Ndiani Akatanga Chitendero Chenyu?
Sangano reZvapupu zvaJehovha ririko iye zvino ratanga makore okuma1800 ava kunopera. Panguva iyoyo, boka duku revadzidzi veBhaibheri iro raigara pedyo nePittsburgh, Pennsylvania, kuUnited States, rakatanga kuongorora Bhaibheri. Vadzidzi vacho vaienzanisa dzidziso dzaidzidziswa muzvitendero nezvinodzidziswa neBhaibheri. Vakatanga kuita kuti zvavaidzidza zvipirindwe mumabhuku, mapepanhau, uye magazini iyo pari zvino yava kunzi Nharireyomurindi—Yokuzivisa Umambo hwaJehovha.
Pavadzidzi ivavo vaiita zvinhu nemwoyo wose paiva nemurume ainzi Charles Taze Russell. Kunyange zvazvo Russell aitungamirira pabasa rokudzidza Bhaibheri panguva iyoyo uye ari mupepeti wokutanga weNharireyomurindi, haana kutanga chitendero chitsva. Chinangwa chaRussell nevamwe Vadzidzi veBhaibheri, semazivikanirwo aiitwa boka iri panguva iyoyo, chaiva chokusimudzira dzidziso dzaJesu Kristu uye kuita zvaiitwa neungano yechiKristu yokutanga-tanga. Sezvo Jesu ari iye akatanga chiKristu, ndiye watinoti akatanga sangano redu.—VaKorose 1:18-20.
Zvimwe Zvaunogona Kufarira
MIBVUNZO INONYANYA KUBVUNZWA
Sei Muchishandisa Zita Rokuti Zvapupu zvaJehovha?
Ona kuti zita racho rinobvepi.
MIBVUNZO INONYANYA KUBVUNZWA
Zvapupu zvaJehovha vaKristu Here?
Tapota ona kuti takasiyana sei nezvitendero zvinozviti ndezvechiKristu.
MIBVUNZO YEBHAIBHERI INOPINDURWA
Jehovha Ndiani?
Iye ndiMwari werudzi rumwe chete, rwakadai serwevaIsraeri here?
SUMO DZEKUSHANDISA PAKUPARIDZA
Zvapupu zvaJehovha—Tiri Vanhu Vakaita Sei?
Vakawanda vanoda kuziva kuti Zvapupu zvaJehovha vambori vanhu vakaita sei. Rega tikuudze chokwadi.
NEZVEDU
Kumbira Kushanyirwa
Unogona kukurukura nesu kana uine mubvunzo wauinawo une chekuita neBhaibheri kana kuti kana paine zvaunoda kuziva nezveZvapupu zvaJehovha.