha,+Uye achakudza zita renyu.+
10 Nekuti muri mukuru uye munoita zvinhu zvinoshamisa;+Ndimi Mwari, imi mega.+
11 Ndirayiridzei nezvenzira yenyu, haiwa Jehovha.+
Ndichafamba muchokwadi chenyu.+
Batanidzai mwoyo wangu* kuti utye zita renyu.+
12 Ndinokurumbidzai, haiwa Jehovha Mwari wangu, nemwoyo wangu wese,+Ndichakudza zita renyu nekusingaperi,
13 Nekuti rudo rwenyu rusingachinji rwamunondiratidza rwakakura,Uye makandiponesa* kuti ndirege kudzika muGuva.*+
14 Haiwa Mwari, vanhu vanozvikudza vanosimuka kuti vandirwise;+Chikwata chevanhu vane utsinye chinotsvaga kupfuudza upenyu hwangu,*Uye havafungi nezvenyu.*+
15 Asi imi, haiwa Jehovha, muri Mwari ane ngoni netsitsi,*Anononoka kutsamwa, azere nerudo rusingachinji uye nekutendeka.*+
16 Tendeukirai kwandiri mundinzwirewo nyasha.+
Ipai mushumiri wenyu simba renyu,+Uye ponesai mwanakomana wemurandasikana wenyu.
17 Ndiratidzei chiratidzo chekunaka kwenyu,Kuti vaya vanondivenga vazvione, vanyadziswe.
Nekuti imi, haiwa Jehovha, muri mubatsiri wangu nemunyaradzi wangu.
Mashoko Emuzasi
^ Kana kuti “Kotamai mundinzwewo.”
^ Kana kuti “mweya wangu.”
^ Kana kuti “mweya wemushumiri wenyu ufare.”
^ Kana kuti “Ndipei mwoyo mumwe chete.”
^ Kana kuti “muSheori.” Ona Tsanangudzo Yemashoko.
^ Kana kuti “makaponesa mweya wangu.”
^ Kana kuti “mweya wangu.”
^ Kana kuti “havana kukuisai pamberi pavo.”
^ Kana kuti “nenyasha.”
^ Kana kuti “nechokwadi.”
